منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 طياره فيها خمس ركاب من تنقذ ؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Brave Heart



عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: طياره فيها خمس ركاب من تنقذ ؟؟؟؟   الإثنين 4 أغسطس 2008 - 5:39

تلقيت إتصالا عاجلا من طائرة توشك أن تقع

الطائرة تحوي 5 ركاب ومظلة إنقاذ وحيدة

الجو مشحون بالخوف والترقب.. كل الركاب يطلبون مساعدتك كي تختار من يستحق النجاة منهم

هذه إستغاثاتهم :


كابتن الطائرة
أنا أب لأربعة أطفال, خامسهم سيأتي بعد شهر, أمهم تحبني بجنون, أسرتي الصغيرة تحتاجني, لا عائل لهم سواي, أرجوك تفهم موقفي.. حاولت إنقاذهم وفشلت.. كل محركات الطائرة تحترق.. كلنا سنموت بعد دقائق. منذ ثلاثة أيام وأنا في الأجواء من بلد لبلد, فقط ساعة وسأكون مع أسرتي ..إنهم ينتظرون هداياي الآن..! أرجوك.. قدّر معنى أن تكون أباً.


سيدة حامل.
أنا في الشهر الثامن , شهر وسنكون أثنان..! نحن أثنان بالفعل, تفهّم حالتي.. نحن أثنان..! هذا الجنين ما ذنبه أن يحرم الحياة..؟ وأنا التي أحضنه.. ألا أستحق طوق النجاة هذا.؟ نتعب ونتألم كي نمنحهم الحياة, ولا نمنح نحن هذه الحياة.! أرجوك.. كلهم يبحثون عن حياتهم.. أنا ابحث عن حياة لأثنين!. إخترني.


طبيب جراح كنت في طريقي لمستشفى لإجراء عملية قلب غدا.. تفهم شعور ذلك المريض الذي ينتظرني.. لا يوجد أحد قادر على إجراء عمليات معقدة كهذه سواي.. فكر في مئات المرضى الذين ينتظرونني.. فكر في عشرات الأطباء الذين سيأخذون مني علم يخدم البشريه. لا تهمني الحياة بقدر ما تهمني حالات المرضى الذين ينتظرونني. ستقوم بعمل عظيم لو اخترتني.



مغترب
ياااااه, ما أقسى الحياة, تغربت طويلا لأجل لقمة عيش لا تأتي إلا من البعيد, قريتي التي غادرتها منذ عشرين سنه على مقربة مني الآن, كل هذه السنوات لم استطيع أن آتي.. .. ما أصعب من أن تحرم من وطنك.. وعندما يستقبلك هذا الوطن من جديد.. تحرم من الحياه!. على ساعه فقط! تخيّل بعد ساعه, أنتظر كل هذا الزمن وتحرمني ساعة وحيدة من لقاء أحبتي.. أمي.. أبي.. اخوتي الذي تركتهم صغارا.. وأصدقائي و الأزقة التي ملأتها صراخا يوم كنت صغيرا. أنا منهار صدقني. كل أحلامي بلقائهم ستتبدد إن لم تخترني.



طفلة ( 9 سنوات )
أنا صغيرة, كلهم جربوا الحياة طولا وعرضا, وجابوا دهاليزها, أنا في بداية الطريق, أشعر بالأمل وومملوءة بالطموح وبالفرح وبالغد المشرق أنا. ألا أستحق أنا الحياة التي يتشبثون بها!؟ أخترني ولا تحرمني غدي.

-----------------------------------

الآن و بعد أن سمعت نداءتهم وإستغاثاتهم.. من تمنح طوق النجاة الوحيد.. ؟؟؟؟؟؟؟
الخيار خيارك... قف مع نفسك بصدق.. وقل من ستختار لينجو.. وبعدها رتب البقية حسب إستحقاقهم للحياة من وجهة نظرك.
لا تنظر للإختبار وكأنه إختبار نفسي عابر... لا... تقمص الدور تماما.. تخيل تلك الإستغاثات وهي تعبرك.. تخيّل صراخهم وتشبثهم بالحياة.. وأنت من ستقرر من ستختار.. ويجب أن تختار ويكمنك أن ترتب من ستختار.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اميرة الثلوج



عدد الرسائل : 5
تاريخ التسجيل : 03/08/2008

مُساهمةموضوع: رد: طياره فيها خمس ركاب من تنقذ ؟؟؟؟   الإثنين 4 أغسطس 2008 - 8:07

اولا بحييك ع الموضوع الانساني الرهيب اللي هيواجهنا بنفسنا ثانيا لو انا في الموقف فعلا هختار الطبيب لان الموقف مش محتاج تحكيم عاطفة لان التعاطف للكل لكن محتاج تحكيم عقل والعقل بيقول انقاز اكبر عدد ممكن من الارواح والطبيب واضح انه متميز في عمله يعني فعلا مرضي كتير محتاجينه لان المريض مالوش غير الطبيب هو امله في انه يحس بحياته يعني بدي الفرصة لمليون واحد لكن اسرة التيار ليهم ام والام ليها اولادها وكزلك الباقي اما عن الترتيب الطفلة اللي عاشت التجربة واكيد هتطلع مستفيده منها وبعدها السيده الحامل يليهم كابتن الطائرة واخرهم المغترب مش تحامل عليه بس ممكن طول البعد الجزئي يهون الغياب الكلي ده احيانا يعني وربنا ما يحطنا في موقف زي ده ابدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart



عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: طياره فيها خمس ركاب من تنقذ ؟؟؟؟   الإثنين 4 أغسطس 2008 - 12:15

أنا بشكرك على على مرورك يا أميرة الثلوج وبجد وجهة نظر تحترم
وأنا سعيد جدا والله إن أول مشاركه ليكي في المنتدى كانت في موضوعي ده
ويارب تكوني دايما معانا في المنتدى وتشاركي بالمواضيع والردود الجميله


مين تاني من الأعضاء عايز يقول هيختار مين من الخمسه؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة القصر



عدد الرسائل : 1240
العمر : 27
المزاج : wow !!
اسم الكلية : mansoura faculty of science
تاريخ التسجيل : 03/08/2008

مُساهمةموضوع: رد: طياره فيها خمس ركاب من تنقذ ؟؟؟؟   الإثنين 4 أغسطس 2008 - 16:20

و لا واحد أنا ما أقدرشى أحدد مصير حد ......... و بعدين لو الموضوع بجد هاسيبهم هما اللى يقرروا ...........

لكن انت ماقولتلناش ايه اختيارك؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart



عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: طياره فيها خمس ركاب من تنقذ ؟؟؟؟   الإثنين 4 أغسطس 2008 - 17:14

أنا بس مستني لما أشوف رأي بقيت الأعضاء وبعدها طبعا هقول إختياراتي بس في الأخر خالص علشان رأيي لو قلته دلوقتي ممكن يغير رأي أي عضو قرأ الموضوع فأنا عايز أقول رأيي بإذن الله بعد أما أسمع باقي الأصدقاء
وشكرا على المتابعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
إبتسامة أمل



عدد الرسائل : 117
تاريخ التسجيل : 26/08/2008

مُساهمةموضوع: رد: طياره فيها خمس ركاب من تنقذ ؟؟؟؟   الأربعاء 27 أغسطس 2008 - 10:21

الصراحة هو اختيار صعب جدا وانا مقدرش احدد مصير حد بس انا متفقة تماما مع اميرة الثلوج في رايها
تحياتي على الموضوع الانساني دا الي بتمنى متحطش فيه ابدا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
medo # rocket man



عدد الرسائل : 249
العمر : 29
المزاج : fil tarawa
اسم الكلية : graduated - علوم المنصوره - نباتي و افتخر.
تاريخ التسجيل : 23/03/2008

مُساهمةموضوع: رد: طياره فيها خمس ركاب من تنقذ ؟؟؟؟   الأربعاء 27 أغسطس 2008 - 10:59



هههههههههههه
انا اصلا مش ف الطياره لانك قلت انه هايجيني اتصال

هايجيني بصفتي ايه ؟؟

ما علينا

انا هاروح انقذهم و هما معندهمش غير مظله واحده

ااااااااااخد معايا 5 مظلات

سهله اوي - مهو بالعقل - اروح عشان انقذ واحد بس ؟؟؟؟؟؟؟؟؟!!!!!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150



عدد الرسائل : 1306
العمر : 23
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: طياره فيها خمس ركاب من تنقذ ؟؟؟؟   الأحد 31 أغسطس 2008 - 5:32

طبعا شكرا عالموضوع الجميل ده

بس لو انا بحكم هروح واخد المظله دي وارميها في الهواء

عشان ولا واحد من دول كلهم ياخدها

وده طبعا لان كل واحد فيهم يستحقها عشان في الاخر يبقي مصيرهم كلهم واحد

اما انهم يموتوا وده يبقي قدر ربنا او ان ربنا يكتبلهم عمر جديد كلهم

وشكرا ورمضان كريم

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مشمشه



عدد الرسائل : 658
العمر : 29
المزاج : Sad
اسم الكلية : كليه العلوم جامعه المنصورة
تاريخ التسجيل : 30/08/2008

مُساهمةموضوع: رد: طياره فيها خمس ركاب من تنقذ ؟؟؟؟   الأحد 14 سبتمبر 2008 - 0:33

طيب الطياره دى توشك ان تقع
يعنى لسه فى الجو
طيب انا هروحلهم ازاى ؟
Question
ممكن اتخيل انى هطلب من بابا حسنى مبارك يؤمر بطياره خاصه تروح تنقذهم
Wink
المهم انى اوصل لفوق عند الطياره المريضه
طيب لما اوصل لهم وانا معايا طياره

يبئى لزمتها ايه اطواق النجاه

Exclamation

ممكن يكون ليه لزمه
اديه للعيله الصغيره تلعب فيه وهيا فى الطياره التانيه

انا الظاهر وسعت خيالى اوى
مش عارفه
عندى احساس ان الموضوع سهل مش مستاهل التفكير ده

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the_prince



عدد الرسائل : 783
المزاج : عال العال
اسم الكلية : العلوم
تاريخ التسجيل : 24/03/2008

مُساهمةموضوع: رد: طياره فيها خمس ركاب من تنقذ ؟؟؟؟   الثلاثاء 16 سبتمبر 2008 - 9:08

طبعا اختيار صعب جدا بين اب ينتظر 4 و امهم غير طفل قد يولد يتيما ... و ام حامل انتظرت شهورا لترى قرة عينها ... و دكتور عالم قد يشفى الله على يديه مرضى ... و طفلة لها حلم فى الحياة ... و مغترب عاش وحيدا و تعب كثيرا و حين اراد الراحة وجد الموت فى الطائرة التى تقله الى اهله و وطنه ....

و لكن مش هاهرب و هاجاوب بس بالعكس :
المغترب ... انا شايف انه اللى اختار انه يبعد و انه يسيب وطنه علشان يحقق ذاته و اختار نفسه قبل كده فصعب يختاره الناس
الدكتور ... للمرضى رب هو الذى يشفى و بيده الحياة و الموت ... يعنى لو مات فى اى حاجة تانية خلاص الناس تموت والمستشفيات تقفل و المرضى تنقل للمقابر ... لهم الله
المراة الحامل ... ستموت مع وليدها يعنى لحظات قليلة تشعر فيها بالحزن و لكن ستنتقل الى عالم غير ما نحن فيه و قد يرد الله لها ولدها فى الجنة
الطفلة ... بالرغم من حبى للاطفال الا انى اظن ان الموت لها افضل و هى طفلة قبل ان تلوثها الحياة بذنوب و يكفيها الجنة
الطيار ... حاول ان ينقذ الجميع و لكنه فشل فى انقاذهم و ورائه اهل فسوف ترمل امراته و ييتم اطفاله صحيح ان الله لا ينسى عباده و لكن

لو وضعت فى هذا الموقف لاخترت الطيار ... ليس له و لكن علشان زوجته و اولاده

شكرا يا مشالى على الموضوع الجامد ... بس بجد الاختيار صعب اوى ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مشمشه



عدد الرسائل : 658
العمر : 29
المزاج : Sad
اسم الكلية : كليه العلوم جامعه المنصورة
تاريخ التسجيل : 30/08/2008

مُساهمةموضوع: رد: طياره فيها خمس ركاب من تنقذ ؟؟؟؟   الثلاثاء 16 سبتمبر 2008 - 9:55

طيب فينك يا مشالى
عاوزين نعرف الاجابه الصحيحه
يلااااااااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سارة



عدد الرسائل : 574
العمر : 29
المزاج : عادى
اسم الكلية : كليه العلوم جامعه المنصورة
تاريخ التسجيل : 30/08/2008

مُساهمةموضوع: رد: طياره فيها خمس ركاب من تنقذ ؟؟؟؟   الخميس 18 سبتمبر 2008 - 7:21

انا بجد مش قادرة اختار اى شخص
لانى مقدرش اشوف حد محتاج لمساعدة منى وانا اقف عاجزة

لكن انا كنت هسيب الطفلة لانه لسه صغيرة ولو ربنا قدر ليها تموت يبقي احسن ليها من حياتنا واللي فيها

الشاب اللي اختار غربته باديه وبعد عن اهله ووالدته برضه يمكن مقدرش اختاره

اما الدكتور بقي فالاكيد انه مش لوحده دكتور شاطر
واكيد فيه كتير عارفين شغلهم

انا بقي اختياري هيبقي بين الام الحامل وبين الاب اللي اسرته مستنياه

وبكده هقف محتاره تانى لانى مش هعرف اختار ابدا بينهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طياره فيها خمس ركاب من تنقذ ؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: اتكلم بصراحة-
انتقل الى: