منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 كرسى الاعتـــــــــــــــراف ... مين ناوى يقعد ع الكرسى ولو مره قبل مايموت

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3 ... , 9, 10, 11  الصفحة التالية
كاتب الموضوعرسالة
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   السبت 30 أغسطس 2008 - 4:58

المجال اللى احب اشتغل فيه بعد ما اخلص باذن الله؟؟

هعمل الدبلومه باذن الله وهشتغل فى حاجتين.. فى شركه ادويه يعنى كويسه ومعروفه ...وده هدفى الاساسى واللى احب انى اشتغل فيه هشتغل كيميائيه فى الشركه ..تصنيع ادويه والحاجات اللذيذه دى
الحاجه التانيه ..انا واخويا باذن الله هنفتح صيدليه..فهتبقى حاجه لذيذه اوى ...

اللى اتعلمته فى الكليه هيكون ليه علاقه بعملى ؟؟
يعنى لغايه دلوقت ... مفيش ادنى علاقه ..انا اساسا بحس اننا مش بندرس علوم اصلا ..
الله اعلم السنين الجايه هتبقى عامله ازاى ...يعنى يمكن احس ان ليها علاقه.

بالنسبه للشغل ؟؟
انا اكتر حاجه اكرهها انى اقعد فى البيت ..دى حاجه مستحيله ..لا باذن الله هشتغل واعمل شغل حلو اوى

الموقف اللى حصلى ومقدرتش اعمل فيه حاجه؟؟
هههههههههههههه... هوه موقف فى الثانويه العامه ..كان فى الملعب عندنا فى المدرسه البنات بتلعب فى جمب والشباب فى جمب ... بس انا كنت زهقت لعب فروحت اذاكر ..والشباب غصبن عنهم كل شويه يجيبوا الكوره عندى غصبن عنهم فعلا
فبالصدفه جات كورتين عندى ..كوره من الشباب وكوره من البنات .. فطبعا قمت راحه مزعقه اوى للبنات وبقولهم ايه الغتاته دى انتو مش بتشوفى ؟؟؟ فالظاهر ان زميلى افتكر انى بقوله فزعل اوى اوى ..ههههههه حتى لما دخلنا الفصل
بصلى باصه انه زعلان وانى ازاى اقول عليه كده.... بس انا بصراحه معرفتش اعمل اى حاجه...لانى مش بكلم شباب
فكرت فى حاجات كتير اعملها ..بس لقيت نفسى مش عارفه اعمل حاجه..لغايه لما الموضوع عدى .وعادى يعنى معتش فيه زعل خالص ..

الموقف اللى حصلى وقدرت اخد فيه موقف حازم؟؟
هوه فيه مواقف كتير بتعدى علينا بناخد فيها مواقف حازمه ..بس بصراحه مفيش موقف على بالى دلوقت ..
لو افتكرت طبيعى هقولك..

بالنسبه لتربيه الابناء؟؟؟
شوف هقولك حاجه...لو انت ربيت ابنك صح من البدايه وماشى معاه خطوه خطوه وبتعلمه كل حاجه بنفسك..
خاصه من بدايه مولده لغايه خمس او ست سنين ..لان دى اهم فتره ..فصدقنى مش محتاج اوى انك تخاف عليه..اكيد طبعا هيكون فيه مراقيه... بس مش المراقبه اللى تخنقه وتضايقه.لانك مش هتعرف تراقبه طول الوقت..ده بالنسبه للمراقبه
بالنسبه للنصايح..والمبادىء
فده اعتقد الاسلوب الامثل ..انك تعطلهم خبراتك ونصايحك وانك تعرفهم على المبادىء والاخلاق اللى المفروض يتمسكوا بيها .... وتخليهم يواجهوا الحياه بنفسهم مع مزيد من النصايح وقليل من المراقبه اللى متحسسهمش بانك بتكتفهم...

ايه بحبها وبتاثر فيا اوى؟؟؟واثرت عليا ازاى ؟؟
بسم الله الرحمن الرحيم (وما محمد الا رسول قد خلت من قبله الرسل افان مات او قتل انقلبتم على اعقابكم ومن ينقلب على عقبيه فلن يضر الله شيئا وسيجزى الله الشاكرين )

ايه جميله اوى وفى نفس الوقت صعبه ..هوه علشان سيدنا محمد مات خلاص يبقى كل واحد يعمل اللى عاوزه ومفيش مراقبه .. فلما سمعتها .قلت لازم اعمل حاجه اقول للرسول لا يارسول الله احنا منقلبناش على اعقابنا احنا لسه موجودين ولسه بنتبع سنتك وماشيين على دربك..فعلشان كده قررت انى اشترك فى صناع الحياه ..والحمد لله بنعمل احلى شغل فى كووووووووووول المجالات .. بنحاول نصنع حياتنا صح... وربنا يقدرنا

قدوتى... طبعا سيدنا محمد ده الطبيعى لينا كلنا ..
انما قدوتى على ارض الواقع بعد الرسول عليه الصلاه والسلام اللى اثرت فيا .عمرو خالد..اثر فى شخصيتى ..انه خلانى انسانه ايجابيه فى المجتمع
اول واحد عرفنى يعنى ايه هدف ..يعنى ايه صناعه حياه . يعنى ايه ان مينفعش الانسان يعيش ويموت وهوه معملش حاجه
يعنى ايه انى اقابل ربنا واقول يارب انا صلحت ولو حاجه بسيطه ..ربنا يكرمه يارب

التكنولوجيا الحديثه اكثر ضررا ولا نفعا على الشباب؟؟
هقولك بامانه .. هيه مش التكنولوجيا اللى هتاثر علينا .. احنا اللى بناثر على التكنولوجيا ..
الانسان لو متربى صح وعارف ربنا عاوز منه ايه وعارف هوه مخلوق كام سنه علشان ايه ..هوه اللى هياثر على التكنوالوجيا... فالتربيه من البدايه هى اللى بتفرق وهيه اللى تقدر تقولك اذا كان الانسان ده هيستخدم التكنولوجيا صح ولا غلط؟؟؟...

اكتر موقف اسعدنى ؟؟ اكتر موقف زعلنى ؟؟
اللى زعلنى ... مجموعى فى الثانويه اكيد انى ملحقتش طب .. بس ده كان وقتها انما دلوقت فالحمد لله بجد
اللى اسعدنى .. كنت فى تالته ثانوى ... وكنت باخد عند مدرس عربى وكان شاب صغير .كنت بعتبره اخويا الكبير اللى باخد منه النصيحه..فاتصل بيا يطمن عليا عملت ايه ف النتيجه وكده .. وبعدين قالى ..انا معجب بشخصيتك جدا ..لانك بتاثرى فى الناس جدا ..وبتقنعى الناس بسهوله ولانك شخصيه قويه وبتعرفى تلمى الناس حواليكى ..ياااااااااااااااااااااااه انا كنت فى قمه السعاده ..
تخيل مدرس شاب محترم كل الناس بتمدح فى اخلاقه ومبادئه وادبه .كل الناس .. ويجى يمدح شخصيتك كل المدح ده..
فبجد ربنا يكرمه يارب ويوفقه ويفضل على طول الانسان الناجح المتفوق اللى الكل بيشهدله باخلاقه ..ودلوقت هوه خاطب
وهيتجوز قريب باذن الله .ادعوله بقى انه يجيب احلى ذريه ..يارب يسعده ويكرمه يارب ..كان احلى مدح من ادب اخ
cheers cheers cheers

شكرا ليك بجد يا محمد.. وربنا يكرمك يارب..اسئله جميله بجد
وكل سنه وانت طيب ... ويارب دايما تكون مبسوط وسعيد .. ربنا يوفقك


_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   السبت 30 أغسطس 2008 - 5:35



نيجى لاسئله بنكش ..ربنا ع الظالم والمفترى ... Rolling Eyes

حاضر يا بنكش ..ليكى يوم

نبتدى نجاوب..
اى من مواضيعى احب الى قلبى ؟؟
اهتمامات الشباب .. وبعدين الاغانى الدينيه الشبابيه..

طبيعه المواضيع اللى تعجبنى ؟؟
سؤال حلو...المواضيع اللى احس انى هستفيد من قرايتها فعلا ...دينيه ثقافيه ..نكت ..رومانسيه حتى .
بس المهم انى اطلع من الموضوع بحاجه مفيده ..بس الاغلبيه .المواضيع الدينيه والشبابيه

فى لحظات الحزن العميق ..كيف تتغلبين على حزنك؟؟
بقعد مع نفسى واكلم ربنا واقرب منه اوى .. دى احلى حاجه عندى

يوم العيد اين قضيتيه ؟؟
شوفى ياستى يوم العيد ده ..كووووووووول العايله بتبقى معزومه عندنا ..فبتبقى اخحلى لمه واحلى هزار وطبعا احلى اكل
وبنروح برضه زيارات لعائلتنا..انما تانى يوم على طووووووووووووول فسح وخروجات مع صحباتى ومع بنات عمى ...

احلى عيديه جتلى؟؟
هيه العيديه عندنا بفلوس طبيعى ..مش زى اعياد الميلاد بهدايا وكده..
فاحلى عيديه ..اكتر فلوس خدتها ..ههههههههههههه..

نقطه ضعفى ؟؟
المحشى وعصير المانجو....هههههههههههه

النسيان نعمه ماذا تتمنى ان تنسى؟؟
اتمنى انى انسى ...مواقف زعلتنى ...موت شخص عزيز عليا ..لقطات كتير صعبه فى اغنيه الضمير العربى

متى تصل مشاعرى قمه الغضب؟؟
لما الاقى شباب وبنات مش عارفين ربنا عاوز منهم ايه والاقيهم تايهين فى الدنيا
لو حد اساء الظن فى حد..

باقه ورد حمرا لمن تهديها ؟؟
لصحبتى

باقه ورد بيضا لمن تهديها ؟؟
ليكو يا احلى اعضاء ..

اصعب لحظه مرت عليك ؟؟
وفاه شخص عزيز عليا ...

اكتر حاجه ممكن تغير الانسان ؟؟من بين الاختيارات دى ؟؟
اممممممممم..ممكن اقولك الاحساس بالظلم ولو حد اتخدع فى صديق ..ممكن تغير الانسان ..
انما قصه حب ورديه ..الانسان بيتغير اه ..بس بينسى بسرعه ويرجع لطبيعته.
لمما ادى باخلاص وملاقيش .. برضه دى حاجه مش بتزعل اوى لانك فى الاخر بتعملى الحاجه دى لربنا مش منتظره مقابل من الناس ..

القصه .. كتابه القصص موهبه جميله اوى ..الحمدلله امتلكها ..بتعرفى تعبرى عن الناس بجد
الموسيقى ..ده فن راااااااااااااائع ..بس لما نستخدمه صح.. وع فكره انا كنت بلعب جيتار وبيانو..
الرسم ... متعه بجد ان الانسان يكون ممتلك لموهبه الرسم .. ويقدر يعمل بيها حاجات كتير اوى



_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   السبت 30 أغسطس 2008 - 5:58



لو قدر لك الحج ما هى اول دعواتك عند الكعبه ؟؟
يا سلام على الاسئله الجميله ..يارب يرزقنى بحج يارب
دعواتى ... يارب دخلنى الفردوس الاعلى ..يارب اجمعنى بالناس اللى بحبهم فى جنه النعيم واشوف الرسول وانظر اليك يارب
يارب اهدى شباب وبنات المسلمين للخير ....يارب اقدرنى انى اعمل حاجه بسيطه اقابلك بيها
يارب اكرمنا واهدنا ووفقنا وثبتنا على دينك وانصر الاسلام فى كل مكان يارب
يارب ارنا ايه فى اليهود يااااااااااااااااااااااااااااااااااااااااااااااااارب

لو واجهنى سؤال صعب ..هل اسيبه او اعتذر عنه ..؟
لا ولا اسيبه ولا اعتذر عنه .. اجاوب عليه بطريقه لبقه ومناسبه..

افضل القنوات الاذاعيه الاسلاميه ؟؟
الرساله ..اقرا..المجد..طيور الجنه...قناه النجاح.

السلبيات والايجابيات فى شخصيتى؟؟
السلبيات ..هيه مش سلبيه معينه ..بس ممكن اقولك سلبيه فى موقف معين ..غضبت فى مره..زعلت حد غصبن عنى فى مره...كده يعنى سلبيه فى موقف ..
الايجابيات ... قولتها قبل كده وهقولها تانى ..
انى اجتماعيه اوى وبعرف اوصل للناس بسرعه
اعرف اكون صداقات فى مده قليله ..الحمد لله بجد
انى مش بحب ازعل حد منى خاااالص لو انا اللى غلطانه..
فيه صفه برضه حلوه .. انى حتى لو انا متشائمه وزعلانه مبحبش نهائى انى اوصل
الحزن والتشاؤم ده للناس ..
محبش اشوف حد زعلان الا ولازم اضحكه ...



الصفات اللى اكرها فى الشخص اللى بتعامل معاه؟؟

الكلام الكتير من غير شغل ..

اكتر شىء اتمناه وعارفه انى مش هحققه حاليا ؟؟
اممممممممممم.....يعنى حاجات بقى تتحقق مع زوج المستقبل ..

لو عدت للخلف ..الفتره اللى احذفها .....اممممممم
سنه تانيه اعدادى ..كانت سنه بايخه اوى هههههههه
لو من زمان اوى اوى ...فترات يعنى مش عشتها اصلا ..فممكن اقولك فتره العدوان الثلاثى

الفتره اللى نفسى تكون عمرى كله ؟؟
فتره الثانويه العامه ..احلى فتره والجامعه برضه شكلها هتبقى حلوه اوى
لو من زمان اوى اوى .. اتمنى انى كنت اعيش فى عهد الرسول ..اشوفه بس وارجع تانى لعالمنا ده ..

بجد شكراااااااااااااااااااااااااااااااااااا يا احلى بنكش على الاسئله الجامده دى
ربنا يخليكى ليا .....

النهارده خلاص اخر يوم .. لسه ادامكو ..10 ساعات بس
فاللى عاوز يسالنى اى حاجه يتفضل ..انا تحت امره ....

lol! lol!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
matar



عدد الرسائل : 343
العمر : 30
اسم الكلية : علوم المنصورة
تاريخ التسجيل : 01/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   السبت 30 أغسطس 2008 - 13:55

لو قدر لك الحج ما هى اول دعواتك عند الكعبه ؟؟

يقال ان اول دعوة امام الكعبه تفضل ان تكون يارب اجعلني مستجاب الدعوه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأحد 31 أغسطس 2008 - 8:13

يقال ان اول دعوه امام الكعبه يارب اجعلنى مستجاب الدعوه ..

جميله اوى يا matter..فعلا يارب ربنا يستجيب دعاؤنا
ودعاء جميل اوى وبعدين بعدها ندعى بكووووووووووووول اللى احنا عاوزينه ..

انا كده يا جماعه خلصت .. اخيييييييييييييييييييييييييييييييرا هقوم من على كرسى الاعتراف


ده انا قعدت كتير اوى .. واتهريت اسئله ..
بس بجد ... مخبيش عليكو كنت فى قمه الاستمتاع ..والله يا جماعه
استمتعت بكل حاجه بتقديمتكو ليا .. واسئلتكو .. واستمتعت وانا بجاوب

وبدعى ربنا دايما ان اكون فعلا حاجه كويسه وانى اكون عند حسن ظنكو ..
اتشرفت فعلا بالقعاد على كرسى الاعتراف ...
احب اشكر كل عضو سالنى وكل عضو قدمنى وكل عضو شاف الموضوع
احب اشكر بنكش العسوله الى قدمتنى ...شكرااااااااااااااااااااااااااااااااا

بحبكو فى الله

يلا السلام عليكم

مش عارف اذا كنتو عاوزين نستضيف عضو اخر ولا نسيبها بعد رمضان علشان نستعد لرمضان؟؟

يلا السلام عليكم lol! lol!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yasso_hr

avatar

عدد الرسائل : 104
العمر : 28
المزاج : رايق علي طول وبلاش حسد
اسم الكلية : احلي معهد في الدنيا خدمه اجتماعية
تاريخ التسجيل : 26/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأحد 31 أغسطس 2008 - 9:25

بجد انا نفسي اقعد علي الكرسي ده بس خاااااااايف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 1 سبتمبر 2008 - 5:12

يا جنة بجد إحنا اللي أتشرفنا بوجودك معانا على كرسي الإعتراف

كان نفسنا بجد نتعرف على طريقة تفكير شخصيه محترمه زيك

بالنسبة لكرسي الإعتراف في شهر رمضان أنا في رأيي إن اللي عايز يقعد على كرسي الإعتراف في رمضان يبعت رسالة خاصه لجنة ويقولها وهي تقدمه بنفسها ويقعد على الكرسي طالما هو عايز.

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter

avatar

عدد الرسائل : 2306
العمر : 30
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 1 سبتمبر 2008 - 10:44

يا جنه بجد نورتى الكرسى
وما تقلقيش مسيرك هتقعدى عليه تانى
ويا جماعه ممكن ياسر يقعد على الكرسى
او ممكن نختار بنكش وجوهره وسندريلا من البنات
فاللى عايز يقعد يقول بسرعه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 1 سبتمبر 2008 - 11:24

انا يا جماعه من زمان وانا عايز اقعد عالكرسي Crying or Very sad Crying or Very sad Crying or Very sad
ههههههههههههههههههههههه
لو في حد تاني انا معنديش مانع بس حطوني في اللسته بعديه وشكرا

وكل عام وانتم بالف خير ورمضان كريم

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white

avatar

عدد الرسائل : 1182
العمر : 23
المزاج : حسب المزاج
تاريخ التسجيل : 01/07/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 1 سبتمبر 2008 - 12:02

بجد شرفتينا ونوريتينا ياجنه

وشكرا على الكلام الجميل اللى قلتيه عليه ده وربنا يخليكى يارب




بلاش انا ياعم محمود كرسى ايه الواحد زهق من القعده عايزه اقف شويه
بلاااااااااش انا والنبى
No pale

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سندرلا2009

avatar

عدد الرسائل : 137
تاريخ التسجيل : 07/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 1 سبتمبر 2008 - 14:38

بجد نورتى الكرسي يا جنه وكلامك كان جميل اوى عبر لينا عن انسانه جميله ومحترمهوانا زعلت انى ماسالتش بس الاعضاء قامو بالواجب وانا عندى اقتراح يشبه راي هاري بوتران احنا نختار مثلا بنتين وشابين ونشوف كميه التصويت على مين هترسي عليه التصويت اكتر هوه الى هيقعد على الكرسى وانا ماعنديش مانع والله انى اقعد عليه شويه معاكم

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 1 سبتمبر 2008 - 16:06

السلام عليكم

محمد. .. بجد ربنا يكرمك ويعزك على كلامك الجميل ده
واتمنى انى اكون حاجه كويسه فعلا ..ربنا يكرمك يارب

محمود...بجد بنورك ..وربنا يكرمك يارب
وكده كفايه مره واحده كفايه ..انسوا انى اقعد تانى
ههههههههههه....

بنكش .. ده نورك يا حبيبه قلبى
ربنا يخليكى ليا .. ومسيرك هتقعدى ع الكرسى ..هتقعدى يعنى هتقعدى هههههههه

سندرلا ...انا فعلا فرحت بكلامك.. يعنى بجد ربنا يكرمك يا سندرلا
ده انتى اللى جميله ومحترمه ..ربنا يخليكى ليا ياعمرى

بجد والله يا جماعه يعنى انا فعلا مبسوطه بكلامكو الجميل عنى ده..
ربنا يخليكو ليا يارب ويجمعنى بيكو فى الجنه ..يارب

وبالنسبه للاقتراحات ..
فانا بجد مش عارفه ..هوه الموضوع ف الاول كان بيمشى انى ابعت رساله للعضو
اللى هيقعد ع الكرسى وكان الموضوع ماشى تمام

انما دلوقت فيه اعضاء كتير عاوزين يقعدوا ..وده طبعا حقهم
فمش عارفه اعمل ايه ..

امممممممممممممم....طب ممكن تسيبولى الاختيار ..انا هختار مش على اساس حاجه...
ومحدش يزعل طبعا لان دوره هيجى يعنى هيجى ..البنات كلهم هيتسالوا .. وكل شباب المنتدى هيتسالوا
يعنى هيتسالوا مفيش مفر .....وراكو وراكو

تمام....فانا هختار زى ما كنت بختار ف الاول وهبعت رساله للعضو اللى هيقعد ع الكرسى
وطبعا احنا ناس كبار محدش يزعل ..الدور هيجى عليكو كده كده وقريب اوى

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
medo # rocket man

avatar

عدد الرسائل : 249
العمر : 30
المزاج : fil tarawa
اسم الكلية : graduated - علوم المنصوره - نباتي و افتخر.
تاريخ التسجيل : 23/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 1 سبتمبر 2008 - 20:13


يااااااااااااااااااااااااااه
انتي اتسالتي كل ده

ربنا معاكي

و انا مش هعلق علي الاجابات لاني مش عارف اقراها كلها

بس انتي عارفه رايي من غير ماقوله

سلاااامم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 2 سبتمبر 2008 - 9:30



شوفت بقى ..ربنا على الظالم والمفترى
Crying or Very sad

Smile
بجد انا فعلا اتهريت اسئله .بس كانت اسئله روعه
وكفايه انها من ناس انا بحبهم اوى اوى

وبالنسبه انك مش عارف تقرا الاجابات ..فبس علشان النيو لوك الجديد للمنتدى
بس انت لو عملت ظل عليها هتعرف تقراها ..لانى صعب اوى انى اعمل تعديل لكل المشاركات
فاعمل ظل عليها بس ..وبجد شكرا على الكلام الجميل ده

ربنا يكرمك يارب ..

انتظرووووووووووووووووووووووونا مع العضو الجديد..او العضوه ..الله اعلم

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 2 سبتمبر 2008 - 16:56



السلام عليكم

النهارده احنا هنكون مع عضو جديد

عضو مواضيعه كلها جميله ومشاركاته راائعه






عاوزين نساله اسئله لغايه لما يقول كفااااااااااااااااااااااااااااايه ونكره فى المنتدى
ههههههههههههههههه.... مش ده اللى طلبته منى ..انا بنفذه اهوه



لا بجد..عاوزين نساله اسئله جميله ومتكونش شخصيه ..مش زى مانتوا عملتوا معايا
ده انتوا هارتونى اسئله شخصيه ....

هيشرفنا النهارده .....العضو المتميز

وصاحب الموضوعات الجميله والمتميزه












pharmacy_150

cheers cheers cheers cheers
cheers cheers
cheers cheers cheers cheers
اهلا بيك فى كرسى الاعتراف ..كلنا عاوزين نتعرف على شخصيتك وعلى عضو جديد معانا

ونعرف ماذا فى جعبتك .. ونتعرف اكتر على طريقه تفكيرك

ان شاء الله هتقعد ع الكرسى المتواضع بتاعى من يوم الاربع اللى هوه بكره ليوم السبت


ودى شويه هدايا بسيطه افتحها بس مش تقول لحد ع اللى فيها










ودى شوكولاتات لكل الاعضاء ..





عاوزه هجووووووووووووووووووووووووووووووووووووووووووووووووووو
ووووووووووووووووووووووووووووووووووووووووووووووووووم..بس هجوم لذيذ
وبراحه شويه ..


lol! lol!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 2 سبتمبر 2008 - 17:01

شكرا علي التقديم الجاااااااامد ده من جنه وربنا يكرمك

هي بصراحه عملت بالوصيه علي الاخر ويا ريت انتوا كمان تعملوا بيها

وانا ان شاء الله منتظر اسئلتكم من بكره ان شاء الله ويا ريت معاها تقديمه حلوه كده
ههههههههههههه

وشكرا علي استضافتكم ليا الف شكر

وكل عام وانتم بالف خير يا اعضاء احلي منتدي في الدنيا ورمضان كريم

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 2 سبتمبر 2008 - 17:28

ان شاء الله اسئلتى بكره ..استعد..........
ودى احلى تورتات

اتفضل ...

































lol! lol! lol!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 2 سبتمبر 2008 - 17:32

شكرا جدا ليكي يا جنه علي الحاجات الجامده دي بس انا بحب الشيكولاته بس
يا ريت المره الجايه تزودي الشيكولاته ههههههههه
بس دي كتير اوي

انا عازمكوا كلكم عشان ناكلهم سوا

الف شكر بجد

وفي انتظار اسئلتك وبراحه علينا شويه

كل عام وانتم بالف خير ورمضان كريم

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter

avatar

عدد الرسائل : 2306
العمر : 30
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 2 سبتمبر 2008 - 17:41



مســــاء معـــطر بروح الصـــــفاء ..
تتــــــلألأ فــــيه نجـــــــوم السمـــــــاء ..
وتتــــهاتــــف نســــــماتـــه بالأخـــــــــــاء ..
مســــــاء زهرا ينثـــر في ( منتدى الاصدقاء ) شـــذاه ..
تحيــــة معـــــــــــطرة بالــــــحــــب والـــــسخـــــــــاء ..


عدنا ويسبقنا الشوق لإستضافة ضيف عزيز

ضيفـ هـذا الاسبــوع

ضيـف عنوانــه الأبتسامـة والمــرح

تشعـر معه بالـود والألفــة وتحس من قلمة أنـك تعرفة من زمن...

لن أطيـل عليكـم .. طبعـا هو ايمن باشاااااااااااااااااااااا





سؤالى الاول بطاقتك الشخصيه وده اختيارى يا زعيم

سؤالى التانى: ايه هو اصعب شى واجهته فى حياتك

سؤالى الثالث:مين هو مثلك الاعلى

سؤالى الرابع

ماذا يمكنك ان تقول عن الكلمات الاتية الطفولة؟

المراة؟

الدبلوماسية؟
ومعلش دى كده اسئله على الماشى ولسه هسالك تانى


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 2 سبتمبر 2008 - 18:36

بسم الله الرحمن الرحيم هاري بوتر

شكرا علي التقديم الجاااااامد ده وربنا يخليك ويكرمك

بالنسبه للاسئله :
السؤال الاول بطاقتك الشخصيه ؟؟
الاسم ::: Pharmacy_150 الاصلي ::: أيمن أحمد الحسيني
العمر::: 16 سنه الا 3 شهور وكام يوم بالظبط يعني
العنوان ::: ساكن في كليه الاداب في المنصوره
طالب في اولي ثانوي وان شاء الله داخل كليه صيدله المنصوره

السؤال الثاني ايه هو اصعب شى واجهته فى حياتك ؟؟
والله هو مفيش حاجه معينه او مفيش حاجه اصلا بس ممكن نقول
كان اصعب شيئ حصلي اني رجعت اعيش تاني في مصر بعد ما كنت في الامارات
وطبعا انتوا فاهمين ليه ده اصعب حاجه وده من ناحيه ان مصر دوله حضاريه متقدمه والامارات ...هههههه

السؤال الثالث : مين هو مثلك الاعلى ؟؟
طبعا بلا شك الرسول (( صلي الله عليه وسلم )) اولا
وبعدين والدي طبعا مثلي الاعلي بعد الرسول (( صلي الله عليه وسلم ))

السؤال الرابع :
ماذا يمكنك ان تقول عن الكلمات الاتية :
الطفوله ؟؟ * البراءه
المراه ؟؟ * حياه سعيده او تعيسه ( علي حسب )
الدبلوماسيه ؟؟ * حاجه معقده

شكرا يا محمود علي الاسئله الجميييييييله دي وبجد كانت خفيفه اوي وحلوه
منتظر منك اسئله تانيه

ويا جماعه متعملوش بالوصيه وخليها اسئله تقيله احسن وميهمكوش لاحسن كده مش هينفع هههههههه

وكل عام وانتم بالف خير ورمضان كريم

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white

avatar

عدد الرسائل : 1182
العمر : 23
المزاج : حسب المزاج
تاريخ التسجيل : 01/07/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 2 سبتمبر 2008 - 19:34

خمس اعضاء تعرفهم وعاجبك شغلهم. مين؟؟

خمس اعضاء تانيين مش تعرفهم بس عاجبك شغلهم؟؟

اكتر انواع اغاني وافلام بتفضلها ؟

ضع الكلمه المناسبه بعد العبارات التاليه :
اصعب مافي الحياه.......
أحلى مافي الحياه........
الذ مافي الحياه.........
أسوء مافي الحياة........

متى تقول لا وبدون تفكير ,, ومتى تقول نعم وبدون تفكير ,,

منصب تتمنى أن تصلى إليه وماهو ؟

آيه قرآنية تجعلها دائماً نصب عينيك ؟

ما هو لقبك المتداول بين معارفيك ؟؟

هل تظن أنك على قدر كافى من الذكاء ؟

متى تضطر للكذب وفى أى المواقف تكذب ؟

ما هو أكثر المواقف إحراجاً وخجلاً لك؟

ما هو هدفك فى الحياة ؟ ولماذا تعيش ؟


متى تغضب ؟
ومتى تحزن ؟
ومتى ترضى ؟
ومتى تفرح ؟

ايام الطفوله انتهت حقيقتها وبقى خيالها متى تتذكر طفولتك ومتى تسأل نفسك عنه؟

تذكرة سفر مجانية من عزيز .. أي بقاع الدنيا تختار ؟

لو اخترتى يوما من الايام ان تكون رئيسه لجامعه الدول العربيه فماهو اول قرار تقوم باصداره ؟

اي من الأمور التالية ترى صعوبة التخلي عنها في حياة الإنسان (علماً بأن جميعها يصعب التخلي عنها فيرجى اختيار الأكثر صعوبة):
الخيال (أحلام اليقظه)
التفكير الصامت
الأسرار
الحرية
الكرامة
المباديء


اذا اعطيتك هذه الأشياء لمن ستهديها ( من اعضاء المنتدى ):
سيارة موديل 2007
باقة ورد جوري لونه احمر
دعوة للعشاء لعضوين
لقب الصديق
عطر
ساعة

ايه شعورك وانت هنا علي الكرسي؟؟


Twisted Evil يلا بالشفا إن شاء الله Twisted Evil

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى


عدل سابقا من قبل pinkish*white في السبت 6 سبتمبر 2008 - 14:00 عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 3 سبتمبر 2008 - 3:11

بسم الله الرحمن الرحيم
اولا:: شكرا علي الاسئله الخفيفه واللذيذه والجميله دي .

ثانيا :: اعتقد انك اخطاتي في الكتابه في ( أن تصلي _ تختاري ) لاني اسمي ايمن مش أيـــمنــه

خمس اعضاء تعرفهم وعاجبك شغلهم. مين؟؟
طبعا انا لسه معرفش اي عضو فالاجابه هتبقي رووووزي وياسو لانهم قرايبي وفعلا عاجبني شغلهم

خمس اعضاء تانيين مش تعرفهم بس عاجبك شغلهم؟؟
كلهم طبعا بس الاخص جوهره القصر وجنه وهاري بوتر والبريف هارت ( مشالي ) و godzela

اكتر انواع اغاني وافلام بتفضلها ؟؟
الاغاني العاديه يعني بس مش بحبهم كتير ومش بحب الاغاني الدينيه
بالنسبه للافلام فبحب الاجنبي اويييي وخصوصا الرعب والاكشن

ضع الكلمه المناسبه بعد العبارات التاليه ؟؟
اصعب ما في الحياه ....... ( الفراق )
احلي ما في الحياه ....... ( التجمع والالتقاء )
الذ ما في الحياه ........ ( ان تكون مع الله )
اسوء ما في الحياه ...... ( الحزن علي اي شيئ )

متى تقول لا وبدون تفكير ,, ومتى تقول نعم وبدون تفكير ,,
بدون تفكير في الحالتين عندما اكون متاكد تمام التاكد من معرضهمن امامي عند لا وموافقته عند نعم

منصب تتمنى أن تصلى إليه وماهو ؟
والله مفيش حاجه بس يمكن رجل اعمال كبير فعلا ده مش منصب بس انا كده

ايه قرآنية تجعلها دائماً نصب عينيك ؟
بسم الله الرحمن الرحيم(( الم يان الذين امنوا ان تخشع قلوبهم لذكر الله )) صدق الله العظيم

ما هو لقبك المتداول بين معارفيك ؟؟
ولا حاجه ..... أيمن

هل تظن أنك على قدر كافى من الذكاء ؟؟
يعني الحمد لله قدر كافي

متي تضطر للكذب وفى أى المواقف تكذب ؟؟
الحمد لله نادر جدا ,, وفي المواقف المحرجه جدا ( يا قاتل يا مقتول )

ما هو أكثر المواقف إحراجاً وخجلاً لك؟
ان يطلب من شخص اكبر مني سنا بكثييييييير طلب ويترجاني

ما هو هدفك فى الحياة ؟ ولماذا تعيش ؟
اني اشتغل كطبيب بعض التخرج من كليه صيدله بس مش في مصر .. في دبي
انا عايش عشان ربنا عايز كده... ولو ربنا مكنش عايز كده كان زماني ميت

بقيت الاسئله ان شاء الله لما ارجع لاني مش فاضي دلوقتي وشكرا

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter

avatar

عدد الرسائل : 2306
العمر : 30
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 3 سبتمبر 2008 - 5:01

اجباتك جميله
وهسالك تانى شويه اسئله
صفاتك الاجابيه والسلبيه؟
ما هو اجمل كتاب قراته؟
كيف تصف الدنيا فى هذا الزمان؟
ما هى اسعد واحب الاخبار الى قلبك؟
ايه هو اكتر برنامج مفضل عندك؟
لسه على علاقه باصدقاءك اللى فى الخارج؟
ماذا تعنى لك الكلمات الاتيه
القمر
الشروق
الغروب
البحر
ضحكه الطفل
من هو العاقل بنظرك والمتواضع والمتكبر؟
شخصيه اثرت فى حياتك وصعب انك تنساهاااااااااااا؟
وبرضه كفايه عليك كده ولما تجاوبارجع اسال تانى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 3 سبتمبر 2008 - 7:17

بسم الله الرحمن الرحيم
نعاود الرد علي اسئله بنكش الخفيفه رربنا يكرمك ويجزيك علي الاسئله بجد شكرا اويييييييي

متي تغضب ؟؟عندما اري مسكينا تائها في الشوارع لا يقدر علي اخذ حقه في البلاد ولا يقدر علي تحصيل قوته
وياتي احد الاقوياء الاغنياء ليسب فيه ويامره ويستعبده لاي سبب من الاسباب

متي تحزن ؟؟
* عندما نفارق احبابنا الذين عشنا معهم اجمل ايام الحياه وراينا معهم اسعد اللحظات
* عندما تري كل يوم علي الاخبار اشلاء ودماء وقتل في الابرياء الفلسطينيين وهم لا حول ولا قوه

متي ترضي ؟؟عندما اري هذا المسكين قد حصل علي حقه وهذا البريئ قد عاد لارضه ورجعت له حريته ليستمتع بها كما
يستمتع باقي الشعوب بها

متي تفرح ؟؟
* عندما يعود لنا الاقصي لنصلي فيه ونتعبد فيه كما نشاء
* عندما يبدا شخصين حياه جديده سعيده
* عندما يزيد عدد العائله بمولود جديد

ايام الطفوله انتهت حقيقتها وبقى خيالها متى تتذكر طفولتك تسأل نفسك ومتى عنه؟
عندما يحدث شيئ كنا معتادين عليه ايام الطفوله ولا نستطيع القيام به لمجرد اننا لم نعد اطفال
في مجلس العائله وعند تذكر طفولتنا ليقصها علينا ابائنا ونضحك ونقول كيف كنا نفعل ذلك

تذكرة سفر مجانية من عزيز .. أي بقاع الدنيا تختار ؟
احب اشكر الشخص العزيز ده الاول ههههههههه
وطبعا بلا شك هختار دبي في الامارات

لو اخترت يوما من الايام ان تكون رئيسه لجامعه الدول العربيه فماهو اول قرار تقوم باصداره ؟
توحيد اللغه والعمله وازاله الحدود بين الدول العربيه جميعا وجعلها جميعا تحت رئاسه شخص واحد
((( وبعدين هقدم استقالتي )))


اختار الحريه طبعا
لان الانسان من غير حريه فهو مش انسان اصلا

اذا اعطيتك هذه الأشياء لمن ستهديها ( من اعضاء المنتدى ):
سياره موديل 2007 .....
المفروض موديل السنه بئهتبقي 2009 عموما ههديها لروووووووووزي عشان هرجع اخدها منها تاني هههههه

باقه ورد جوري لونه احمر
جنه....... عشان ربنا يكرمها هي اللي حطتني في الموقف ده ههههههههه

دعوة للعشاء لعضوين
انا بصراحه مش فاهم لو انا منهم ولا لا عموما
* انا و الشهاوي رئيس المنتدي
* لو انا مش منهم ههديهم لرووووووووزي وجنه احلي اصحاب حلال عليهم

لقب الصديق ....... محمود الحسيني
عطر ....... ليكي يا بنكش انتي لسه صغيره تنفعك الحاجات دي هههههههههه دي لو بناتي
لو رجالي اهديها للفيشر مااااااان

ساعه
لياسووووووووو حبيب قلبي

ايه شعورك وانت هنا علي الكرسي ؟؟
والله سعيد جدا باسالتكوا المميزه دي وحاسس وانا بحلها بجد انها خفيفه جدا

كده اكون خلصت اسئله بنكش الف شكر يا بنكش علي الاسئله الجميييييييييله دي والله بجد كانت خفيفه
ولو في اسئله تاني انا تحت امرك
اعتقد انك مبتعرفيش تحطي اسئله تقيله ورخمه وده طبعا لانك لسه .........امممممم Rolling Eyes Rolling Eyes هههههههه
انا عارف انك حاولتي تنتقمي في الاسئله عشاني بس برده انا شايفها خفيفه جداااااااااااااااااااااااااااااااااااااا

الف شكر يا جماعه ورمضان كريم

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة القصر

avatar

عدد الرسائل : 1240
العمر : 28
المزاج : wow !!
اسم الكلية : mansoura faculty of science
تاريخ التسجيل : 03/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 3 سبتمبر 2008 - 8:29


1هل انت تفعل ما تقوله هنا بالمنتدى ؟

2_ اعتذار تريد ان تقدمه لمن؟

3_ ادينا وصف مفصل لكل أعضاء المنتدى ........ انت صايم مش عاوزين مجاملات

4_ ماذا ستكتب لنا لتعبر عن حياتك التي عشتها الى الان في كلمات قليله ؟

5_ اذا اردت ان تبكي الان , فعلى من تبكي؟

6_ من ستختار ليمسح دموعك ؟

7_لو خيروك بين حبيبك وبين اعز صديق فمن تختار ؟

8_ماهو تقييمك لهذا المنتدى بصراحه ؟

9_ من يسكن قلبك؟

10_ هل تعتقد ان حظك سيئ؟

11_ هل تدخل الشات ؟

12_ هل هزمك حزنك في يوما من الايام؟

13_ ((مستحيل انساك)) لمن تقولها ؟

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟

15_ (( انت كل شيء بحياتي )) لمن تقولها ؟

16_ متى اخر مره بكيت؟

17_ اي الدول تتمنى ان تزورها ؟

18_هل لديك الجرأه ان تقول عمرك أمامنا ؟

19_هل انت راضي عن نفسك ؟

20_بماذا تقر وتعترف أمامنا الان ؟

21_ اغمض عينيك دقيقه لو سمحت, ماذا خطر على بالك وانت مغمض العينين ؟

22_هل تؤيد الزواج العاطفي ام الزواج التقليدي ؟ ولماذا ؟

23_ايهما اهم شهادتك الجامعيه أم الزواج ممن تحب ؟

24_ هل من الممكن ان تتحول الصداقه الى حب ؟

25_هل تعترف بشيء اسمه الصداقه بين الرجل والمرأة ؟

26_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

27_هل انت مدمن تفكير؟

28_ من هو اكثر شخص تفكر فيه؟

29_ اذا تم تعيينك ملكا لجميع البلاد العربيه فما اول قرار ستتخذه ؟

30_هل تكره شخص بشده في حياتك ؟

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

32_هل ملابس الشخص امامك تؤثر فيك لتأخذ عنه انطباع ؟؟

33_ماالذي يلفت انتباهك بسرعه في الشخص لكي تعجب به ؟

34_ اذا احببت شخصا في الوقت الخطأ وفي المكان الخطأ فماذا تفعل ؟؟

35_ حكمة تؤمن بها جدا؟؟

36_ عاده تفعلها دائما تتمنى ان تتركها ؟

37_ ماهو اجمل اسم لولد واجمل اسم لبنت من وجهة نظرك؟

38_ ماذا تفعل اول شيء اذا ربحت ملايينا او مليونا عشان مانكونش طماعين؟

39_ هل انت من لديهم رغبة حب التملك واذا تملك الشيء اصابه الملل منه ؟

_________________
اُحب حرف ( الذال ) ليس لان الحرف يعنيني كثيرا ً .. أو أنني اُحب شخصاً بهذا الإسم .. !!
ولكن لأنني اجــده بعيدا ً عن كل ( صراعات الحروف ) حيث يقطن في الركن الأيسر من ( الكيبورد ) اُحب ان اعيش مثله بعيدا ً عن مشاكل البشـر!!


عدل سابقا من قبل جوهرة القصر في الأربعاء 3 سبتمبر 2008 - 8:41 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كرسى الاعتـــــــــــــــراف ... مين ناوى يقعد ع الكرسى ولو مره قبل مايموت
استعرض الموضوع السابق استعرض الموضوع التالي الرجوع الى أعلى الصفحة 
صفحة 10 من اصل 11انتقل الى الصفحة : الصفحة السابقة  1, 2, 3 ... , 9, 10, 11  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: