منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 اسئله رخمه اوووووووووووى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: اسئله رخمه اوووووووووووى   الثلاثاء 19 أغسطس 2008 - 14:32

السلام عليكم ورحمه الله وبركاته

اسئله رخمه اوووووووووى


فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس

خلـونـــا نشــوف أمثلة

***********

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))

***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))

***********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟


(( لا.. بتفرّج عليه ))

***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))


***********

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

***********

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))

***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))
ماتنسوش الرد وبارك الله فيكم
__________________

رضيت بالله ربا وبالاسلام دينآ وبمحمد نبيآورسولآ

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white

avatar

عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: رد: اسئله رخمه اوووووووووووى   الأربعاء 20 أغسطس 2008 - 18:53

هو انته اللى كاتب الموضوع ده؟


هههههههههه

بهزر بهزر

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة القصر

avatar

عدد الرسائل : 1240
العمر : 27
المزاج : wow !!
اسم الكلية : mansoura faculty of science
تاريخ التسجيل : 03/08/2008

مُساهمةموضوع: رد: اسئله رخمه اوووووووووووى   الأربعاء 20 أغسطس 2008 - 19:11

و الله طلعت مش رخمة دا فانتاستك .......... بجد سلمت يداك

_________________
اُحب حرف ( الذال ) ليس لان الحرف يعنيني كثيرا ً .. أو أنني اُحب شخصاً بهذا الإسم .. !!
ولكن لأنني اجــده بعيدا ً عن كل ( صراعات الحروف ) حيث يقطن في الركن الأيسر من ( الكيبورد ) اُحب ان اعيش مثله بعيدا ً عن مشاكل البشـر!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: اسئله رخمه اوووووووووووى   الخميس 21 أغسطس 2008 - 5:59

لأ يا بنكش مش أنا اللي كاتب الموضوع ده . الموضوع منقووووووووووول
وبجد شكرا يا جوهرة القصر على المجامله الرقيقة دي
شكرا ليكوا على المرور الكريم. Smile

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اسئله رخمه اوووووووووووى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: