منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 الحب كما علمنا الرسول صلى الله عليه وسلم .....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: الحب كما علمنا الرسول صلى الله عليه وسلم .....   الجمعة 26 يونيو 2009 - 13:10




كثير منا يبحث عن الحب على متن الباخرة تيتانيك
وكثيرون يبحثون عن الرومانسية في آخر قطرة من زجاجة سم
تجرعها كل من روميو وحبيبته جوليت
وآخرون. يبحثون عن كل منهما وسط الكثبان الرملية

في صحراء قيس وليلي



بينما يغيب عن كل هؤلاء، أن رسولنا الكريم

هو أول من علمنا أصول الحب

!!!!!!!!!!

تحت راية الإسلام، رٌفِعت جميع الشعارات الدينية والاجتماعية والسياسية
ليبقى الحب في الإسلام هو الشعار المنبوذ
فكم منا فكر أن يستحضر سنة النبي في حبه لزوجاته
مثلما يحاول تمثله في كل جوانب الحياة الأخرى
حرب لا تخلو من حب
لم تستطع السيوف والدماء أن تنسي القائد
(رغم كل مسئوليات ومشقة الحرب بما تحمله من هموم) الاهتمام بحبيبته
فعن أنس قال: خرجنا إلى المدينة (قادمين من خيبر) فرأيت النبي يجلس عند بعيره،فيضع ركبته وتضع صفية رجلها على ركبتيه حتى تركب
(رواه البخاري)
فلم يخجل الرسول �" صلى الله عليه وسلم- من أن يرى جنوده هذا المشهد،
ومم يخجل أو ليست بحبيبته
ويبدو أن هذه الغزوة لم تكن استثنائية
بل هو الحب نفسه في كل غزواته ويزداد
فوصل الأمر بإنسانية الرسول الكريم أن يداعب عائشة رضي الله عنها
في رجوعه من إحدى الغزوات، فيجعل القافلة تتقدم عنهم بحيث لا تراهم ثم
يسابقها
وليست مرة واحدة بل مرتين
وبلغت رقته الشديدة مع زوجاته
أنه يشفق عليهن حتى من إسراع الحادي في قيادة الإبل اللائي يركبنها
فعن أنس رضي الله عنه أن النبي (صلى الله عليه وسلم)
كان في سفر وكان هناك غلام اسمه أنجشة يحدو بهن
أي ببعض أمهات المؤمنين وأم سليم يقال له أنجشة
فاشتد بهن في السياق، فقال النبي (صلى الله عليه وسلم)
"رويدك يا أنجشة سوقك بالقوارير"

(رواه البخاري)




حب بصوت عالي!
وعندما تتخافت الأصوات عند ذكر أسماء نسائهم،
نجد رسولنا الكريم يجاهر بحبه لزوجاته أمام الجميع.
فعن عمرو بن العاص أنه سأل النبي (صلى الله عليه وسلم) أي الناس أحب
إليك.
قال: عائشة، فقلت من الرجال؟ قال: أبوها".

(رواه البخاري).
وعن زوجته السيدة صفية بنت حيي قالت:
"أنها جاءت رسول الله (صلى الله عليه وسلم) تزوره في اعتكافه في المسجد
في العشر
الأواخر من رمضان، فتحدثت عنده ساعة، ثم قامت لتنصرف، فقام النبي
(صلى الله عليه وسلم)
معها يوصلها،حتى إذا بلغت المسجد عند باب أم سلمة مر رجلان من الأنصار
فسلما على رسول الله
(صلى الله عليه وسلم)،فقال لهما: "على رسلكما، إنما هي صفية بنت حيي".
(رواه البخاري).

وبسلوك الاسلام
يحكي لنا أنس أن جاراً فارسياً لرسول الله
كان يجيد طبخ المرق،فصنع لرسول الله (صلى الله عليه وسلم) طبقاً ثم جاء
يدعوه،
فرفض سيدنا محمد الدعوة مرتين؛لأن جاره لم يدع معه عائشة للطعام،
وهو ما فعله الجار في النهاية!
خير الرومانسية!
وبغض النظر عن السعادة التي يتمتع
بها أي انسان في جوار رسول الله،
فإن زوجات نبينا الكريم كن يتمتعن بسعادة زوجية
تحسدهن عليها كل بنات حواء،
فمن منا لا تتمنى أن تعيش بصحبة زوج يراعى حقوقها
ويحافظ على مشاعرها أكثر من أي شيء،
بل ويجعل من الاهتمام بالأهل والحنو عليهم
وحبهم معيارا لخيرية الرجل صلى الله عليه وسلم
"خيركم.. خيركم لأهله، وأنا خيركم لأهلي". (رواه الترمذي وابن ماجة).
وتحكي عائشة أنها كانت تغتسل مع رسول الله (صلى الله عليه وسلم) في إناء
واحد،
فيبادرها وتبادره، حتى يقول لها دعي لي، وتقول له دع لي،
وعنها قالت:
"كنت أشرب وأنا حائض فأناوله النبي (صلى الله عليه وسلم) فيضع فاه (فمه)

على موضع في (فمي) ".(رواه مسلم والنسائي).
وعن ميمونة رضي الله عنها قالت:
" كان رسول الله (صلى الله عليه وسلم) يدخل على إحدانا وهي حائض فيضع
رأسه في حجرها فيقرأ القرآن،ثم تقوم إحدانا بخمرته فتضعها في المسجد
وهي حائض". (رواه أحمد).
وعلى كثرة عددهن كان رسول الله (صلى الله عليه وسلم)
القائد والرسول يتفقد أحوالهن ويريد للود أن يبقى ويستمر فعن ابن عباس
قال:
"وكان رسول الله (صلى الله عليه وسلم) إذا صلى الصبح جلس في مصلاه
وجلس الناس حوله
حتى تطلع الشمس ثم يدخل على نسائه امرأة امرأة يسلم عليهن ويدعو لهن.
فإذا كان يوم إحداهن كان عندها".

(فتح الباري، شرح صحيح البخاري).




بيت النبوة
وفي عصر يبتعد عن الرفاهية ألاف السنين
كان الرسول المحب خير معين لزوجاته..
فقد روي عن السيدة عائشة في أكثر من موضع أنه كان في خدمة أهل بيته.
فقد سئلت عائشة ما كان النبي (صلى الله عليه وسلم) يصنع في بيته؟
قالت: كان يكون في مهنة أهله (أي خدمة أهله) (رواه البخاري).
وفي حادثة أخرى أن عائشة سئلت ما كان رسول الله (صلى الله عليه وسلم)
يعمل في بيته؟
قالت: "كان يخيط ثوبه ويخصف نعله ويعمل ما يعمل الرجال في بيوتهم".
وظل سيدنا محمد عليه الصلاة والسلام على وفائه للسيدة خديجة زوجته
الأولى طوال حياتها،
فلم يتزوج عليها قط حتى ماتت، وبعد موتها كان يجاهر بحبه لها أمام الجميع،
وكان يبر صديقاتها إكراماً لذكراها،
حتى أن السيدة عائشة رضي الله عنها كانت تقول:
ما غرت من أحد من نساء النبي ما غرت على خديجة،
وما رأيتها ولكن كان النبي يكثر ذكرها،
وربما ذبح الشاة ثم يقطعها أعضاء ثم يبعثها في صدائق خديجة،
فربما قلت له: كأنه لم يكن في الدنيا امرأة إلا خديجة،
فيقول: إنها كانت وكانت، وكان لي منها ولد". (رواه البخاري).
والله سبحانه وتعالى أعلى وأعلم
هذا هو نبينا الكريم أعظم خلق الله
وهذا هو سلوكه فى معاملة المراة
ومعاملة زوجاته
فهل يوجد فى جميع البشر خير منه..؟!!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: الحب كما علمنا الرسول صلى الله عليه وسلم .....   السبت 27 يونيو 2009 - 7:53

ويقوولك VALENTINE ..... والله الدنيا دي غريبه ..

بجد احنا بقينا في زمن .... مش عارف اقول عليه ايه

بشكرك يا جـنــــــــه على الموضوع الجميل ده


_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
i.m.i



عدد الرسائل : 154
العمر : 23
تاريخ التسجيل : 09/09/2008

مُساهمةموضوع: رد: الحب كما علمنا الرسول صلى الله عليه وسلم .....   السبت 27 يونيو 2009 - 12:21

السلام عليكم

اولا فرق كبير جدا بين حب الناس دول لبعضهم وحب النبى صلى الله عليه و سلم لأزواجه

مش عشان هو رسول الله وخير الناس بس

ده عشان دول ازواجه صلى الله عليه و سلم

انما التانين دول مش كانوا متجوزين يعنى ده حرام

وشكرا جدا على الموضوع الممتاز ده وطريقة الطرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: الحب كما علمنا الرسول صلى الله عليه وسلم .....   الأحد 28 يونيو 2009 - 6:33



valantine مين يا ايمن .... انت لو تعرف قصه فلانتين ده اساسا وتعرف هوه مين
هتكره الشخص اللى عرفك بيه اساسا ....

وانا اللى بشكرك يا ايمن على مرورك الجميل ده ... ربنا يكرمك


اسلام ..
وعليكم السلام ورحمه الله وبركاته
فعلا عندك حق فى كلامك يا اسلام ...... عارف بجد لما بقرا مواقف الرسول فى اى حاجه
فى معاملاته مع الخدم مع اليهود مع زوجاته ......... الواحد كده بيحس بفخر اوى اوى انه من امه محمد
صلى الله عليه وسلم ....

فيه على فكره الداعيه احمد الشقيرى هوه طبعا سعودى وليه برنامج لو كان بيننا ....جه من 3 او 4 ايام
مصر وكان معاه مصطفى حسنى ومعز مسعود ..... وقعد احمد الشقيرى يتكلم عن حب الرسول لزوجاته وانه
هوه ده فعلا الحب الحقيقى ........... بجد سمعت منه مواقف لاول مره اسمعها ... بجد الرسول ده عظيم اوى .
فعلا وانك على خلق عظيم ....

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the_prince



عدد الرسائل : 783
المزاج : عال العال
اسم الكلية : العلوم
تاريخ التسجيل : 24/03/2008

مُساهمةموضوع: رد: الحب كما علمنا الرسول صلى الله عليه وسلم .....   الأربعاء 1 يوليو 2009 - 18:24

شكرا يا جنة على الموضوع الجامد ده ... اللى مخيتلفش كتير عن مواضيعك اللى فاتت ... دايما مواضيع ليها قيمة كبيرة جدا و فيها معنى عظيم ...
انتوا قلتوا كل حاجة ممكن تتقال ... بس معلش غصب عنى من قوة الموضوع لازم اقول حاجة :
* النقطة الاولى اللى هاتكلم فيها ان الموضوع ده رد على كل اللى بيحاولوا يقسموا حياتنا بمزاجهم ... يتكلموا فى السياسة و لما تيجى تردى بحكم الدين و اللى علمنا سيد الخلق _ صلى الله عليه و سلم _ يقولوا مدخلش الدين فى السياسة ... يتكلموا فى احوال الناس و البطالة و المشاكل اللى كلها بلاوى يقولوا دى كمان هتدخلوا الدين فيها .... الاقتصاد نفس الفيلم ... و كان الدين هو الفجر ركعتين و الظهر و العصر اربعة ...... لكن الموضوع ده بيبين لنا ان حتى الحب الدين علمنا ازاى نحب و ازاى يكون الحب ده فى طاعة الله و ازاى ان رسولنا الكريم عليه افضل الصلاة و السلام بيعلمنا الحب و ان ديننا يامرنا بالحب

* النقطة التانية ... البشوات اللى بيقولوا حقوق المراة .... ارجوكم انظروا كيف كان يعامل الحبيب - صلى الله عليه و سلم - زوجاته و كيف ان الاسلام كرم المراة و عظمها .. انظروا لحقوقها فى الاسلام و انظروا لحقوق وهمية تريدون اعطائها اياها ... انتم من لم يعطها حقوقها التى اقرها الاسلام و استبدلتوها بحقوق وهمية لا معنى لها

* النقطة التالتة لينا احنا كشباب ... يا ريت نتعلم الدرس ده ... و نعرف ازاى تكون معاملتنا فى الحب ... الحب مش دبدوب احمر ... و لا كارت مكتوب فيه هابى فلانتين داى ... و لا وردة حمرا بجنيه قدام الجامعة ... الحب هو كما علمنا رسول الله ... و درس للمتزوجين او اللى على وشك يشوفوا و يتعلموا ازاى مفروض تكون حياتهم مع ازواجهم

* حبوا بس حبوا فى الله و لله

اسف انى طولت ..... بس حبيت فى الاخر اقول انى باحبكم فى الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
i.m.i



عدد الرسائل : 154
العمر : 23
تاريخ التسجيل : 09/09/2008

مُساهمةموضوع: رد: الحب كما علمنا الرسول صلى الله عليه وسلم .....   الأربعاء 1 يوليو 2009 - 21:48

السلام عليكم

انا بأيدك بشدة يابرنس على كل اللى قلته ومعجب بيه جدا
وعايز اقولك ان بحبك ف الله و بحب كل اعضاء المنتدى ف الله
فعن الرسول صلى الله عليه وسلم((اذا احب احدكم اخاه فليعلمه انه يحببه))

النقطة الاولى مثلا الناس اللى بتحاول تطلع الدين من حاجات كتير ف حياتنا دول يبفرقوا ايه عن العلمانيين
دول كده بيقولوا مافيش للدين مكان ف السياسة مثلا كأنهم -استغفر الله العظيم- بيقولوا لربنا اطلع انت من الحتة دى مش بتعاتك !!استغفر الله العظيم


النقطة التانية بتاعة حقوق المرأه ده الدين الاسلامى هو الاعطى االمرأه حقها ياناس
هو الى اعطاها الحق ف الميراث و حرم وأد البنات وكان المرأه ليها مكانة عظيمة ف الاسلام

النقط اللى بعترضوا عليها مثلا زى تعدد الزوجات كأن الاسلام أوجب ع الرجال التعدد
ياجماعه ده أمر مباح يعنى مش واجب وكمان اعطى للمرأه الحق فى رفض ده على زوجها واعطى لها حق طلب الطلاق ف المواقف دى!! وطبعا لو المرأه موافقه يبقى مش فى مشكلة . ده كمان دلوقتى تعداد الستات اكتر من تعداد الرجالة فلو جينا نحط حل هيبقى ايه؟
ده مش معناه ان كل راجل لازم يتجوز ع مراته زى ماقلت ده شئ مباح يعنى لا هو واجب ولا هو سنه. وطبعا بشروط اهمها العدل.

وفى كمان نقط تانية بيعترضوا عليها ف موضوع المرأة ده زى الختان مثلا

اولا الختان مكرمة للمرأه يعنى مش واجب برده
ثانيا مش لازم نخلى الامر ده مكروه بناء على غلطة دكتور ولا التعامل ف افريقيا اللى بيسبب تشوهات وعاهات
ولا نمشى ورا كلام الغرب اللى قالوا ان الختان ده بيهين المرأه . دول كانوا بيقولوا ف الاول ان برده ختان الولد مش ينفع
لكن مع مرور الزمن وتقدم الطب ظهر ان فيه فايدة كبيره جدا
وبعدين الحديث الوارد عن الرسول صلى الله عليه وسلم بيقول ايه
كان عليه الصلاة والسلام بيقول لواحدة اسمها ام عطية-على ما اتذكر-(اخفضى ولا تنهكى فإنه اسرى للوجه وأحظى عند الزوج)
وان كان في الحديث كلام عن ضعف او شئ من هذا القبيل . وطبعا الموضوع فيه تفاصيل كتير انا مش ملم بيها بس حبيت اوضح النقطة دى.


وزى ما البرنس قال لازم نتعلم من رسول الله صلى الله عليه وسلم فى كل الامور.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: الحب كما علمنا الرسول صلى الله عليه وسلم .....   الخميس 9 يوليو 2009 - 8:30

اولا ..
ربنا يخليك يا احمد يارب على الكلام الجميل ده .. وبجد انت اللى مواضيعك قيمه جدا .
ربنا بس يجعل اعمالنا خالصه لوجهه الكريم ... وبجد ميرسى مره تانيه ..

ثانيا ..
انت قلت تلت او اربع نقاط اهم من بعضيهم ..
هركز اكتر على النقطه التالته ...فعلا ياريت بجد كل اللى خاطب او مقبل على عش الزوجيه يمشى على نهج الرسول ..
والله احلى حاجه وهيعيش مع حبيبته احلى دنياا طالما انها فى طاعه الله .

يعنى الله لما يصحيها يصلوا قيام ليل ... لما يقراؤا قران مع بعض ..لما يعينوا بعض فى رمضان
ويروحوا مسجد السلاب كده وبعض ما يخلصوا يعدوا على كوك دور ويعزمها على اكله جامده ..
ومره فى الاسبوعين يروحوا مكان هادى وحلو ...اسكندريه ..شرم ..غردقه ..وفيه حاجات اجمل من كده كمان ..

مهو ده اللى كان الرسول بيعمله .. يعنى حد يتخيل ان الرسول صلى الله عليه وسلم لما كانت زوجته كانت عاوز
تطلع على البغله لتركبها ... كان الرسول يتنى رجله على الارض علشان تقف عليها وتركب ...!!!!!!!!!!!!

ايه بجد الرومانسيه الجميله دى للرسول .. حتى فى دى يا رسول الله عاوز تعلمها لينا ...

يارب نقابلك عند الحوض ونشرب من ايديك يا رسول الله

ميرسى لمرورك الجميل وتشريفك لموضوعى يا احمد ...

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: الحب كما علمنا الرسول صلى الله عليه وسلم .....   الخميس 9 يوليو 2009 - 8:35

ما شاء الله عليك يا اسلام .. بجد يعنى ربنا يوفقك فى حياتك ...
شايفاك حد هتبقى مهم اووووى .. شايفاك انسان ملم بامور كتير دينيه وده شىء بيعجبنى فيك جداااا
برغم صغر سنك ...

يارب اشوفك حاجه كبييره .. وتفرح الرسول بيك صلى الله عليه وسلم ...

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
i.m.i



عدد الرسائل : 154
العمر : 23
تاريخ التسجيل : 09/09/2008

مُساهمةموضوع: رد: الحب كما علمنا الرسول صلى الله عليه وسلم .....   الخميس 9 يوليو 2009 - 9:19

السلام عليكم

ربنا يعزك يارب يا جنة ع الكلام الجميل -اللى انا مستحقوش-ده
ويارب انا اللى اشوفك حاجه كبيره ف الدنيا و الاخرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحب كما علمنا الرسول صلى الله عليه وسلم .....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: منتدى الحوار والنقاش-
انتقل الى: