منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 صحيت من النوم فجأه ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: صحيت من النوم فجأه ...   الأحد 30 نوفمبر 2008 - 5:39

صحيت من النوم فجأة


شفت نور غريب !!
المشكلة أن نور الاوضه مقفول
شفت الساعة لقيتها 4 ونص الفجر
طيب .. النور ده كله جاى منين !!!
اتفاجأت لما شفت ايدي نصها حوه الجدار
طلعتها بسرعة وانا خايف اعدت اشوفها
دخلتها تانى ف الجدار .. لقيتها دخلت !!!!!!!!
سمعت صوت ضحك
اعدت ادور منين الضحك ده
لقيت اخوي نايم !!!
قمت من السرير وانا خايف
رحت اصحيه
بس مش عاوز يرد عليا
رحت لاوضة ماما وبابا
أحاول أصحي بابا
عاوز حد يرد عليا...مفيش حد عاوز يرد عليا ليه
رحت لأمي أحاول اصحيها
فجأة قامت من النوم !!!!!
هي قامت من النوم
بس مكلمتنيش
كانت تسمي ' بسم الله الرحمن الرحيم ' وتكررها ..
قومت ابويا من النوم قالت له قوم قوم
عاوزاك تروح تطمن على الولاد
أبويا جاوبها باستغراب ' مش وقته خليني انام وبكره خير'
لكن باصرارها قام من النوم مستغرب
اعدت اصرخ امى ابوى
بس مفيش حد عاوز يرد !!!
مسكت هدومها عاوزها تسمعنى
بس ماحست !!!
اعدت امشي وراها لحد ما وصلت لاوضتى
دخلوا اوضتى وشغلوا النور
مش كانت فارقه معابا لان الدنيا كانت ادامى منوره أصلا
بسسس تفاجأت لما شفت شئ غرييييييب
شفت جسمي !!!
أيوه جسمي انا
اعدت اشوف نفسى لقتنى بقيت اتنين !!!
قلت ف نفسى مين ده ال نايم وازاى ده يشبهنى
روحت اضرب الشخص ال يشهنى ونايم عشان اصحى من الحلم الكئيب ده
لكن ما صحيييت
أبوي قال ' يالله شفتي انهم نايمين خلينا نمشي '
لكن أمي ما هديت راحت عند ال كان نايم مكاني
قالت محمد قووم محمد قووم رد عليا
بس ما يرد !!!
حاولت أكثر من مرره وفجأة بدأت دموع أبي تتساقط
أبي القوي الذي لم أرى في حياتي دموعه رأيتها اليوم
بدأ الصراخ يعلو المكان ..
صحى أخي من النوم قال ' ايه ال حصل '
أمي قالت له وهي تصرخ ' أخووك مااااات محمد مااااات '
وهى بتعيط بشده ومش مصدقه
الصراخ على
رحت لأمي قلتلها متعيطيش أنا هنا شوفيني!!
وبردوا مش عاوزه ترد عليا وكأنها مش شايفانى
اعدت اعيط شوفونى انا موجود ادامكم
وبردوا مش عاوزين يردوا عليا
اعدت أصرخ يااااارب يااااااارب خلصنى من الحلم ال انا فيه

سمعت صوت جاى من بعيد وكان بيقرب شوى بشوى
حتى سمعت قوله تعالى :
((
لقد كنت في غفلة من هذا فكشفنا عنك غطاءك فبصرك اليوم حديد))
((لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ))

فجأة في اثنين مسكوني
بس هما مش من البشر
خفت !!
اعدت أصرخ سبونى سبونى
أنتوا مييين ؟؟ وعايزين ايه ؟؟
قالوا : ' أحنا حراسك لحد القبر '
قلت أنا ممتش انا لسه صحى سبوووووونى
عاوزين تودونى القبر ليه سبوووووووووونى
انا حاسس بنفسى انا ممتش عاوزين منى ايه
ردو علي بابتسامه
قالوا
' عجيب أمركم يالبشر تظنون أن الموت نهاية الحياة
ولا تدرون أن ماكنتم تعيشون فيه هو حلم قصير ينتهي عندما تموتون '

وفضلوا يشدونى عاوزين يودونى القبر !!!!
واحنا ف الطريق شفت ناس بتبكي وناس بتضحك و ناس بتصرخ
وكل واحد معاه اثنين زيي
سألتهم ليييه بيعملوا فينا كده !!!
ال بيشدونى قالولى ' الناس دول عارفين مصيرهم منهم من كان على ضلال '
قولت وانا خائف ' يعني بيروحوا النار !!!! '
قالوا ' نـعـم '
وكملوا كلامهم ' واللي يضحك رايح الجنة '
رديت بسرعة ' وأنا رايح فيين ؟؟؟؟؟ '
قالوا ' أنت كنت شويه تمشي صح و شويه تمشي خطأ
شويه تتوب وترجع اليوم الثاني تعصي وماكنت واضح مع نفسك
وهتفضل كده تايه '
قولت بسرعه و أنا خائف ' يعني اييييييييه يعني انا هرووح النار '
ردوا عليا ' رحمة الله واسعة و الرحلة طويلة '
التفت وأنا خايف شفت أهلي أبويا عمي أخواني أقاربي كلهم
كانوا شايلنى ف كفن

جريت عليهم قولتلهم ادعوووووووووولى
بش مفيش حد عاوز يرد عليا
فيهم ال كان بيبكي وفيهم ال كان حزيين
رحت لأخويا قولتله انتبه من الدنيا وفتنها لاتغريييك
كنت أتمنى لو أنه يسمعني
شدوني الملكيين لقبري ونوموني فوق جسمى
شفت ابويا وهو يرمي التراب فوقي
شفت اخواني وهما يرموا التراب فوقى
شفت الناس كلها ترمي التراب فوقي
------------------------------------------
تمنيت لو اني مكانهم في الدنيا كنت تبت
كنت صليت الفجر أمبارح
كان دعييت ربي كل يوم
كان جددت توبتي كل يوم
كان بطلت معاااااااااااصي
اعدت اصرخ ' يا ناااااااااس انتبهوا تغرركم الدنيا '

اتمنيت لو حد يسمعني

فهل سمعتني أنت ؟ ؟ ؟
وسيأتي يوم وأنت في مكاني بالقبر وستتمنى لو أنك سمعتنى ...

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: صحيت من النوم فجأه ...   الأحد 30 نوفمبر 2008 - 14:25

على فكره القصه دى انا كنت قراتها قبل كده ..

وبجد اتاثرت بيها جدااااااااااااااا

ولتانى مره اتاثر بيها ... صعب اوى احساس انك تكون بتنادى على حد
ومحدش يرد عليك .. والاصعب انك تنادى باعلى صوت ليك
وبرضه محدش يرد عليك .. احساس قاتل فعلا

تمنيت لو اني مكانهم في الدنيا كنت تبت
كنت صليت الفجر أمبارح
كان دعييت ربي كل يوم
كان جددت توبتي كل يوم
كان بطلت معاااااااااااصي
اعدت اصرخ ' يا ناااااااااس انتبهوا تغرركم الدنيا '



صعبه بجد... ربنا يارب يبعدنا عن النار ويرزقنا الجنه

ويرزقك يا ايمن الجنه بمواضيعك الجميله دى

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: صحيت من النوم فجأه ...   الثلاثاء 2 ديسمبر 2008 - 6:13

شكرا ليكي يا جنـــــه
وعلي كلامك الجميل ده

ربنا يارب يبعدنا عن النار ويرزقنا الجنه جميعا

الموضوع نور بردك

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white



عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: رد: صحيت من النوم فجأه ...   الثلاثاء 2 ديسمبر 2008 - 8:37

قالوا ' عجيب أمركم يالبشر تظنون أن الموت نهاية الحياة
ولا تدرون أن ماكنتم تعيشون فيه هو حلم قصير ينتهي عندما تموتون


بجد قصة رائعة ومؤثرة جدا
بجد روووووووووووووووووووووووووعه

رغم انى قرأتها قبل كده كتير
لكن فى كل مره الواحد بيحسها اكتر

زى ما قالت جنه بالظبط

بجد بجد
تسلم إيديك

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: صحيت من النوم فجأه ...   الأربعاء 3 ديسمبر 2008 - 5:31

شكرا يا بنكش على كلامك الجميل ده

بجد تسلميييييي

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صحيت من النوم فجأه ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم الادبى :: الخواطر والنثر والقصص الادبية-
انتقل الى: