منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 ايه العسوله دى؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Brave Heart

avatar

عدد الرسائل : 1111
العمر : 31
المزاج : Games & Films
تاريخ التسجيل : 08/05/2008

مُساهمةموضوع: ايه العسوله دى؟؟؟   الأحد 3 أغسطس 2008 - 5:53

}السلام عليكم ورحمة الله{

اخوانى واخواتى خطرت ببالى هذه الافكار متواترة فصممت على نقلها اليكم


ليه بيطلق على شارع الهرم هذا الاسم مع انهم 3 اهرامات ولم يطلق عليه شارع ابو الهول وهو ابو هول واحد ؟؟؟



ليه لما بتاع الكهربا بييجى ويكون ليك باقى بيتنح له ويعمل مش معاه فكه وتقوله مش مهم وليه هو لما يكون ليه فلوس ميقولكش خلاص مش مهم من اللى عليه؟؟؟



ليه لما بنتين يكونوا فى مينى باص وواحده تخينه تركب يودودا لبعض وبرضه نفس الموضوع بيحصل لو واحده رفيعه ركبت او واحده احلى منهم ويالهوى لو كانت وحشه الودووده فيهم فيهم ؟؟؟



طيب لما السواقين بتغلى الاجره ويطلع واحد او تنين يعارضوا من حقهم طبعا تلاقى كل الاتوبيس هياكلك بعينه اذا لم يستعملوا ايديهم ويقولك بكل ثقه اييييييييه ياعم مهى كده من زمان وهى بقالها 3 ساعات متغيره بس حسبى الله ونعم الوكيل؟؟؟ويقولك ايه ياعم هى النص جنيه بتجيب حاجه قوله ايوه بتجيب 10 ارغفه عيش تاكلهم لما تشبع يافنجرى!!!



ليه لما بيكون ولد راكب عربيه جنب واحده حلوه اوى بياخد كل المطبات يمينا ويسارا وبكل قوه مع انه لو جنبه ولد بينام ومش كل الولاد وحشه فى بنات كده برضه شغاله فى المطبات ؟؟!!



وليه لما بنيجى نأكل طفلنا الصغير واحنا بنأكله بنفتح احنا بقناااا؟؟؟



ليه لما والدتك بتقولك خد اشترى لى حاجه تقولها ده انا رايح الامتحان ولو جارتك اللى بنتها حلوه قالتلك فاضى تشترى لى حاجه تقولها طبعا ده انا خلصت امتحان ؟؟؟



ليه لما فيلم جديد بينزل بنروح نتفرج عليه مع انه بيكون عنده على الجهاز؟؟؟انا مش ضد السينمات لكن ضد الفلوس الكتير دى !!!



ليه اغلب المتسولين من البنات ومش من الولاد هل لان ابو دومه الراعى الرسمى للمتسولين فى البلد مش لاقى ولاد؟؟؟



ليه دايما لما بنركب المواصلات كل الموبايلات بترن وكلهم مش بيردوا كأنهم مسلطين اصحابهم ده غير اللى اول ميركبوا يشغلوا الام بى ثرى الصاخب وكانه لسه شارى الموبايل جديد واول مره يسمعهم مش عارف ليه؟؟؟لو حد يعرف ياريت يقوللى!!!



وبرضه ليه مش عارف لما يكون سواق ميكروباص ماشى وامامه عربجى ليه العربجى مش بيركن على جنب هل عشان الحمار مش معاه رخصه ولا لسه مش معلق نمر ولا بلطجه؟؟؟انا بطالب بعمل رخص للعربيات الCAR!!!!



برضه لما تكون ماشى فى منطقه والعربجى حاطط الموبايل على ودنه وبيتكلم يتريق عليه الناس ايه ياجماعه هو مش انسان يمكن بيعاكس الموزه الحلوه بتاعت الخدمات على العلم انى مش عربجى للمدافعه عنهم ولكن من باب العدل !!!



لما بنيجى نركب مواصلات ال14 راكب بيجروا على الكرسيين الاوليين وكانهم مش بيدفعوا اجره مع ان العربيه كلها فاضيه سبحان الله!!!



ليه دايما بنلاقى البنك الاهلى ولم نرى حتى الان البنك الزملكاوى هل الزمالك لاتمتلك نقودا تساعدها على انشاء بنك؟؟؟ ارققققص ياحضرررررى!!! على العلم انى والله مليش فى الكوره ولا اتعصب لاى فريق محلى او دولى تحيا مصر



فى القنوات الفضائيه بنلاقى فى اساله سهللللللله جدا زى ""واحد اول حرف منه أ واخر حرف د واسمه احمد يبقى اسمه ايه"""هاااااااااا؟؟؟ لو جاوبت هتكسب مليون دولار خلاص يعنى مفيش اسئله ولا بتستهفووونا ؟؟والبت اللى بتقدم بتقعد تعمل حركات كده كانها طالعه من مستشفى او فى نمل مالى هدومها هدوم ايه نسيت حاجه احيانا مش بيكون فى هدوم اصلا بس انا بعتب على القنوات دى لان الشريط اللى فى اسفل الشاشه مش بيوريينا الجيبه بيكون لونها ايه وانا اناشدهم بان الشريط الافضل يكون فوق ويغطى لنا وجهها الرائع



لما واحد صاحبك بيتجوز او واحده صحبتك"" للبنات طبعا لحسن حد يفهمنى غلط "" فانا ضد صداقة البنت والولد اول حاجه بنسألها لهم عملت ايه؟؟ هو كان فى ماتش ولا ايه عاوز اعرف!! خلى بالك هتتسأل نفس السؤال حضر له من الان مع ان الشرع بيأمرنا بعدم السؤال فى مثل هذا فقد شبههم"" المصطفى صلى الله عليه وسلم"" بالشيطان والشيطانه اعاذنى الله واياكم منهم وكمان اه ليه لما الواحد بيقول"" صلى الله عليه وسلم"" فى ناس مش بتقول و""عليه الصلاة والسلام"" ماااشى مااااااشى نكمل موضوعنا عمر ماحد سال العريس او العروسه هل تذكرت دعاء الجماع؟؟ هل بدات حياتك بالصلاه؟؟ هل اتفقت مع زوجتك ان تقوما على كتاب الله وسنة نبيه؟؟ وهل اتفقتم على ورد يومى من القران مهما حدث ؟؟وهل وهل بدلا من الاسئله المحرجه دى ولا هو الزواج *** وبس على فكره فى حاجات كتير اوى اوى اوى بنشوفها ومش عارفين ليه بس مضطر انهى الحديث لان اولا طولت عليكى وثانيا الحبر خلص بتاع الكيبورد طبعا وثالثا سحبت كهربا كتير من اجلكم وفتحت الووورد بئه واشتراك نت واشتركنا فى الموقع يعنى انتوا كده كده جايين علينا بخساره فشارك ولو بكلمه فضلا عما اذا كنت ثرى وصاحب نقود وعاوز تنقط مش عندى مانع وفى الختام أاسف على الاطاله ويارب يكون الموضوع عجبكم واسالكم الدعاء لى بظهر الغيب واذا كان كلامى به بعض الاخطاء فاضربوا به عرض الحائط فهذا لايمثل الا وجهة نظرى وتحت امركم فى اى شىء .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة القصر

avatar

عدد الرسائل : 1240
العمر : 28
المزاج : wow !!
اسم الكلية : mansoura faculty of science
تاريخ التسجيل : 03/08/2008

مُساهمةموضوع: رد: ايه العسوله دى؟؟؟   الأحد 3 أغسطس 2008 - 18:24

i didn't read all but i took a general view and i see i have to say thanks alot mr mashaly as all i read is nice ........thanks again and i will wait your new
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
new artist

avatar

عدد الرسائل : 375
العمر : 29
تاريخ التسجيل : 11/06/2008

مُساهمةموضوع: رد: ايه العسوله دى؟؟؟   الإثنين 4 أغسطس 2008 - 3:31

محمد متاكد ان ده كلامك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 31
المزاج : Games & Films
تاريخ التسجيل : 08/05/2008

مُساهمةموضوع: رد: ايه العسوله دى؟؟؟   الإثنين 4 أغسطس 2008 - 6:02

شكرا ليكي يا جوهرة القصر وبجد نورتي الموضوع ونورتي المنتدى كله
وأتنمى تشاركي معانا على طول بالمواضيع والردود وطبعا هيكون شرف كبير ليا لو تباعتي بإستمرار مواضيعي زي ما وعدتيني .

وبصراحه يا New Artist الأسئله دي منقوله مش أنا اللي ألفتها ولكن حبيت أنقلها لكم علشان فيها فعلا أسئله مهمه لحاجات كتير موجوده حوالينا

وشكرا ليكي بجد يا New Artist على مرورك الجميل ويارب دايما تكوني بخير .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter

avatar

عدد الرسائل : 2306
العمر : 30
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: ايه العسوله دى؟؟؟   الإثنين 4 أغسطس 2008 - 16:37

بجد انتا عالمى
ومن الاخر انتا كبير من يومك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ايه العسوله دى؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: