منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 نصائح هامة ما تنساش تقوله لابنك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عمر عمار



عدد الرسائل : 348
العمر : 29
اسم الكلية : كــلــيــــــــــــة الــعــلــــــــــــــوم
تاريخ التسجيل : 08/08/2008

مُساهمةموضوع: نصائح هامة ما تنساش تقوله لابنك   الخميس 4 سبتمبر 2008 - 12:00

بــــــــــــسم الله الرحمن الرحيم على مدىسنوات الطفولة والمراهقة يقطع الابن منزل أسرته وهو يستمع للنصائح والتوبيخ نفسه ،

بأساليب وجمل ثابته
لا تتغير ...
فأصبحنا بمرور الوقت نحفظها

جيداونتوقعها ...
" واهالينا يقولوها واحنا نكمل لهم "
هذه المقولات

(التى لا نسمعها إلا فى البيت المصرى ) تعمق المحبة فى قلوب

نا تجاه أهالينا ، وتجعلنا نكتشف كم
الهيستريا
والقلق والمسئولية الت

ى عاناها أهالينا... فى سبيل ان تقف وأنت كبير وسط الناس فخورا

برأيهم فيك ... وهم يقولون
" شكله ابن ناس ومتربى "
كفاية مقدمات
بقى وادخلكم فى الجمل على طووووول

1- مالكش دعوة بالسياسة .. وماتمشيش فى مظاهرات : وقد نجحت الأمهات فى هذه الجزئية نجاحا ساحقا ... وده بيظهر عندما ترى أكبر مظاهرة فى البلد لا تتجاوز 500
شخص أو أقل .

2- مش عاوزه أسمع صوت : هذه الجملة تدريب هام جدا للتعود منذ الصغر على تقبل القمع والديكتاتورية اللذين ستواجههما طوال حياتك .


3- ماتردش عليا :
دى نصيحة لو التزمت بيها ستكسب مديرك فى العمل .


4- تقعد فى أول صف قدام السبورة :
جملة تعودك على أن تكون فى المقدمة دوما .


5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
(فاكرين المدرسين زى اللى كانوا على أيامهم زمان )


6- اللى بيشيل قربة مخرومة بتخر عليه لوحده .


7- ومالها الكتب بتاعت الوزارة

.
8- بص كويس وإنت بتعدى الشارع .


9- ماتتأخرش بعد المدرسة وتقعد تصيع مع أصحابك :
دى نصيحة ستحقق لك قدرا من السعادة الزوجية (باعتبار إنك من الشغل للبيت )

10- افرد ظهرك

.
11- مافيش مذاكرة على المزيكا ... أو .. بتذاكر إزاى والبتاع ده شغال جنبك .

12- ما تمشيش حافى فى السقعة دى .


13- صليت العصر ..؟! ( إشمعنى العصر ....!!!!!)


14- ربنا يهديك ... ربــنــا يــهــديــك ... أو ... إنك لا تهدى من أحببت .

15- إطفى التليفزيون وقوم ذاكر ... أو ... إطفى التليفزيون وقوم خش أوضتك .


16- إوعى تقول لحد هات لى حاجة .


17- إقفل صدرك .


18- بلاش وقفة فى الشبابيك والبلكونات .


19- كل على مهلك .. وأمضغ كويس .. وماتاكلش وإنت واقف وكل من قدمك متحفش .


20- المسلسل مش هاينفعك ... قوم .


21- كفاية رغى فى التليفون .


22- ماتقعدش قدام المروحة وإنت مستحمى .


23- وإنت فاكر إحنا مستنيين منك حاجة ؟!



24- ماتعليش صوتك .


25- بلاش لعب فى الشارع .



26- يا ابنى اللى ذاكر ذاكر خلاص .. قوم نام .


27- بلاش لعب بالمقص .. بيجيب الفقر .


28- يا ابنى كلم خالتك العيانة .. اسأل عليها .


29- إوعى حد غريب يديلك حاجة تاكلها او تشربها وتاخدها منه .


30- النوم لحد الضهر بيجيب الفقر .


31- إوعى تكدب عليا تانى مرة .


32- لازم تاكل سلطة .


33- لو شوفت خناقة مالكش دعوة بيها .


34- عيب .. لازم تحترم الأكبر منك .


35- كلمنا لما توصل .


36- بلاش أكل بره .


37- لو فلحت ابقى قابلنى .

38- يا ابنى أنت مسطول ولا إيه .


39- إنت فاكرنا نايمين على ودانا .

40- وطى المدعوق ده شوية .

41- قوم إقرالك كلمتين ينفعوك .


42- إيه اللامبالاة والاستهتار اللى إنت عايش فيهم دول .



43- إنت فاكرنا لاقيين الفلوس دى فى الشارع .


44- والله ما إنت فالح .. وآدى دقنى اهيه .


45- ما تتكلمش بصوت عالى فى الحمام .



46- ماتنامش غير لما تغسل سنانك .



47- ماتلزقش فى التليفزيون كده .... نظرك هايضيع .



48- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )


49- سلم على عمك كويس يا ولد .

50- يا ابنى محدش بينفع حد .



51- ماتطلعش إيدك من شباك العربية .


52- قصة الغريق اللى كذب اللى كل مرة يقول إلحقونى .. لحد ما غرق .


53- التهديدات المخيفة شكلا .. والكارتونية موضوعا .. مثل :
هاقطم رقبتك ... هاقطع لسانك ... هادبحك دبح.


54- ربنا يرزقك بعيل يوريك اللى وريتهولى .


55- ماتطلعش على الملاية النضيفة ورجليك متوسخة كده .


56- ماتقعدش عريان كده قدام إخواتك البنات .


57- حول القناة دى ... بلاش مسخرة وقلة أدب .



58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟


59- طلع إيدك من جيبك وإنت بتكلمنى .
وأخـــــيــــــرا .....



60 - ياللا يا أبو كحكة حمرا .. إنت فاكر نفسك هاتفلح فى حاجه.
يارب الموضوع يكون عجبكم.........


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مشمشه



عدد الرسائل : 658
العمر : 29
المزاج : Sad
اسم الكلية : كليه العلوم جامعه المنصورة
تاريخ التسجيل : 30/08/2008

مُساهمةموضوع: رد: نصائح هامة ما تنساش تقوله لابنك   السبت 6 سبتمبر 2008 - 9:04

هههههههههههههههههههههههه
ايه يا عمر حكايه الكحكه الحمرا دى
Wink Wink Wink Wink
بس جميل والله الموضوع تحفه
تسلم ايدك


مشمشهــــــ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمر عمار



عدد الرسائل : 348
العمر : 29
اسم الكلية : كــلــيــــــــــــة الــعــلــــــــــــــوم
تاريخ التسجيل : 08/08/2008

مُساهمةموضوع: رد: نصائح هامة ما تنساش تقوله لابنك   السبت 6 سبتمبر 2008 - 11:27

الكحكة دى لما حد يجيب درجة وحشة او يصأ ت فى مادة
كان بيتحطله على الدرجة بتاعته دائرة بالقلم الأحمر
ومن هنا سموها كحكة حمراء
ليه ما دقتيش كحك من ده قبل كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مشمشه



عدد الرسائل : 658
العمر : 29
المزاج : Sad
اسم الكلية : كليه العلوم جامعه المنصورة
تاريخ التسجيل : 30/08/2008

مُساهمةموضوع: رد: نصائح هامة ما تنساش تقوله لابنك   السبت 6 سبتمبر 2008 - 11:33

لا عمرى ما دقتو
الظاهر انك عندك منو كتير اوى
محوشهم من ايام الدراسه
ههههههههههههههههههههههههه
Wink Wink Wink
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصائح هامة ما تنساش تقوله لابنك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: