منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 لمبة اتحرقت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Rossy

avatar

عدد الرسائل : 211
العمر : 29
المزاج : عفاسية من الدرجة الاولي
تاريخ التسجيل : 07/07/2008

مُساهمةموضوع: لمبة اتحرقت   الخميس 9 أكتوبر 2008 - 14:17

لمبة اتحرقت


لو لمبة اتحرقت هيكون تصرف الناس معاها ايه؟‎

الإجابة البديهيه ان الناس هاتغيرها،
لكن ثبت بالتجربة ان الإجابة دى مش وافية لأن تصرف الناس مع اللمبة هيختلف حسب مكانهم وثقافتهم‎



فى العراق
لما ناس بيتتحرق فى بيتهم لمبة بينزلوا يخطفوا اول اجنبى يقابلوه ويطلبوا من بلده تبعت لمبة جديدة مع واحد يغيرها علشان يفرجوا‎
عن المخطوف‎




فى انجلترا

لو واحد اتحرقت فى بيته لمبة بيتصل بمندوب حلف الأطلنطى علشان ياخد اذن بتركيب لمبة جديدة‎

فى السودان
واحد هايمسك اللمبة وخمسة يلفوا السقف‎

فى الصين
لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم، لحد ما يلاقى السلم الى فيه ناس قاعدة تحتيه‎
بتصنع لمبات، ياخد منهم لمبة علشان يغيرها، ويديلهم بدالها ساعة من‎
اللى هو بيعملها تحت السلم فى بيته‎




فى اليمن
لما واحد بتتحرق فى بيته لمبة بيقعد يخزن قات لحد ما يبقى شايف ان اللمبة اتغيرت لوحدها‎


فى الخليج‎
لما واحد بتتحرق فى بيته لمبة بيطلب من الشغالة الفلبينية انها تبعت السواق الباكستانى يجيب صنايعى هندى يغير له كل اللمبات الى فى البيت‎





فى لبنان
علشان واحد يغير لمبة محروقة لازم واحد تانى يولعله الأرجيلة (الشيشة) وواحدة تغنى للإتنين وواحد ينزل يجيب ومعسل وسجاير للتلاتة علشان كله يعدل مزاجه قبل الشغل فى اللمبة‎


في ليبيا‎
لو اللمبة اتحرقت بيراجعوا الكتاب الأخضر ويشوفوا فبه تعليمات‎
تغيير لمبة فى الجماهيرية‎




فى الصومال
لما لمبة بتتحرق ماحدش بينتبه للموضوع دا علشان ماعندهمش‎
كهربا أصلا‎


فى المغرب
لما لمبة بتتحرق فى بيت واحد بيروح مسافر فرنسا يشتغل فى المينا هناك أسبوع ويرجع بكرتونة لمبات فى أيده‎





فى ايران
لما واحد بتتحرق فى بيته لمبة كهربا بيخرج ينضم للمظاهرات علشان يطالب بحقه فى لمبة نووية‎


فى سوريا
لما بتتحرق لمبة بيعملولها استفتاء وتطلع النتيجة ان اللمبة شغالة بنسبة 99.999% ويعملوا احتفال قومى للوصول للنسبة دى، ولو مافيش‎
ميزانيه للإستفتاء يطلع خبر فى الجرايد تانى يوم ان اللمبة انتحرت علشان حست إنها مقصرة فى أداء واجبها القومى‎





فى مصر
أى عيل صغير ممكن يغير لمبة ويدور على مين يدفع تمن اللمبة‎


فى إسرائيل




لما لمبة بتتحرق بيقولو ان الإرهابيين الفلسطينين هما اللى‎
حرقوها ويطلبو من امريكا انها تبعت لهم بدالها ألف لمبة جديدة وكمان‎
شوية صواريخ وطيارات علشان يقوموا بواجبهم فى الحرب على الإرهاب وينسفوا بيوت الناس اللى حرقوا اللمبة‎





فى فرنسا
لما لمبة بتتحرق بياخدوها يعملوها إزازة بارفان وطبعا كل الناس بتقلدهم بعد كدة وتبقى موضة‎


فى أمريكا الجنوبية
لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسو صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفو الجيش انه يغير اللمبات المحروقة اللى عندهم كلها بسرعة قبل ما واحد تانى تتحرقله لمبة وييجى يخلعهم


فى الولايات المتحدة الأمريكية


لما واحد بتتحرق فى بيته لمبة بيتهموا حزب القاعدة بإنه السبب الرئيسى فى حرق هذه اللمبة وعلى هذا الأساس‎ سيتم ارسال قوة حربية مؤلفة من 2000 دبابة مدعومة بـ 243000 من مشاة البحرية و غطاء جوي مؤلف من 846 قاذفة مهمتها البحث والعثور على المجرم الإرهابى الذى فعلة هذه الفعلة الشنيعة وسيتم نشر قواعد عسكرية فى جميع بلدان الشرق الأوسط للبحث والتحرى وسيتم إرسال مفتشين دوليين للتأكد من أن جميع دول الشرق الأوسط لا يوجد بها لمبة محروقة وسيتم احتلال أى دولة إذا تم التأكد من وجود لمبة محروقة باعتبار أن حكوماتها غير قادرة على إيجاد من يغير هذه اللمبة



( تضحك بس ليهم معاني كتيرة اوي طبعا كلنا عارفنها )


منقوووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: لمبة اتحرقت   الخميس 9 أكتوبر 2008 - 16:24

بجد موضوع فوق رااااااااائع والله بجد جمييييييييييل جدا

فى اليمن
لما واحد بتتحرق فى بيته لمبة بيقعد يخزن قات لحد ما يبقى شايف ان اللمبة اتغيرت لوحدها‎

دي طبعا احلاهم وعجبتني جدااااااااااااااااااا

فى الصين
لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم، لحد ما يلاقى السلم الى فيه ناس قاعدة تحتيه‎
بتصنع لمبات، ياخد منهم لمبة علشان يغيرها، ويديلهم بدالها ساعة من‎
اللى هو بيعملها تحت السلم فى بيته‎

دي أنا شايف ان انتوا ظالمين فيها الصينين خاااااالص والله يا جماعه احنا فاهمينهم خطأ
الناس دي شعب زكي جدا واقتصادي جدا ومنتج من الدرجه الاولي
والدليل ان كل شيئ صيني مش بس الحاجات التافهه والصغيره لا والكبير والمهم كمان
وطبعا الدليل كمان انهم غزوا العالم زي ما قولت

وبشكرك مره تانيه علي الموضوع الرااائع

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the_prince

avatar

عدد الرسائل : 783
المزاج : عال العال
اسم الكلية : العلوم
تاريخ التسجيل : 24/03/2008

مُساهمةموضوع: رد: لمبة اتحرقت   الجمعة 10 أكتوبر 2008 - 0:08

بجد و كانك وصفتى الشعوب تماما ... يعنى من خلال رصد لموقف اللمبة حكيتى كل شعب بيفكر ازاى و بيتعامل ازاى مع المواقف و كمان الازمات .... ضحكت اوى بس كمان فيها سياسة و واقع

تسلم دماغك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Rossy

avatar

عدد الرسائل : 211
العمر : 29
المزاج : عفاسية من الدرجة الاولي
تاريخ التسجيل : 07/07/2008

مُساهمةموضوع: رد: لمبة اتحرقت   الجمعة 10 أكتوبر 2008 - 12:10

السلام عليكم


pharmacy

the prince


شكرااا علي مروركم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yanmar

avatar

عدد الرسائل : 714
العمر : 28
المزاج : أغير مزاجى
اسم الكلية : كلية علوم المنصورة
تاريخ التسجيل : 29/05/2008

مُساهمةموضوع: رد: لمبة اتحرقت   الجمعة 10 أكتوبر 2008 - 12:37

موضوع جميل جدا ...فعلا وصفتى الشعوب تماما

لكن انا شايف انا افضل الشعوب الوصوفة هم الصينيين ...ده شعب ذكى وبيحبوا الشغل الجاد ( مش زيننا طبعا) ...لكن فيه اضافة مهمة :
ان لكل سلعة فى الصين 35 درجة بتتدرج فى الجودة ولكن بعض السلع اللى بتوصلنا بتكون من الدرجات الاولى علشان كده بنظلم الصينيين ونقول غرضه الفلوس وخلاص
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yasso_hr

avatar

عدد الرسائل : 104
العمر : 28
المزاج : رايق علي طول وبلاش حسد
اسم الكلية : احلي معهد في الدنيا خدمه اجتماعية
تاريخ التسجيل : 26/08/2008

مُساهمةموضوع: رد: لمبة اتحرقت   السبت 18 أكتوبر 2008 - 17:36

موضوع حلو غير ان هو بيضحك كمان وموضوع شغال هادف يعني تسلم عقليتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة القصر

avatar

عدد الرسائل : 1240
العمر : 27
المزاج : wow !!
اسم الكلية : mansoura faculty of science
تاريخ التسجيل : 03/08/2008

مُساهمةموضوع: رد: لمبة اتحرقت   الأحد 19 أكتوبر 2008 - 12:21

رااااااااااااااااااااااااااااااااااااااااااااااااااااااااااااااااااااااااااااااااااااااااااااااااااائع

_________________
اُحب حرف ( الذال ) ليس لان الحرف يعنيني كثيرا ً .. أو أنني اُحب شخصاً بهذا الإسم .. !!
ولكن لأنني اجــده بعيدا ً عن كل ( صراعات الحروف ) حيث يقطن في الركن الأيسر من ( الكيبورد ) اُحب ان اعيش مثله بعيدا ً عن مشاكل البشـر!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed helmy

avatar

عدد الرسائل : 433
تاريخ التسجيل : 25/03/2008

مُساهمةموضوع: رد: لمبة اتحرقت   الأحد 19 أكتوبر 2008 - 13:36

جميل جدا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لمبة اتحرقت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: