ياللي خلقت الكون وبرحمتك عايشين
لو قلت كن هايكون بس احنا مش فاهمين
نعمك علينا كتير بس القلوب غافلين
اوقات نتمنى حاجة .. فيها الضرر ملايين
تمنعها عنا وترزق بيها ناس تانيين
نعمل ذنوب .. نستكبر فاكرين اننا قادرين
وننسى انك شايفنا واحنا مش شايفين
تمهلنا عشان نتوب ونرجع بدمع العين
واول ما القلب يصفى ونبقى م التايبين
نشوف الفرح كله ونبقى بصحيح عايشين
دي اهم نعمك ياربي هيّ الايمان والدين
_________________
