منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 رباعيات صلاح چاهين (تم بحمد الله)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رباعيات صلاح چاهين (تم بحمد الله)   الأحد 20 يوليو 2008 - 5:25

ممكن كل واحد يقرا الموضوع يقول ايه احسن جزء عجبه Question

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .





عدل سابقا من قبل g0zela في الأحد 3 أغسطس 2008 - 3:35 عدل 4 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
new artist



عدد الرسائل : 375
العمر : 28
تاريخ التسجيل : 11/06/2008

مُساهمةموضوع: رد: رباعيات صلاح چاهين (تم بحمد الله)   الإثنين 21 يوليو 2008 - 0:36

هيا رباعيات صلاح
جاهين جامده مش عايزه نقاش بس بجد الصوره دي حلوه اوي.............
بس مش فاهمه ده نظام تشويق ولا ايه.
عامه في انتظار الرباعيات.......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الإثنين 21 يوليو 2008 - 5:41



خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!




ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!




ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!




و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!




أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!




يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!




أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!




سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!




كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!




عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!




رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!




ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!


وللرباعيه بقيه

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الإثنين 21 يوليو 2008 - 6:20

new artist كتب:
هيا رباعيات صلاح
جاهين جامده مش عايزه نقاش بس بجد الصوره دي حلوه اوي.............
بس مش فاهمه ده نظام تشويق ولا ايه.
عامه في انتظار الرباعيات.......



لا تشويق ولا حاجه
انا كنت بجمعهم
وبشوف في أعضاء مهتمين ولا مفيش اهتمام
وشكرا علي المجامله الجميله دي
I love you

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter



عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: رباعيات صلاح چاهين (تم بحمد الله)   الإثنين 21 يوليو 2008 - 8:42

كبير من يومك
يا عبد السلام

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white



عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: رد: رباعيات صلاح چاهين (تم بحمد الله)   الإثنين 21 يوليو 2008 - 9:13

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!


دى حلوة اوى وكمان الموضوع كلة جميل بجد

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الثلاثاء 22 يوليو 2008 - 10:34

harry potter كتب:
كبير من يومك
يا عبد السلام




يا حسيني انا كبير بيك و شكرا يا I love you

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الثلاثاء 22 يوليو 2008 - 10:38

pinkish*white كتب:
أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!


دى حلوة اوى وكمان الموضوع كلة جميل بجد



طبعا لازم مشرفة همس القوافى تختار الجزء ده
علي فكره ي رائي انا كمان
وشكرا علي كلامك الجميل

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fisherman



عدد الرسائل : 663
العمر : 30
المزاج : وانت مالك انت ياعم
اسم الكلية : كليه القرف والعذاب والنيله والهباب
تاريخ التسجيل : 29/03/2008

مُساهمةموضوع: رد: رباعيات صلاح چاهين (تم بحمد الله)   الثلاثاء 22 يوليو 2008 - 10:39

والله بتفهمى يا بنكش بجد دماغك بتعجبنى
عجبانى بفعلا بتاعت شاب لكن عمرى



والي عجبانى برضه


خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!



وفيه واحده تانيه بتقول جه الربيع جامده


ميه ميه يا عبد السلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white



عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: رد: رباعيات صلاح چاهين (تم بحمد الله)   الثلاثاء 22 يوليو 2008 - 15:44

اية ده شكلك كنت بتحسبنى مبفهمش
هههههههههههههههههههههههههههه




وبعدين على رأيrosset angel بردوا زى ما بتقول على طول طالعالها




يلا يا عم طلعت انته كمان بتفهم Laughing Laughing Laughing

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الثلاثاء 22 يوليو 2008 - 18:32

طالعالها فين Question
علي العموم ابقي سلملي عليها
وياري تقول للمسؤلين انا لقينا ..............
هههههههههههههههههههه
بطل تشتغل الناس
وفي واحد ظلمك وقال عليك بتفهم
شكله ميعرفكش
ده انت سيد العقلين الفهمين
يا اهلاوي

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الأربعاء 23 يوليو 2008 - 4:26



ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!




نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!




علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!




انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!




ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!




يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!




شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!




أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!




إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!




إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!




يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!




في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white



عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: رد: رباعيات صلاح چاهين (تم بحمد الله)   الأربعاء 23 يوليو 2008 - 7:49

في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!




أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!




انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!


بجد حلوين اوى

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الخميس 24 يوليو 2008 - 5:21

انا معاكي في الجزء الاول
بس الاتنين التنيين انا شايف انه في احلي منهم
زي الجزء ده
علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!

وشكرا علي المتابعه

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الخميس 24 يوليو 2008 - 5:33



الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!




علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!




إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!




نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!




- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!




السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!




وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!




سرداب في مستشفي الولاده طويل

صرخات عذاب ورا كل باب وعويل

.. وفي الطــــــريق متزوقين البنات

متزوقـــــــــــــين للحب و المواويل

عجبي !!




الدنيا أوده كـــــــــــبيره للانتظار

فيها ابن أدم زيه زي الحـــــــمار

الهم واحد .. و الملل مشــــــترك

و مفيش حمار بيحاول الانتـــــحار

عجبي !!




أيوب رماه البين بكل العـــــــــلل

سبع سنين مرضان وعنده شلل

الصــــبر طيب .. صبر أيوب شفاه

بس الأكـــــــــاده مات بفعل الملل

عجبي !!!




نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

عجبي !!!!




يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter



عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: رباعيات صلاح چاهين (تم بحمد الله)   الخميس 24 يوليو 2008 - 6:26

يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!


إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!

بجد جامدين اووووووى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الأربعاء 30 يوليو 2008 - 3:40



كروان جريح مضروب شعاع م القمر

سقط من السموات فؤاده انكســـــــــر

جريت عليه قطه علشان تبلعـــــــــــه

أتاريه خيال شعراء و مالهـــــوش أثر

عجبي !!!



ياللي نصحت الناس بشــــــــــــــرب النبيت

مع بنت حلوه .. وعود , وضحك , وحديت

مش كنت تنصحهم منين يكســــــــــــــــبوا

تمن ده كله ؟ ... و الا يمكن نســـــــــــيت

عجبي !!




ما حد في الدنيا واخد جزاتــــــــــــــــــه

و لا حــــــــــــــــد بيفكر في غير لذاذاته

ما تعرفيش يا حبيبتي .. أنا و انتي مين؟

إنتي عروس النيل ... و أنا النيل بذاته

عجبي !!




رقاصه خرسا و رقصه من غير نغــم

دنيا . . يا مين يصالحها قبل النـــــدم

ساعتين تهز بوجههـــــــــــــــا يعنـي

يترجرجوا نهديها يعني نعـــــــــــــــم

عجبي !!!




إخطفني ياللي تحبني ع الحصان

الدنيا قالت يوم في ماضي الزمان

إخطفني ياللي تحبني ع الـــــفرس

الدنيا قالت .. قام خطفها الشيطان

عجبي !!!!




من بين شقوق الشيش و شقشقت لك

مع شهقة العصافير و زقزقـــــــت لك

نهار جديد انا . . قوم نشوف نعــمليه

انا قلت يا ح تقتلني .. يا ح اقــــــــتلك

عجبي !!!




جالك أوان ووقفت موقف وجـــود

يا تجود بده يا قلبي يا بده تجــــود

ما حد يقدر يبقي علي كل شـــــــئ

مع إن – عجبي – كل شئ موجود

عجبي !!!




جالك اوان وعرفت مشي الجنايــــــــز

كيف شفتها يا عبد رب اللذايــــــــــــذ

قال : شفت شيل بالحيل فقير أو اميـــر

كما شالوا في الخمامير فواضي القزايز

عجبي !!




أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!




يا مشرط الجراح أمانة علـــــــــــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك

عجبي !!!




كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!




تسلم يا غصن الخوخ يا عود الحطـــــــــب

بييجي الربيع .. تطلـــــــــــع زهورك عجب

و انا ليه بيمضـــــــــــي ربيع وييجي ربيع

و لسه برضك قلــــــــــــــــــبي حتة خشب

عجبي !!!




قلبي عليل يا ناس و في الكاس دواه

مديت له إيدي شربت م اللي حــــواه

جنبي الشمال خف .. اليمين اتــــوجع

و إيه يداوي الكبد م اللي كـــــــــــواه

عجبي!!




دي مزكرات و كتبتها من ســـــــــنين

في نوتة زرقا لون بحور الحنيــــــــــــن

عترت فيها .. رميتها في المهمـــــــلات

وقلت صحيح أما صحيح كلام مخبولين

عجبي !!




دخل الشتا وقفل البيبان ع البـــيوت

وجعل شعاع الشمس خيط عنكبوت

وحاجات كتير بتموت في ليل الشــتا

لكن حاجات أكتر بترفض تمــــــوت

عجبي !!




الدنيا من غير الربيع مــــــــيته

ورقة شجر ضعفـــــــانه و مـــفـــــتــته

لا يا جدع غلطان تأمل وشوف

زهر الشتا طالع فــــــــي عز الشـــــتا

عجبي !!!




ياللي انت بيتك قش مفروش بريش

تقوي عليه الريح .. يصبح ما فيش

عجبي عليك حواليك مخالب كـــــبار

و ما لكش غير منقار و قادر تعيش

عجبي !!!!




سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

عجبي !!!

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الأحد 3 أغسطس 2008 - 3:33

بحر الحياه مليان بغرقي الحياه

صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

عجبي !!!



فارس وحيد جوه الدروع الحديد

رفرف عليه عصفور وقال له نشيد

منين .. منين.. و لفين لفين يا جدع

قال من بعيد و لسه رايح بعيد

عجبي !!



كان فيه قمر كأنه فرخ الحمام

علي صغره دق شعاع شق الغمام

أنا كنت حاضر قلت له ينصرك

إشحال لما حتبقي بدر التمام

عجبي !!



النهد زي الفهد نط اندلع

قلبي انهبش بين الضلوع و انخلع

ياللي نهيت البنت عن فعلها

قول للطبيعة كمان تبطل دلع

عجبي !!!



صوتك يا بنت الإيه كأنه بدن

يرقص يزيح الهم يمحي الشجن

يا حلوتي و بدنك كأنه كلام

كلام فلاسفه سكروا نسيوا الزمن

عجبي !!!!



كرباج سعاده وقلبي منه اجلد

رمح كأنه حصان و لف البلد

و رجع لي نصل الليل و سألني .. ليه

خجلان تقول انك سعيد يا ولد

عجبي !!!



مزيكة هادية الكون فيها انغـــــمر

وصيف و ليل و عقد فل و سمر

يا هلتري الناس كلهم مبسوطين

و يا هلتري شايفين جمال القمر ؟

عجبي!!



إنشد يا قلبي غنوتك للجمــــــــــــــــــال

و ارقص في صدري من اليمين للشمال

ما هوش بعيد تفضل لبكره سعيــــــــــد

ده كل يوم فيه الف الف احتمـــــــــــــال

عجبي !!



آه لو انا و محبوب جزنا الفضـــــا

في سفينة وحدينا .. واشيا رضـــا

ساعة صفا تعجبنا نرجع لهــــــــــا

و الهم قبل ما ييجي .. يبقي مضـى

عجبي !!



أنا إله الوجد رب الهيــــــــــــــــام

أضرب بسهم الوهم وهم الغـــــرام

و هم الغرام من كتر ما هو لذيـــــذ

رشقت انا ف صدري جميع السهام

عجبي !!!



حدوته عن جعران و عن خنفســــــــــه

اتقابلوا حوا بعض ساعة مســـــــــــــــا

و لا قال لهم حد اختشوا عيب حـــــرام

و لا حد قال دي علاقة متدنســــــــــــــة

عجبي !!!!



ياللي عرفت الحب يوم و انطــــــــــــوي

حسك تقال مشتاق لنبع الهـــــــــــــــوي

حسك تقول مشتاق لنبع الغــــــــــــــــرام

ده الحب .. مين داق منه قطره...ارتوي

عجبي !!!



انا الذي عمري اشتياق في اشتيـــاق

و قطر داخل في محطة الـــــــــفراق

قصدت نبع السم وشربت ســـــــــم

من كتر شوقي وعشمي في التريـــاق

عجبي !!!



انا الذي عشت الزمن مضيعـــــــــه

بروح حزينة معفنة مضعضعــــــه

زرعتشجرة سنط لجل انجــــــرح

لقتها شعر البنت و مفرعــــــــــــه

عجبي !!



لو فيه سلام في الأرض وطمان و أمن

لو كان مفيش و لا فقر و لا خوف جبن

لو يملك الانسان مصير كل شـــــــــــئ

انا كنت اجيب للدنيا ميت ألف ابــــــــــن

عجبي !!



العشب طاطا للنسايم و نـــــــــــــــــــــخ

أخضر طري مالهش في الحســـــــن أخ

عصفور عبيط انا .. غاوي بهجه و غنا

ح انزلهنا.. و انشا لله يهبرني فــــــــخ

عجبي !!!



أوصيك يابني بالقمر و الزهـــــــــــــور

أوصيك بليل القاهرة المسحـــــــــــــور

و إن جيت في بالك .. إشتري عقد فل

لأي سمرا.. وقبري إوعك تـــــــــزور

عجبي !!!!



غمض عينيك و ارقص بخفة و دلع

الدنيا هي الشابة و انت الــــــــجدع

تشوف رشاقة خطوتك تعبــــــــدك

لكن انت لو بصيت لرجليك ....تـقع

عجبي !!!



حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!



يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!



ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!



ولدي إليك بدل البالون ميت بالــــــون

انفخ وطرقع فيه علي كل لـــــــــــون

عساك تشوف بعينك مصيرالرجــــــال

المنفوخين في السترة و البنطلـــــون

عجبي !!!



خوض معركتها زي جدك ما خــــاض

صالب و قالب شفتك بامتـــــــــــعاض

هي كده...ما تنولش منها الأمـــــــل

غير بعض صد ورد ووجاع مخاض

عجبي !!!!



كام اشتغلت يا نيل في نحت الصخور

مليون بئونه و الف مليون هاــــتور

يا نيل أنا ابن حلال و من خلفتــــــك

و ليه صعيبه علي بس الأمــــــــور

عجبي !!!



ياللي بتبحث عن إله تعــــــــــــبده

بحث الغريق عن أي شئ ينجـــده

الله جميل و عليم و رحمن رحــيم

أجمل صفاته .. وانت راح توجده

عجبي !!!



حقرا و فوق كوكب حقير محتقـــــــر

في الكون تكون دنياكو إيه يا بــــــقر

رملايه من صحرا ؟ لكين إيش تقول

و الكون بحاله جوه عقل البشــــــر

عجبي !!



لا تجبر الانسان و لا تخـــــــــيره

يكفيه ما فيه من عقل بيحيــــــره

اللي النهارده بيطلبه و يشتهــــيه

هو اللي بكره ح يشتهي يغيـــــره

عجبي !!



ياللي في حماه الشمس تلقي المــــلاذ

و ألف بكره و بكره .. في ضلوعه لاذ

مين أنت ؟ مارد ؟ رب ؟ قال لأ ده بس

انا اللي باروي القمح و اسقي الفــولاذ

عجبي !!!



غسل المسيح قدمك يا حافي القـدم

طوبي لمن كانوا عشانك خــــــــدم

صنعت لك نعليك أنا يا أخــــــــــــي

مستني إيه .. ما تقوم تدوس العدم

عجبي !!!!



البط شال عدي الجبال و البحــــــور

ياما نفسي اهج .. احج ويا الطــيور

أوصيك يا ربي لما اموت .. و النبي

ما تودنيش الجنه .. للجنه ســـــــور

عجبي !!!



طال انتظاري للربيع يرجــــــــــــــع

و الجو يدفا و الزهور تطلــــــــــــع

عاد الربيع عرمرم شبـــــــــــــــاب

إيه اللي خلاني ابتديت افــــــــزع ؟

عجبي !!!



و لو اتضنيت و فنيت وعمري انفرط

مش عاوز الجأ للحلول الوســـــــــط

و كمان شطط و جنون مانيش عــاوز

يا مين يقول لي الصح فين والغلــــط

عجبي !!



عاد الربيع كأنه طعم الحــــــــــــــــــب

و الحب نار جوه العروق بتصـــــــــب

اتمتع ازاي بيه وانا متقطـــــــــــــــع

من كتر خوفي لا في الخطيئة يطب ؟

عجبي !!





ازاي شبابنا يقوم و ياخـــــــــد دوره

من غير صراخ يئذيه و يجرح زوره

يا هلتري أحسن له يقعد ساكـــــــــت

أو ينترك و لو خرج عن طــــــوره ؟

عجبي !!!



عيني رأت عصفور ووياه ابـــــــــنه

بيحدفه في الريح و ياخده ف حضنه

نوبتين و تالت نوبه – عجبي عليهم –

كانوا سوا بيرفرفرا و يغنـــــــــوا

عجبي !!!!



احسن ما فيها العشق و المعشقــــــة

و شويتين الضحك والتريقـــــــــــــة

شفت الحية . لفيت . لقيت الألــــــــذ

تغييرها . و ده يعني التعب و الشقا

عجبي !!!



عجبي علي العجب العجيب العجاب

لما الحقيقة تطل بعد احتجاب

و تروح و تحلا وفجأة تصبح مفيش

كمثل طراطيش بحر ياما خد و جاب

عجبي !!!



في الهو ماشي يا بهلوان إش إِش

يا فراشة منقوشة علي كل وش

شقلبت عقلي و عقلي شقلبني

و كنت باحسبني بقيت ما اندهش

عجبي !!



وقفت ساعة الصبح باغسل سناني

قالت لي شايف قوتي و لمعاني ؟

إيش تطلب اليوم مني ضحكة أسد ؟

والا ابتسامة اعلانات أمريكاني ؟

عجبي !!



الحلو يم اليم صابــــــــــح رايح

سارح في حضن الميه سابح سايح

الحلو داب في البحر , قلــــت أدوقه

وجدت لسه البحر برضك ماــــــلح

عجبي !!!



يا كل كلمة للعجب في قامــــــــــــوس

انسكلوبيديا لسان العرب أو لا لاروس

تعالوا نجدة . ده لسه في عصـــــرنا

الشمس و البحر العريض بالفـــلوس

عجبي !!!!



الموج تلول تهبط وتطلع تلــــــــــــول

يا بحر خدني الشط صاحبك ملـــــــول

و الا بلاش الشط ح اعمل به أيـــــــه

ده ريحته طحلب مهري و ام الخلــول

عجبي !!!



ما آنتاش بتلعب ليه يا روح بابــــا ؟

و لا عسكري و لا لص في عصابة ؟

إلعب أسد أو ديب رهيب أو غـــــزال

دي الدنيا في نهاية المطاف غابـــــة

عجبي !!!



ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

عجبي علي التاني بإيــــــــه يوحيلــــــــك



عجبي !!



أنا قلبي كوكب و انطلق في المدار

حواليكي يا محبوبتي يا نور ونـــار

يلف مهمــــا يلف ما بيكتفــــــفيش

وتمللي نصه ليل و نصه نهــــــــار

عجبي !!



الأرض شوك أيوه لكين هايش

و الحمرة مش يعني الطريق حايش

دي دمنا السيال .. وبشرة خيـــــــر

ان انتي عايشة و ان كنت أنا عايــش

عجبي !!!



إيه اللي خدته من مرور السنــــــين

يا قلبي الا دمعتك و النيــــــــــــــين

بتئن و ترجع و بتفرح و ترجع تحــن

مع إن مش كل البشـــــــــــر فرحانين

عجبي !!!!



اوقات أفوق و يحل عني غبــــــــــايا

واشعر كأني فهمت كل الخبايـــــــــــا

و افتح شفايفي علشــــــان اقول الدرر

ما أقولش غير حبة غزل في الصبايــــا

عجبي !!!



عيني رأت مخلوق في غاية البشاعة

أنا قلت له لما تأملته ساعـــــــــــــة

اللذه و الموت علموك اللــــــــــزج

و انا علموني الفلسفة و الشجاعــة

عجبي!!



غطس وقب الموج نهود بمبي

من ألف جيل جمالات ما تعلم بي

يا قلبي عيب دول امهاتنا القدام

أستغفر الله العظيم ربـــــــــــــي

عجبي !!



علقت في المسمار قناع مهزلة

ومعاه قناع مأساة بحزنه ابتـــلا

بصيت لقيتهم يشبهوا بعضهـــم

واهو ده العجب يا ولاد و الا فلا

عجبي !!



ظهر المسيح الحي علي سفح ربـــــــــوة

و نزل بهالة الضي و قعد في قهـــــــــوة

بصوا .. تعالوا .. قالوا خليه في حالــــــــه

الناس في حالهم يا بني .. مالهمش دعوة

عجبي !!!



لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!



يا وردة قلبي معاكي في الريح لعب

لا تعبتي م الريح و لا قلبي تعــــــــب

احنا كده : نرتاح في صخب الجنون

و في السكون بنخاف قوي و نترعب

عجبي !!!



مركب ورق من نفخة تتطـــــــــوح

ركبتها و الكل بيــــــــــــــــلوح

سوحت فيها اتنين و خمسين سنــــه

للآن ..... و لا بتغرق و لا تـــــروح

عجبي!!



عالجسر فت الصبح تحت الضباب

بين اللي لسه بينغرس و اللي طاب

ما اهتز قلبي لنبت طالع جديـــــــد

قد اللي ماشي .. وتحت باطه كتاب

عجبي !!



يا خالق الكون بالحساب و الجبر

و خالقني ماشي بلختيار و الجبر

كل اللي حيلتي زمزمية أمـــــــل

وازاي تكفيني لباب القــــــــــــبر؟

عجبي !!



قاعدة قناني الخمر ساكتة و ساهية

مع ابن آدم في الشبه متناهيـــــــــــة

مفيش كده روقان في لحظة تشوفهم

و بعدها بلحظه يودوا في داهيــــــه

عجبي !!!



حتة محارة وجدتها في يوم لقيـة

قالت لي شوف كيف الطبيعة شقية

نظرت للكهف اللي فيها و لقيــــت

إن الطبيعة كمان لا أخلاقيــــــــــة

عجبي !!!!



بلياتشو قال إيه بس فايدة فنونــــي ؟

و تلات وقق مساحيق بيلونونـــــــي

و الطبل و المزامير و كتر الجعـــــــير

إذا كان جنون زبوني زاد عن جنوني

عجبي !!!



نقطة مرارة كمان علي مشروبـــــــــــي

دوبها يا ساقي حسب مطلوبـــــــــــــــي

طعب الحياة .. مش برضه فيها و فيها ؟

ليالي وردي و نهارات خروبــــــــــــي ؟

عجبي!!



وسط الحطام اتفرجوا يا أنـــــــــام

تمثال ملك . و مبوله م الرخــــــام

لتنين نحتهم نفس أسطي الحجــــر

و كانوا ذات يوم كتلتين لسه خــام

عجبي !



عيد و العيال اتنططوا ع القبـــــــور

لعبوا استغمايه .. و لعبوا بابــــــور

و باللونات و نايلونات شفتشـــــــي

و الحزن ح يروح فين جنب السرور

عجبي !!



أنا قلبي كورة و الفراودة أكــــــــــم

ياما اتنطح و انشاط و ياما اتعكـــــم

و اقول له كله ح ينتهي في المعـــاد

يقول بساعتك ؟ و الا بساعة الحكم ؟

عجبي !!!



الضحك قال يا سم ع التكشيـــــــر

امشير و طوبه وانا ربيعي بشيـر

مطرح ما باظهر بانتصر ع العدم

انشالله أكون رسماية بالطباشيــر

عجبي !!!!



أهوي الهوي و همس الهوي في العيون

وبسمة المغرم ودمعه الحنـــــــــــــــون

و زلزلات الحب نهد الصبـــــــــــــــــــــا

أكون انا المحبوب أو لا أكــــــــــــــــون

عجبي !!!



يا ملونين البيض في شم النسيـــــم

لون الحنين و الشوق و خمر النديم

ما تعرفوش سايق عليكو النبــــــي

تلونوا الأيام بلون النعيــــــــــــــم ؟

عجبي!!



الدنيا صندوق دنيا .. دور بعــــد دور

الدكة هي .. و هي كل الديكـــــــــور

يمشي اللي شاف ويسيب لغيره مكان

كان عربجي أو كان امبراطــــــــور

عجبي !



قطي العزيز راقد علي الكنبــــــات

في نوم لذيذ .. و بيلحس الشنبات

و انا كل عين فنجان مدلدق قلــق

صدق اللي قال إن الحياة منابات

عجبي !!



قالوا السياسة مهلكة بشكل عـــــــــــام

و بحورها يا بني خشنة مش ريش نعام

غوص فيها تلقي الغرقانين كلهــــــــــم

شايلين غنايم .. و الخفيف اللي عـــــام

عجبي !!!



سلام سلام سلام سلام ... سلام

كلام كلام كلام كلام ... كلام

هز الورق يا صاحبي كدهــــوه

يطلع كلام سلام .. و سلام كلام

عجبي !!!!



فوق تحت . ورا قدام . يمين شمـــال

في الجو . تحت الميه . أو في الرمال

طلب الكمال يحرم علي الممـــــــــكن

و الممكنات دول محرومين م الكمال

عجبي !!!





هات يا زمان و هات كمان يا زمان

غير بسمة الشجعان مامني يــــبان

هو اللي داق الفرحة يوم ثورتـــــه

يقدر يعود و لا ثانية للأحــــــزان ؟

عجبي!!



عبثا باقول واقرا في سورة عبس

ماتلومش حد إن ابتسم أو عبس

فيه ناس تقول الهزل يطلع جــــد

و ناس تقول الجد يطلع عبـــــث

عجبي !



يومي علي الله تنتهي و تغيــــب

الشمس و تعود تاني يوم لهاليب

زي الحياة مأساه و من كترهــــا

بقي لا انتهاءها و ابتداءها عجيب

عجبي !!



علم اللوع اضخم كتـــــــــاب في الأرض

بس اللي يغلط فيه يجيـــــــــبــه الأرض

أما الصراحة فأمرها ســـــــــــــــــاهل

لكن لا تجلب المال و لا تصون العرض

عجبي !!!



أنا كان لي أب . و كان رئيس محكـــمه

ستين سنة .. في قضية واحدة أترمي

ستين سنة و طلع براءة و خــــــــرج

يشكي الحياة و الموت لرب السمـــــا

عجبي !!!!



قالوا ابن آدم روح و بدنه كفـــــــــــن

قالوا لأ بدن . قالوا لأ ده روح في بدن

رفرف فؤادي مع الرايات في الهــــــوا

أنا قلت لأ روح في بدن في وطــــــــن

عجبي !!!

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
new artist



عدد الرسائل : 375
العمر : 28
تاريخ التسجيل : 11/06/2008

مُساهمةموضوع: رد: رباعيات صلاح چاهين (تم بحمد الله)   الأحد 3 أغسطس 2008 - 3:43

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!


عجبتني بس كلهم حلوين جدا
وبشكرك جدا لاختياراتك
بجد انت جبت احسن حاجه
وموضوعك جميل جدا
بحيك عليه واسفه علي سوء الظن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الأحد 3 أغسطس 2008 - 3:52

سوء الظن Question
أنا مش فاهم حاجه
بس مش مشكله
شكرا علي كلامك الجميل ده
واسفك مقبول ولو حتي انا مش فاهم انتي بتتاسفي علي ايه
محصلش حاجه
والف شكر علي المتابعه

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
new artist



عدد الرسائل : 375
العمر : 28
تاريخ التسجيل : 11/06/2008

مُساهمةموضوع: رد: رباعيات صلاح چاهين (تم بحمد الله)   الأحد 3 أغسطس 2008 - 4:28

سوء الظن لما انت جبت موضوع فاضي وكاتب قريبا عملت زي قنوات الافلام لما تعد تعلن وتقول قريبا ترقبو ويطلع كلام في الهوا ياليل
كنت مفكره الموضوع كده بس لما لقيتك حطيت موضوع بجد عرفت لو كنت متابع موضوعك بس كنت خدت بالك
والعفو علي ردك الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الأحد 3 أغسطس 2008 - 15:24

علي فكره انا متابع الموضوع
بس كتبت الرد وبعد كده افتكرت الي حصل
بس ولا يكون في بلاك
اكتر من كده وربنا بستر
Laughing

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter



عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: رباعيات صلاح چاهين (تم بحمد الله)   الأحد 3 أغسطس 2008 - 15:40

من يومك وانتا
قلبك كبير يا عبد السلام
lol! lol! lol!

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
godzela



عدد الرسائل : 347
العمر : 29
المزاج : مشغول
اسم الكلية : كليه العلوم
تاريخ التسجيل : 26/03/2008

مُساهمةموضوع: رد: رباعيات صلاح چاهين (تم بحمد الله)   الثلاثاء 5 أغسطس 2008 - 11:30

قلب الام تعمل ايه يعني
القسوه مش مطلوبه في السن ده
ولا انت ايه رايك
ههههههههههههههههه
طيب لسه مسمعتش رايك في الجزئ الباقي

_________________
ربنا إننا سمعنا منادياً ينادي للإيمان أن أمنوا بربكم فأمنا ربنا فاغفر لنا ذنوبنا وكفر عنا سيئاتنا وتوفنا مع الأبرار

ربنا وآتنا ماوعدتنا على رسلك .



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رباعيات صلاح چاهين (تم بحمد الله)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم الادبى :: الخواطر والنثر والقصص الادبية-
انتقل الى: