منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 نكت سياسيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
harry potter

avatar

عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: نكت سياسيه   الإثنين 4 أغسطس 2008 - 17:53

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟


موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى


واحد شغال فى فرز اللجان الإنتخابية...فو احد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليما ت واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض


بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا



سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت


في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى


كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح



مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم


زعيم سياسي في بلد متخلف ، اقترح عليه أحد الحاشية
اقتراحاً فقال : لماذا لا نسعى الى ان تستعمرنا دولة
كبرى مثل امريكا فتقيم لنا المصانع والطرق والمطارات
والمستشفيات ثم نطردهم فيما بعد ؟
فأجاب الزعيم : وكيف نجعلهم يأتون لاستعمارنا؟
فرد عليه ، لدينا طائرتين نرسلها في غارة على امريكا فتغضب
امريكا وتأتي لاستعمارنا ؟
فرد الزعيم : واذا تمكنت الطائرتين من هزيمة امريكا !!!!!! ماذا نفعل ؟
ـــــــــــــــــــــــــــــ
فيه رئيس دولة فقيرة زار أحد الدول الخليجية فاستقبله
الامير ورحب به وقال خذوه لقصر الضيافة ، فقال الضيف
الزائر : لا أنا اريد بدل سكن .

ــــــــــــــــــــــــــــــــــ
الضابط : ليش راسم على يديك نجمة اسرائيل ؟ الجندي :
ياسيدي اذا ربحت اسرائيل المعركة واخذوني اسير بيناظرون
النجمة وبيتركوني . الضابط : واذا ربحنا المعركة ؟
الجندي : حقطع يدي .

ـــــــــــــــــــــــــــــــــــــــ
في أحد الدول العربية كثرت الحوادث وكان سببها احدى
الحفر الكبيرة الموجودة في الطريق فاجتمع مجلس المدينة
لحل هذه المشكلة ؟ قال أحدهم : يجب أن نقوم ببناء
مستشفىً بجانب الحفرة . فعارضه آخر وقال : كلا، يجب أن
نوفر سيارات الاسعاف كي نحمل المصابين الى المستشفى
العام . وصاح أحدهم بحماقة الحلين وقال ان الصواب هو دفن
الحفرة .. وحفر اخرى بجانب المستشفى العام !!؟
ـــــــــــــــــــــــــــــــــــــــــ
في حصة الرياضه : سأل المعلم تلميذ : من هو أحسن لاعب
كرة في العالم في نظرك ؟ فقال : بوش ، لأنه الوحيد الذي
يلعب بالكرة الأرضية.

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fisherman

avatar

عدد الرسائل : 663
العمر : 30
المزاج : وانت مالك انت ياعم
اسم الكلية : كليه القرف والعذاب والنيله والهباب
تاريخ التسجيل : 29/03/2008

مُساهمةموضوع: رد: نكت سياسيه   الإثنين 4 أغسطس 2008 - 19:32

والله يابنى انت مش عاوز تجيبها لبر ابدا


هو سجن ابو غريب

الميكروباص جي كمان شويه

البس وجهز نفسك وسلم على العيله وقول الشهادة بقي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة القصر

avatar

عدد الرسائل : 1240
العمر : 28
المزاج : wow !!
اسم الكلية : mansoura faculty of science
تاريخ التسجيل : 03/08/2008

مُساهمةموضوع: رد: نكت سياسيه   الثلاثاء 5 أغسطس 2008 - 5:41


really all nice ........ go ahead

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela

avatar

عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: نكت سياسيه   الثلاثاء 5 أغسطس 2008 - 11:48

ابوا غريب ده بعيد اوي احنا هنروح المحرقه بتاعة اليهود
يلا يا بني حضر الشنطه ومرهم الحروق
بس بجد جامده النكت دي
وصي اخوك لو اتمسكت يكلمني الغي الموضوع بسرعه
احنا اصحاب بيوت وعندي كيلو لحمه عايز اكلها

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter

avatar

عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: نكت سياسيه   الثلاثاء 5 أغسطس 2008 - 12:03

ماشى يا زعيم
بس اسال عليا من يوم للتانى
وافتكرنى
Crying or Very sad Crying or Very sad Crying or Very sad Crying or Very sad

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت سياسيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم الترفيهى :: منتدى الترفية والنكت-
انتقل الى: