منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 ممكن تسمحلي أوديك في داااااااهيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: ممكن تسمحلي أوديك في داااااااهيه   السبت 18 أكتوبر 2008 - 16:21

تسمحلي أوديك في داهيه؟

تسمحلي أضرك ضرر كبير

تسمحلي أضحك عليك و أخليك تعمل اللى بقولك عليه و متنفذش كلام اللى بيحبك رغم إن كلامي هيضرك

تسمحلي أخليك تضيع فلوسك و صحتك على حاجه ملهاش لزوم

تسمحلي أخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب نظرة تنظرها لحد تاني

تسمحلي أخليك تبطل تعمل الحاجه اللى بتصفي روحك و تقربك من اللى بيحبك

تسمحلي أخليك رخيــــــــص أوي و كل من هب و دب ينهش فيك و انت بيتهيألك إنك جميل أوى

تسمحلي اخليك بدل ما تسكن فيللا جميله تسكن تحت اي كوبري



ها .. قلت ايه ؟ ... يا ترى هتسمحلي بكل ده ؟

ايه ده بتقول مش موافق .. و بتقول عليا مجنون كمان

طيب استنى استنى أنا مش مجنون


اصل انت سمحت لحد تاني بكل ده و أنا قلت يمكن تسمحلي انا كمان

مع ان الحد التاني ده عدو ليك و ليا و انا اقربلك منه بكتير

عارف مين هو ؟

لأ انت عارف بس مش واخد بالك

اقولك اسمه

كل الناس عارفه اسمه

حتى الاطفال الصغيرين

إسمه

الشيطان


طيب مش أنا اولى بيك من الشيطان

طيب لو انت مش هتسمحلي بكل ده

يبقى ليه تسمح للشيطان انه يعمل معاك كده

ايه ؟ .. بتقول ايه ؟ ... بتقول انك مسمحتش للشيطان بكل ده

لالالالالا انت سمحتله بس انت ناسي

و انا هفكرك

لما تعصي ربك و تسمع كلام الشيطان يبقى سمحتله يضحك عليك و يخليك تعمل اللى بيقولك عليه و متنفذش كلام ربك اللى بيحبك

لما تشتري بفلوسك سجاير تضر بيها صحتك يبقى سمحتله يخليك تضيع فلوسك و صحتك على حاجه ملهاش لزوم

لما ما تغضش بصرك يبقى سمحتله يخليك تتعب أعصابك و تتمنى اللى مش في ايديك و ممكن تغلط غلط كبير أوي بسبب

النظرة دي

لما ماتصليش يبقى سمحتله يخليك تبطل تعمل الحاجه اللى بتصفي روحك و تقربك من ربك اللى بيحبك

لما تلبسي ضيق و مكشوف يبقى سمحتيله يخلي كل من هب و دب ينهش فيكي و انتي بيتهيألك إنك جميله أوى

لما من كتر معاصيك و استسلامك لوسوسة الشيطان تبعد عن الجنه و تقرب من النار يبقى سمحتله يخليك بدل ما تسكن

فيللا جميله تسكن تحت اي كوبري


راجع نفسك .. راجعي نفسك


م
ن
ق
و
ل

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: ممكن تسمحلي أوديك في داااااااهيه   الإثنين 20 أكتوبر 2008 - 1:20

كل اللى اقدر اقولهولك يا ايمن

بجد بجد ربنا يكرمك

لو قلت موضوع رااااااااااااااااااااااااااااااااااااااااااائع ..يبقى مقلتش حاجه

موضوع اكتر بكتير من رااااااااااااااااااااااااائع ..يارب يجعله ف ميزان حسناتك

والله انا هحاول بقدر الامكان اطبعه واعمل منه نسخه كتير واوزعه ف الجامعه عندنا
باذن الله هحاول ...فعلا لو حد قالنا حاجه زى دى بنعتبر انه بيودينا ف داهيه
انما لو من الشيطان فنقوله سمعا وطاعه ...

انتو عارفين انا ف اوقات بعمل ايه ..كان الاستاذ عمرو قالها قبل كده ...حاولو تكلموا الملايكه وتكلموا الشيطان ..
يعنى انا ف اوقات لما بعمل حاجه خير ربنا اكيد يرضى عنها بقول للملايكه ها ايه رايكم ؟؟
اكتبوا بقى حسناتى دى وابقوا فكرونى بالمشهد ده يومالقيامه لعله يشفعلى

وف مره كنت جايه من الجامعه ومش قادره بجد هموت وانام ... والمفروض اصلى العصر ...
الشيطان قالى نامى بس شويه واصحى صلى ..فعلا روحت قعدت ع السرير .. وانا اقول لا يا جنه قومى صلى
والشيطان يقولى ياستى انتى مرهقه نامى واصحى صلى علشان تبقى فايقه ...وبجد خلاص هنام واسمع كلامه
فحسيت انه مبسوط اوى وكانه بيقول للشياطين شوفتوا سمعت كلامى ..قمت راحه شايله الغطا وقمت جرى واتوضيت
ومش كده وبس صليت بتركيز اوى اوى اوى .... ياااااااااااااااااااااااه
هههههههههههههههههههههه حسيت انه اتغاظ موت لا وكمان حسيت انه بقى ضعيف اوى ادام الشياطين التانيين ..

والله ياجماعه لو تحاوروا الملايكه وتغيظوا الشيطان ...يااااااااااه هتستمتعوا بجد ..
وفيه ع فكره اعلانات بتيجى ع قناه الرساله ...بتجيب مواقف وتجيب الشيطان ممكن يعمل ايه ف الموقف ده ..

ياارب اعنا على مجاهده الفس .. واعنا على الشيطان ..

فاتخذوه عدواااااااااااااااااااااااااااااااااا .....صدق الله العظيم ..

هايل يا ايمن ..هايل بجد

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: ممكن تسمحلي أوديك في داااااااهيه   الإثنين 20 أكتوبر 2008 - 23:43

منووووووووره والله يا جنه بكلامك الجميل ده

ويا رب يكون فعلا الموضوع زي ما بتقولي كده

وشكرا علي مرورك وكلامك ده

وربنا يجعله في ميزان حسناتنا جميعا

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the_prince



عدد الرسائل : 783
المزاج : عال العال
اسم الكلية : العلوم
تاريخ التسجيل : 24/03/2008

مُساهمةموضوع: رد: ممكن تسمحلي أوديك في داااااااهيه   الخميس 23 أكتوبر 2008 - 11:42

بجد انت لمست وتر حساس فى كل بنى ادم ... كل الناس بتضعف و بتغلط ... بس مش بس كده دى كمان بتسيب الشيطان يحسسك بالياس من رحمة الله تعالى مع ان ربنا كريم رحيم غافر الذنب و قابل التوب بيقولنا فى قرآنا العظيم لا تقنطوا من رحمة الله ... فعلا لازم نخلى بالنا من اتنين عايزين يودونا فى داهية ... الشيطان و النفس الامارة بالسوء ... يا رب كلنا نتعلم من الكلام ده و نخليه فى ذهننا دايما

جزاك الله خيرا يا ايمن و يا جنة و جعله الله فى ميزان حسناتكم

اما الموقف اللى حكيتيه يا جنة فكرنى بيوم من كام سنة كده و كان فى عز الشتا ... و الجو تلج ... و كنت مكسل اقوم اصلى الفجر علشان مدفى مكانى و نايم تحت البطانية و لا الجن الازرق ممكن يزحزحنى من السرير مللى ... و بعدين افتكرت الشيطان و انه فرحان فيا ... و انه مبسوط اوى انه خلانى ما اقومش اصلى ... قومت من تحت البطانية و انا حاسس انى مطلعله لسانى و انه هيتفرس ... و مش بس كده ... قولت و الله هاتوضا بمايه ساقعة كمان بالعند فيه .... بجد فكرتينى بيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: ممكن تسمحلي أوديك في داااااااهيه   الخميس 23 أكتوبر 2008 - 14:43

شكرا يا أحمد لرأيك ومشاركتك دي
بجد بحييك عليه ونورت الموضوع

وكمان عجبني الموقف اللي انت قلته ده
ويا رب يقوي أيماننا جميعا

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: ممكن تسمحلي أوديك في داااااااهيه   الثلاثاء 10 نوفمبر 2009 - 0:04

ربنا يكرمك يا أحمد يارب ع الموقف الرائع ده ..

ودايما يارب نشوفك انسان ايجابى .. وكلنا نطلع لسانا للشيطان ..
ومش هوه اللى يخوفنا .. احنا اللى نخوفه

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ممكن تسمحلي أوديك في داااااااهيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: