منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 يبقى انتة اكيد فى مصر (هههههه)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
harry potter

avatar

عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: يبقى انتة اكيد فى مصر (هههههه)   الإثنين 4 أغسطس 2008 - 18:06

لمّا تلاقى واحد بيحكمك بقاله ربع قرن و هيموت و يكمّل النص قرن عشان
ياخد اليوبيل الفضى و أحلامه و طموحاته إنه يكمل القرن و يحصل على
اليوبيل الذهبى

يبقى أنت أكيد فى مصر


و لمّا تلاقى ابنه بيقوله كفاية عليك كده لحسن أنت خربتها على الأخر و
مش هلاقى حاجة أخربها بعديك


يبقى أنت أكيد فى مصر


و لمّا شوية ناس تقولك إللى نعرفوا أحسن من إللى منعرفوش و أنا مش عارف
إللى منعرفوش ده هيخرب إيه أكتر من كده

يبقى أنت أكيد فى مصر


و لمّ تلاقى أجدع حكومة تشتغل الناس و تضرب ارقام و انجازات فى الهوا

يبقى أنت أكيد فى مصر


و لمّا تلاقى حكومة ماشية بالبركة و معندهاش أى
خطة للإصلاح و سيبنها
زىّ ما تيجى تيجى

يبقى أنت أكيد فى مصر


و لمّا تلاقى بلد فيها الأمن عبارة عن شوية بلطجية و ووزير الداخلية
بتاعها شيخ منصر

يبقى أنت أكيد فى مصر


و لمّا تلاقى التعليم شوية حش فى الدمغة و كله متراقب من دول خارجية
لحسن يكون فيه إرهاب لا سمح الله

يبقى أنت أكيد فى مصر


و لمّا تلاقى وزير الصحة شالوه عشان يا عينى الرجل كان عايز ينشط الدوا
المصرى و يوّقف الدوا الأمريكى

يبقى أنت أكيد فى مصر


و لمّا تلاقى البطالة نسبتها 29% و الحكومة تقول دى 9%

يبقى أنت أكيد فى مصر


و لمّا تلاقى بلد مركزها ال55 من 103 و هى دول العالم الفقيرة فقط على
مستوى العالم

يبقى أنت أكيد فى مصر


و لمّا تلاقى بلد متعرفش تمشى غير بقانون البلطجية ( قانون الطوارىء) و
ياخده عاطل مع باطل

يبقى أنت أكيد فى مصر


و لمّا تلاقى بلد بتمنع العلماء و الشرفاء من أبناء الوطن للسفر للخارج

يبقى أنت أكيد فى مصر


وأمّا تلاقى شعب مش فاضى غير للكورة مع حبّى الشديد لها

يبقى أنت أكيد فى مصر


و لمّا تلاقى بلد ساكنة على 7% من مساحة الأرض بتاعتها

يبقى أنت أكيد فى مصر


و أمّا تلاقى حكومة عندها سوء تخطيط للمدن و الطرق و تلاقى الدنيا قفلة
قفلة سودا فى عز الظهر

يبقى أنت أكيد فى مصر


و لمّا تلاقى واحد مش فاهم حاجة ييجى يتححج إن الناس مبتبطلش خلفة

يبقى أنت أكيد فى مصر


لمّا تلاقى البحث العلمى مبيتصرفش عليه غير 5و2 % من الدخل القومى

يبقى أنت أكيد فى مصر


و لمّا تكتشف إن ال 5و2 % دول بيتصرفوا على كلام فارغ لسيادة الوزير و
معاونيه و مبيصرفش مليم أحمر على التطوير و البحث نفسه

يبقى أنت أكيد فى مصر


و لمّا تلاقى شوية أحزاب مالهاش أى قيمة فى المجتمع أو زىّ ما بيقولوا
فالصو

يبقى أنت أكيد فى مصر


و لمّا تلاقى الأحزاب كلها خربانة من جوه و خناقات و قواضى شغالة داخل
الأحزاب

يبقى أنت أكيد فى مصر


و لمّا تلاقى كتير زىّ بيكتبوا الكلام ده

يبقى أنت أكيد فى مصر



يبقى أنت أكيد فى مصر


يبقى أنت أكيد فى مصر

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white

avatar

عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: رد: يبقى انتة اكيد فى مصر (هههههه)   الإثنين 4 أغسطس 2008 - 18:15

هههههههههههههههههههههههههههههههه

واما تلاقى محمود مظهرش وترن عليه ميعبرش وتسأل عليه يقولوك سافر وهو اساسا منفى فى الجزائر


يبقى انته أكيد أكيــــــــــــــــــــــــــــــــــــد فى مصر

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fisherman

avatar

عدد الرسائل : 663
العمر : 30
المزاج : وانت مالك انت ياعم
اسم الكلية : كليه القرف والعذاب والنيله والهباب
تاريخ التسجيل : 29/03/2008

مُساهمةموضوع: رد: يبقى انتة اكيد فى مصر (هههههه)   الإثنين 4 أغسطس 2008 - 19:15

الله يرحمك يا حسينى والله كنت صاحب جدع

يالا يا خساره
المنتدى دا حلوته ان اخرته على سجن ابو غريب وش

ولما انت تدخل المنتدى دا واخرتك تبقي زي الحسينى تبقي انت اكيد في مصر

عاوز تبقي في مصر يا حسينى

عاوز تعرف مصر يا حسينى

فيه ميكروباص هيجي ندكم كمان كام ساعه اركب فيه وهما هيوركوا مصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
new artist

avatar

عدد الرسائل : 375
العمر : 28
تاريخ التسجيل : 11/06/2008

مُساهمةموضوع: رد: يبقى انتة اكيد فى مصر (هههههه)   الثلاثاء 5 أغسطس 2008 - 2:55

ابقي طمنا عليك يابني واللهي خفت عليك بس انت اكيد اكيد فمصر بس مصر التانيه ومقفول عليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter

avatar

عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: يبقى انتة اكيد فى مصر (هههههه)   الثلاثاء 5 أغسطس 2008 - 7:00

ابقوا افتكرونى بالخير
وزرونى ومحدش ينسى العيش والحلاوه
ومتشكرين لتعاطفك يا بنكش وليه تبعتى الواحد بعيد كده الجزائر
والف شكر يا عم كريم ويا ريت قريب تنورنى فى ابوغريب علشان هتوحشنى
وشكرا ياnew artist وتعاطفك لوحده مش كفايه يا ريت تلمولى علشان على الاقل
الواحد يتبهدل بمزاج

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


عدد الرسائل : 750
العمر : 29
المزاج : دماغ عالية
اسم الكلية : كلية العلوم
تاريخ التسجيل : 18/03/2008

مُساهمةموضوع: رد: يبقى انتة اكيد فى مصر (هههههه)   الثلاثاء 5 أغسطس 2008 - 8:41

يا حسينى فاكر سامى الحاج
اعلانات الحرية بتاعه خلصت وطلع
شكلك هتاخد مكانه
ونقول من دلوقتى
الحرية لمحمود الحسينى
عضو منتدى الاصدقاء

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asdeka.montadalhilal.com
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: يبقى انتة اكيد فى مصر (هههههه)   الثلاثاء 5 أغسطس 2008 - 15:03

فعلا يا محموةد يبقى أنتا أكيد في مصر

يا جماعه ده محمود ده عميل أجنبي وعايز يكرهنا في مصر

خلوا بالكوا كلنا هنتحبس وهو لأ يعني لازم هو اللي يجيب لنا عيش وحلاوة مش العكس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يبقى انتة اكيد فى مصر (هههههه)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: