منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 قصيده فخر الأجيال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: قصيده فخر الأجيال   الإثنين 25 أغسطس 2008 - 3:40

بسم الله الرحمن الرحيم
جبتلكم النهارده قصيده روعه ويارب تعجبكم
ده الفيديو بتاعها وطبعا االفيديو أهم وأحسن

http://uk.youtube.com/watch?v=qDDpJE-BSkA

نبدأ القصيده :::

على وصف الرجال اللي تسمّى بالفعال رجال

لفت بيض العلوم وبيّض الله وجه راعيها


لفت ما كنّها الاّ سبّق الخيل ان بدت تختال

نواصيها النعوت وفي مناكبها.. قوافيها


قصايد والقصايد ما نساومها بجاه وْمال

نعبّ بحورها وان هاج مزملها نرسّيها


إذا امتدّ الفكر وامتدّ ليلي والقصيد وطال

توشّحت الشوارد ولبست الاشعار غاليها


كذب من قال ساعَفني عليها الجن يوم تقال

أنا البس جنّها واصدر مواردها واروّيها


أنا وْلا فخر نجل الشامخ المتمرّس الريبال

على وصفه تجاريني القصايد قبل اجاريها


على (محمد إبن راشد إبن مكتوم) طاب الفال

وطابت لي قبل لا الزم قوافيها.. معانيها


متى قالوا صواريها المعاني.. ما هناك اشكال

حرام انّي لمدّ شراعها لأكبر صواريها


على اكبر منبر ارميها ثنا وْعز وْفخر واجلال

ما دام ان الثنا لأهله.. على اكبر منبر ارميها


لاجل قرمٍ غرس حلمه لشعبه واثمرت الآمال

حقايق نبصر اوّلها.. ونتباشر بتاليها


حقايق واضحه من دون ابو راشد صعب تنطال

تباركها القلوب وتبهر الناظر مغانيها


مغانيها تراود كل عطرٍ ما خطر ع البال

واراضيها يراود كل عاشق فوع ناديها


أراضيها الخزاما والنفل والبختري والهال

وما يخطر على بال العطر يزخر باراضيها


ولي فيها محب أسرف على قلبي وحط وشال

طلب روحي وروحي منه فيها اللي يكفّيها


من اوّل ما عرفته والضلوع تجرّ له موّال

ولا ادري نيّته بضلوع صدري وش تواليها


أنا محتار ما بينه وبين (دبي) بالمثقال

يا أمّا (دبي) له تحلا أو انّه لي محلّيها


أو انّ (دبي) تحلا لان أبو راشد لها خيّال

نعم والله وتسبق خيلها من سبق واليها


(دبي) العِز من طيب النسايم عودها ميّال

تمسّي صاحب القدر ونحن باسمه نمسّيها


صدى داره بشرق وغرب وجنوب التقى وشمال

قبض الاربع جهات يلين داره ذاع طاريها


طغى عزمه على وعر الدروب وله غدت مسيال

تسيل الأرض لاقدامه وتفخر من مواطيها


غريبه كيف جادت به سنينه والسنين بخال؟

والاغرب كيف تضما له وهو بالجود يسقيها؟


لو ان المجد سهل ان كان كلٍ طال منه وْنال

دروب المجد ودروب العلا صعبه مراقيها


طويل العمر ما جيت اعتزي في وصفك الأمثال

ولكن المثايل تعتزيني بك.. والبّيها


يابوي ابشر ترى شبلك توارت عن مداه اشبال

وثب فوق الدروب وسابقت رجله خطاويها


ورث عزمك وحزمك والخصال تجرّ طيب خصال

مواثيقه على طرق المكارم بك يجدّيها


إذا شدّ الفخر لاجلك رحاله قمت اشدّ رحال

على نهجك.. عشان افرد رحاله وارجع اطويها


واذا قالوا: من ادرى بالحصابي والوزون ثقال

عرفت ان الوزون ثقال وانت ادرى بْحصابيها


على الدنيا جدال الاّ انت والله ما عليك جدال

مع ان إيدك يجادل كل وادي سيل واديها


لو ان السحب تنشا من كفوف امست عليك ظلال

وخرّت ساجده لاهل الثرى من جود منشيها


مكارمك المكارم والعطايا من بحرك جزال

لو ان السفن تجري في يمينك ضاع شاطيها


يمينك كم لاحت وابرقت وابطت وهي تنهال

ولا والله تدري عن يسارك كم معاطيها


وكم رجلٍ بصدره حاجه وجاك وقبل لا يسال

عطيته.. كنّك ادرى بالصدور وْسرّ خافيها


وكم حلمٍ سبقته.. كان في عين الزمان محال

تقول المقبلات افضل عليك اسرار باريها


يقولون اختصرت اجيال واقول انته فخر الاجيال

إذا الأجيال بك ما تفتخر.. من يفتخر فيها؟!

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيده فخر الأجيال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم الادبى :: همس القوافى-
انتقل الى: