منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 ::أسعد يوم في مصر ::

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
pinkish*white



عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: ::أسعد يوم في مصر ::   الجمعة 5 ديسمبر 2008 - 11:49

أسعد يوم في مصر
( يافرحة ما تمت )

إستيقظت من النوم بكسل كانت الساعة قد شارفت علي الثانية ظهراً دخلت إلي الحمام لكي أتحمم وسمعت أصوات متعالية وهي تقول (هيييييييييييييييييه الحمد لله ) تسائلت في ذهني هل يوجد متش كورة في هذه الساعة ولكن لا لم يكن يوجد ماتشات هذا اليوم لبست ملابسي وإذا بي أسمع العربات تطلق النفير فهل هذا فرح ولكن لا يوجد أفراح في ذلك الوقت قررت النزول إلي الشارع لكي أشتري (حاجة ساقعة ) لبست ملابسي ونزلت قابلت جاري الذي أعرفة انه لا يكلم أحد في العمارة حتي أنة لا يلقي السلام فقررت تجاهلة والنزول ولكن ما أدهشني أنه إقترب مني وهو مبتسم وحضنني وقال لي:
-إزيك يا إسماعيل هاشوفك تحت إن شاء الله.
قلت وأنا مستغرب مما يحدث
-أهلا يا عم إبراهيم إنت عامل إية إنت كويس
-أنا كويس جداً يلا بقي أشوفك تحت علشان أنا مستعجل
نزلت وأنا لا أعلم ما يحدث وجدت دماء علي الأرض فتتبعتها فإذا بالناس تذبح (عجل ) ولكن ليس هذا هو العيد فذهبت لكي أسئل فوجدت أن أبخل رجل في العمارة هو من ذبح هذا العجل فسألتة وقلت :
-إية في إية خير يا حاج محمد إية المناسبة إنك تذبح العجل ده ؟
-لا مافيش مناسبة ولا حاجة أنا بس فرحان جداً
-ربنا يزيد فرحك
-طيب ماشي هانشوفك باليل .
خرجت وأنا لا أعلم ماذا يحدث لماذا جميع الناس سعيده وتغيرت 180 درجة ذهبت إلي المحل وشربت (الحاجة الساقعة ) ثم أردت أن أدفع إلي الرجل وإذا به يقول
-كل حاجة النهار ده مجاناً
-الله يخليك إتفضل
-والله ما أنا واخد ولا مليم لو عايز تشرب تانى إتفضل ماتتكسفش
-هو في إية ؟
-أنا فرحان أوي فرحان جداً
خرجت وأنا أعتقد أن الجميع مجانين أردت الذهاب إلي خالي ركبت تاكسي وتحرك بي وعندما وصلت أدخلت يدي في جيبي فقال :
-لا النهارده أنا بوصل الناس بالمجان .
-خلاص أنا فهمت إنت فرحان .
-أكيد ومين دلوقتي مش فرحان .
ذهبت وتركتة وجدت عند عمارة خالي ناس يذبحون عجل آخر ووجدت ناس توقف العربات وتوزع (الحاجة الساقعة ) ذهبت إلي خالي وجدتة حضنني ووجدت العائلة بالكامل عنده وكلهم في سعاده بالغة صرخت بأعلي صوتي :
-أنا عايز أعرف إية اللي بيحصل هنا
قال خالي بإندهاش :
-إية يا إسماعيل إنت ماتعرفش ولا إية الريس مات يا إسماعيل أخيراً الريس ماااااااااااااااااااااااااااااات
-بجد بتتكلمو بجد
وجدت نفسي أسعد إنسان في الدنيا وقفزت من الفرح بل بكيت من الفرح نزلت في الشارع أجري وجدت تجماعات تهتف وكل رجل يحتضن الآخر وكنت أنا أحتضنهم جميعاً ونهتف جميعا
-مااااااااااااااااااااااااااااااااات الحمد لله هيييييييييييييييييييييييييييية أخيراً
إستمرت الهتافات والفرح حتي آخر الليل ورجعت إلي بيتي وأنا سعيد جداً أردت أن أشاهد الخبر في التلفزيون وجدت المذيع سعيد ولكنة يقول :
-فقدت الأمة اليوم رجل من أعظم الرجال رجل له تاريخ فقدت الرئيس محمد حسني مبارك ...................
أخذ المذيع يتكلم كلام كثير وخطبة مطولة ولكن وقع الخبر الأخير كالصاعقة وجدت مصر كلها عم عليها الهدوء وجدت مصر قد صمتت إلي الأبد عندما قال :
-ولقد تم تعيين إبنة جمال محمد حسني مبارك رئيساً للجمهورية .
أخذت في الصراخ :
-لالالالا لالالالالالالالالالالالالالالالا لالالالالالالالالالالالالالالالالالالالالالالالالا لالالالالالالا لالالالالالالالالالالالالالا حراااااااااااااااااااااااام
إستيقظت من النوم وأنا أصرخ لا لالالالالالالالالالا وجدت أمي تصرخ وتقول
-في إية يا إسماعيل
-مافيش يا ماما ................. كابوس رهــــــــــــــيب
-طب إستعيذ بالله من الشيطان الرجيم وإشرب كوباية ماية وإتخمد علشان في ناس عايزة تنام هنا .

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: ::أسعد يوم في مصر ::   الجمعة 5 ديسمبر 2008 - 12:58


هههههههههههههههههههههههههههههههههه

جااااامد الكابوس ده ..

بس المشكله أنه حقيقه .....

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter



عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: ::أسعد يوم في مصر ::   السبت 6 ديسمبر 2008 - 5:25

ههههههههههههههههههههههههههه
ما تقلقيش شكل اليوم بتاع الفرحه ده هيتاخر
كتير وشكلنا هنقضيها كوابيس

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Flower of love



عدد الرسائل : 7
تاريخ التسجيل : 28/11/2008

مُساهمةموضوع: رد: ::أسعد يوم في مصر ::   السبت 6 ديسمبر 2008 - 8:54

هههههههههههههههههه
حلوه دى يا ست بنكش

كان نفسى يتحقق أوى
لكن....

يلا أحسن نتمسك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: ::أسعد يوم في مصر ::   السبت 6 ديسمبر 2008 - 9:20

بجد بجد جامده يا بنكش

انا فعلا قعدت اسال نفسى ..هما فرحانين اوى كده ليه ؟؟ بس لما عرفت عندهم حق انه يفرحوا
بس مش هيلاقوا يتهنوا لان اللى بعده اكتر منه

اللهم احفظنا ..ههههههههههههههههه

عجبنى اوى تعليق ايمن
هوه مش كابوس ....هوه حقيقه ..

موضوع جامد يا بنكش .. ويارب نفرح قريب

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the_prince



عدد الرسائل : 783
المزاج : عال العال
اسم الكلية : العلوم
تاريخ التسجيل : 24/03/2008

مُساهمةموضوع: رد: ::أسعد يوم في مصر ::   السبت 6 ديسمبر 2008 - 15:31

كنت استنى يا اسماعيل لما تعرف مين اللى جاى ............ كنت هاقول كده فى ردى لو خلصت الحكاية عند فرحته الكبيرة اوى بالخبر ......

الملاحظ بقى ان بنكش مردتش على ردودكم ... يا جماعة اسالوا عنها ... و ابقوا كمان اسالوا عنى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white



عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: رد: ::أسعد يوم في مصر ::   الإثنين 8 ديسمبر 2008 - 9:46

والله يا جماعة فعلا أنا عملت زى ما جنه بتقول كده كنت محتاره البلد حصل فيها ايه وفرحنين ليه كده

بس الصراحه طلع عندهم حق

وفرحة فرحة فرحة ويا حلاوتك يا عم جمال

ومين عالم

يا جماعة متقلقوش

كل شىء مدروس

وكل سنه وانتوا طيبين

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart



عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: ::أسعد يوم في مصر ::   الإثنين 8 ديسمبر 2008 - 18:06

موضوع جامد يا بنكش
أنا كمان قعدت أسأل نفسي هما فرحانيين ليه
وبجد ليهم حق يفرحوا
بس للأسف يا فرحه ما تمت
كل سنة وأنتوا طيبين

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
::أسعد يوم في مصر ::
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم الادبى :: الخواطر والنثر والقصص الادبية-
انتقل الى: