منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 كرسى الاعتـــــــــــــــراف ... مين ناوى يقعد ع الكرسى ولو مره قبل مايموت

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3 ... 8, 9, 10, 11  الصفحة التالية
كاتب الموضوعرسالة
the_prince

avatar

عدد الرسائل : 783
المزاج : عال العال
اسم الكلية : العلوم
تاريخ التسجيل : 24/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 27 أغسطس 2008 - 9:31

انا كمان عندى اسئلة كتيرة بس لما تجاوبى كل دوول .. ربنا يكون فى عونك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 27 أغسطس 2008 - 11:01


بسم الله الرحمن الرحيم
.

نبتدى نجاوب وطبعا بكل صراحه ووضوح ..

البطاقه الشخصيه لجنه؟؟

جنه ....راحه الفرقه التانيه باذن الله ...بيولوجى
عضوه فى منتدى الاصدقاء مشتركه بقالى فتره فى شهر يونيو يعنى بقالى شهرين وشويه
الحمد لله بقيت مشرفه على الخواطر والنثر وعلى الاسلامى..
اتمنى انى اكون قد المسئوليه بجد...

كفايه كده معلوماااااااااااااااااااااااااااات. Wink

صفى لنا ماالذى تحبيه وتتمنيه ولا تستغنى عنه فى الإنسان **الذى تتخذيه صديقاً ورفيقاً للطريق ؟

الصفات اللى اتمناها فى الصديق ..يعنى صحبتى مش خطيبى لان خطيبى برضه رفيق الطريق يعنى..
صحبتى ..احبها اوى تكون1) قريبه من شخصيتى ..فهمانى ..وطالما انها فهمانى
وعارفه انا بحب ايه ..يبقى هنحب بعض اوى...
2)بتحب ربنا بجد وعارفه ايه هدفها من الحياه ..
واللى مستغناش عنه بجد فى صحبتى .. انها لما ازعل تزعل بجد ..ولما افرح تكون اول واحده فرحانالى ..
والحمد لله ده لقيته فى اعز صاحبه عندى .. اجمل واحلى وافضل صاحبه ليا ف الدنيا
انما خطيبى حاجه تانيه..


ما الذى يُغضبك ؟
اللى يضايقنى بجد..انى اشوف انسان مستهتر وعايش الدنيا كده وخلاص انى اشوف مشكله تافهه والناس تعمل منها حاجه جامده
انى اشوف سلبيه المصريين وسكوتهم عن حقهم
انى اشوف حد كان محتاج مساعده ومش لاقى حد يساعده ..مش موضوع فلوس لا.مش عارف مكان معين مثلا..انى اشوف شباب بيشتغلوا بنات وللاسف البنات مش عارفه وده بشوفه كتير ف الجامعه
اشوف شاب بيشرب سجاير ... ياااااااااااه بجد بزعل اوى وبتاثر يمكن بقعد خمس دقايق زعلانه وبعدين ارجع لطبيعتى تانى اسمع شاب بيتكلم عن انه حاول وقدم لوظيفه وبذل جهد وف الاخر فشنك مش قبلوه
ان اى حد يكون اخر حاجه ف باله هوه ربنا .. يعنى كل حياته دنيا وتيجى تكلمه عن ربنا
....يقولك ياعم انت معقد اوى كده ليه
اللى يحزنى اقبال الناس على التفاهه والموضه وماشيين ورا الغرب وخلاص
اللى يحزنى بما اننا ف رمضان ..ان حد يسيب رمضان ويضيعه ويروح للمسلسلات والبرامج..

اللى يبكينى
.الحاجه الوحيده اللى تخلينى ابكى بجد..انى الاقى معتش فيه كرامه للعرب ..ضاعت كرامتنا ..ان دوله تضحك علينا بكلام..ان يكون فيه صراعات ما بين العرب ذات نفسهم.من الاخر كفايه عليا انى اشوف اغنيه الضمير العربى ...اللى يبكينى دمعه طفل تايه مش لاقى اهله ...جوع طفل ..دمعه ام من معامله ابنها ليها ..اصعب دمعه انى اشوف دمعه اب ..مقدرش اتمالك نفسى

اللى يفرحنى
ياسلام ..امممممممممم افرح اوووووووووى لما احس ان ربنا راضى عنى بجد
..وان يكون فيه وسيله اتصال ما بينى وما بين ربنا..يعنى اعمل حاجه كويسه الاقى ربنا عملى موقف يكافئنى عليه ..والعكس الوحش ربنا يبعتلى انذار بيه
افرح اوى لما الاقى ولد او بنت بيتكلموا عن الهدف وعن ربنا ..ومش معنى كده انهم معقدين لا
.. شباب روش بس عارف ربنا صح
افرح اوى لما الاقى بابا وماما يقولولى من قلبهم احنا راضيين عنك
افرح اوى لما ادخل السرور على قلب حد ...افرح اوى لما اضحك بيبى صغنن
افرح اوى لما ازور قرايبى خاصه جدتى ....او ازور حد غالى عليا اوى
افرح اوى لما الاقى حد يقولى انتى علمتينى حاجه ..وبصراحه دى كتير بس مش بفرح
علشان انى بقيت حاجه... لا...بفرح علشان انا اثرت فى حد

موقف اغضبنى ..هههههه هوه انتوا هتضحكوا عليه بس بجد اتضايقت جدااااااااااا
كنت راكبه ف المينى باص انا وصحبتى ..وكانت جمبنا ام عاديه وابنها بيبى صغنون اوى..فالولد ف منتهى الجمال لدرجه انى كنت مرهقه من الكليه بس لقيت نفسى بلاعبه وبهزر معاه .عسوله بقى ويستاهل ؟؟؟؟

فبسالها عن اسمه ؟؟؟؟؟؟؟؟؟؟؟؟؟؟؟؟؟؟؟؟؟؟
ويااااااااااااااااااااااااااااااااااااااااالا المفاجاه الكبرى انا قلت يدى على تامر ..هيثم .. اى حاجه من دى لقيتها بتقولى عنــــــــــــــــــــــــــــــــــــــــــــــتر affraid ..اهى اهى ... متعرفوش حاله الجنان والغضب اللى كنت فيها .. لقيت نفسى من غير ما احس بشخط فيها جامد ..ازااااااااااى تعملى كده .. هوه مفيش رحمه عنتر ليه هوه بيحب عبله ؟؟ حرااااااااااااااااام هوه ذنبه ايه ؟؟؟؟ عملكو حاجه ؟؟ طب لما يكبر هيعمل ايه؟؟؟ بجد اتنرفزت .. وصاحبتى تضحك جدااااااااااا وتهدى فيه ..لغايه لما اتفقت معاها انها تغير اسمه ..قالتلى هغيره والله .ههههههههههههههههههههههههههه..شكلها خافت .ههههههه.بس والله كل ما افتكره اتضايق جدا بس بضحك برضه..ههههههههههه

صفه اتمنى انها تكون موجوده فيا والتزم بيها طول حياتى؟؟
انى اكون بشوشه وادخل السرور على قلب الناس ...هيا فيا الحمدلله وكمان فيه صفه بحبها فيه اوى يارب تدوم.. انى لو عملت فسفوسه صغننه غلطه مثلا..غلطه بسيطه خالص خالص برضه بروح اقول لمامتى..ياااااااااااااااااااه برتاح اوى اوى ..وبجد بستمتع لما اقولها ..حتى لو حاجه تافه .. كمان صفه المغامره .بحبها اوى فيا ..انا مغامره جدا ..والتصميم على حاجه ..يعنى مسبش حد غير لما اجيب قراره ..ههههههههههه لذيذه برضه بس من غير ما اضايقه طبعا

صفه اتمنى انى اتخلص منها
انى لو لقيت مثلا ادامى عشر اشخاص ..وقولتهم حاجه وكلهم اقتنعوا بها وابدوا اعجبهم ما عدا شخص واحد..بحس انى لازم اقنعه يعنى لازم اقنعه وراه وراه وده طبعا مش تمام اوى ..لان مش كل الناس هتعرف تقنعهم بحاجه ..اكيد فيه ولو واحد مش هيكون موافقك اوى

عشر وردات اديها لمين؟؟؟؟؟؟؟
اممممممممممم.....للرسول عليه الصلاه والسلام
لكل الصحابه والرسل
للسيده خديجه
للداعيه عمرو خالد اللى ليه فضل كبير اوى اوى عليا .. واقوله ربنا يعزك
لماما وبابا ولاخواتى
اعضاء منتدى الاصدقاء بجد والله
لشباب وبنات صناع الحياه اللى انا واحده منهم الحمد لله
لللانسان .. اللى نفسه يعمل حاجه وفعلا بيحاول يعملها ...يعنى للى عنده هدف..يارب يكون خطيبى ان شاء الله
للبنت ..اللى محافظه على نفسها وعارفه ربنا عاوز منها ايه صح
لاحب واحن واجمل واحسن انسانه ف الوجود..صحبتى ربنا يخليهالى يارب

أى الأماكن تحبى أن تقضى فيه أجازتك السنوية :
معسكر شبابى فى الغابات ؟ باخرة تقطع النيل وتظل بها أسبوع ؟أحد الشواطىء المصرية الخلابة ؟ عزبة بها من الحدائق والأشجار والثمار ؟
**ومن تأخذى من أحبابك وإخوانك معك فى هذه الرحلة ؟


عزبه بها من الحدائق والثمار والاشجار .. بس مش هنقول عزبه نقول حديقه او جنينه..
ليه بقى؟؟ مش علشان فيها الثمار والفواكه ..هههههههه لاطبعا ..علشان الخضره واللون الاخضر الجميل
والالوانات المتداخله فى بعضها ..ياسلااااااااااااااااااااااام ..جو تانى...ونرجع كده لايام الاكل البلدى اللى على اصله
الفطير والطماطم والخيار الاصلى .والحاجات البلدى اللى نفسى اكلها بجد..

اخد مين معايا ؟؟؟؟ اممممممممممممم
اكيد صحباتى..شباب وبنات صناع .. انتوا يا احلى اعضاء بجد هتبقى احسن فسحه ..
والله تنوروا

بشجع مين؟؟
شوفى انا بشجع الاهلى تمام ....بس كنت
دلوقت ودى احلى حاجه .بقالى فتره بسيطه. بشجع النادى اللى يلعب كويس فعلا ويبدع فى لعبه16من يومين لما الاهلى اتغلب كنت مبسوطه وكنت بشجع المصرى (اعتقد) ..يعنى اللعب الصح والممتع
من يومين بقى شوفت ماتش فالنسيا وريال مدريد .. طلع الحمدلله جالى احباط رسمى ... 4 _2 4 اجوان ف الشوط التانى .. والله ماانتوا محبطين ....هههههههه

ايه اصعب كلمه عندك .. الفراق _ الخيانه_ الظلم ؟؟؟وليه؟؟

الخيانه اكيد... كلمه قاسيه وفعل صعب من حد معندوش ضمير ولا رحمه اكيد..لو الانسان فيه صفه الخيانه توقعى منه اى حاجه
اللى بعدها الفراق ..مشهد قاتل بجد..
الظلم .. برضه كلمه صعبه بس الظالم ليه ربنا ....

لو قالولك تقعدى يومين فى مكان لوحدك ايه اكتر مكان تفضليه


لوحدى .. كده هبتدى اخاف .. لا بجدالبحر .... تراوه وجو حلو .. ومنظر رائع كمان ..بالمقارنه بالجبل والصحراوكمان مفيش حيوانات تطلعلى ..الجبل هلاقى ديب ولا حاجه والصحرا ..انتواادرى ..فالبحر كويس

لو زعلتى او واجهت مشكله ايه اول حاجه تعمليها
تقعدى مع نفسك ولا تكلمى حد انتى مرتاحله؟؟


لا بقعد مع نفسى الاول اظبط الامور .. لقيتها اتظبطت .. خلاص بعمل اللى شايفاه اللى هوه الصح
مش اتظبطت بكلم حد مرتاحاله ..

ايه اكتر لون بتحبيه؟؟؟؟ وليه؟؟

بحب اللون البنك ..او الروز يعنى البمبى التقيل حبتين.
بحس بالراحه والجمال وبصراحه بتخيل نفسى انى قاعده ف الجنه .. وحاجه كمان بحبه اووووووووى
لانه لون اوضه البيبهات الصغننه....بيفكرنى بالطفوله والشقاوه وايام اللعب والضحك اللى من القلب

اسئله روعه يا بنكش .. واى خدمه يا جميل .
بجد استمتعت بيها ..





_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
medo # rocket man

avatar

عدد الرسائل : 249
العمر : 30
المزاج : fil tarawa
اسم الكلية : graduated - علوم المنصوره - نباتي و افتخر.
تاريخ التسجيل : 23/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 27 أغسطس 2008 - 12:03

بسم الله الرحمن الرحيم


نقدو لكم اليوم علي طاوله منتدي الاصدقاء المستديره
العضوه اللتي سميتها ملكه الابداع
دائما ما تنقل لما اجمل المواضيع و احسن الافكااااااااار
العضوه النشطه
اسمها صغير و لكنه في الحقيقه كبييييييييير




جــــــــنــــــــــــــــــــــــــــه


وده الكرسي بتاعك
و الهدايا مفاجاه







علي فكره الكرسي مريح و مزود باجهزه لقياس النبضات و التردد و كل شيء


دي حاجه ع الماشي عشان تسلس نفسكو انتي بتجاوبي






انا هسال بعد ماتخلصي اجابات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 28 أغسطس 2008 - 1:22



السلام عليكم
ربنا يكرمك يارب على التقديمه الجامده اوى دى ..بجد تقديمه فى منتهى الجمال

بجد تمنيت فعلا انى اكون اى حاجه من اللى قلتها دى ..انا عارفه ان الكلام ده كله منقول
بس بجد تمنيت انى اكون كده خاصه فى جمله

ضيفة كلي ثقه انها تستحق ان تكون ضيفة معنا
وان نغوص معها في عالمها ونبحر في سماها
لـ نتعرف على تلك الشخصيه التي سحرتنا بـ أخلاقها أولاً
وحسن تعاملها وتميزها وبـ مشاركاتها الفعاله والمفيده معنا


وشكرااااااااااااااااااااااااااااااااااااااااااااا جداااااااااااااااااااااا على التورتات والجاتوهات الروعه

وكمان كول دى كولا ..يااااااااااااه..خلاص يا جماعه اعضاء المنتدى كله معزوم...
بجد متشكره اوى اوى ع التقديمه الروعه دى..


cheers cheers cheers

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: ض   الخميس 28 أغسطس 2008 - 1:58



نيجى لاسئله جوهره القصر ..

ما اسمك الحقيقى ؟؟
بلاش اسئله شخصيه ..معلش يا جوهره..اكيد ليا اسم تانى غير جنه..

لوكان لك الاختيار ما الاسم الذى تختاريه؟؟
جنــــــــــــــــــــــــــه ...

حرفى المفضل ؟؟ حرف السين بحس فيه بالسعاده وحرف الميم لانه شائع اوى ومشهور
رقمى المفضل ؟؟ امممممم رقم 10 .. اكتر رقم ..

العضو الحبوب ...هوه العضو اللى بيكتب مواضيع هادفه وشيقه ومشاركاته كلها لذيذه وردوده ع الناس اروع ..
العضو العزيز....بالنسبه ليا .. هوه العضو او العضوه اللى لو غابت عن المنتدى بحس بغيابها
العضو الرقيق .....هو العضو اللى اكتر مواضيعه متروحش ناحيه المشاغبات والمشاركات الكتير يعنى مبيحبش المشاركات الكتير.. اللى مبيحبش يزعل اى حد خالص منه ف المنتدى

العضو الممل... اللى بيشارك وبيسجل بس مش بيكتب اى حاجه ..ده ممل .والعضو اللى كل مشاركاته مبيقلش فيها غير كلمتين متكررين دايما

العضو اللطيف .... اللى بيرد كويس على الناس وبيكسب مودتهم
العضو الانتهازى ....اعتقد انه عضو بتاع اشتغالات وبس ...
العضو المفضل ليا؟؟؟ هو العضو اللى اهدافه اهدافى ومواضيعه فعلا تهمنى ..وشخصيته شخصيتى او مقربه لشخصيتى
العضو المهم عندى؟؟؟ هوه العضو اللى حاز على احسن مواضيع واحسن مشاركات فهيكون مهم عند كل الاعضاء وبالتالى مهم عندى
العضو المغرور .. العضو اللى دايما يتكلم عن نفسه كتير وبيحب يبين نفسه ع الفاضى ومعجب بمشاركاته ..بس الحمد لله مفيش عندنا عضو مغرور
العضو الحزين ..كل مشاركاته .مقعده اوى ومواضيعه تزعل ..
العضو العصبى .. اللى بيكبر المسائل ويعمل من الحبه قيه ..
العضو النكدى ... طبيعى بيحب ينكد علينا ومشاركاته كلها سلبيه .

متى تجلسين ع الكمبيوتر ؟؟ اكتر الاوقات فتره الظهر والعصر ..مبحبش اقعد بليل .
لونى المفضل ... البمبى التقيل حبتين ...البنك

نوع الملابس المفضله .. سؤالى شخصى ...وشخصى جدااااااااااااا بس عامه هجاوب
لو تونك طويل حبتين يعنى تحت الركبه من تحت وشكله لذيذعلى بنطلون جينز
او بلوزات لذيذه على جيبه او على جيبه جينز

صديقتى المفضله فى المنتدى ؟؟ بصراحه اكتر واحده بحبها اوى اوى هيا روزى
لانها طيوبه اوى ومشاركاتها كلها فعاله واهم حاجه انى اتكلمت معاها كتير رسايل خاصه ..
وبحس انها لو غابت يومين بيبقى فى حاجه ناقصه ف المنتدى

خارج المنتدى .. صحبتى

هوايتى .. بكتب قصص قصيره وبالف شعر صغنتوت ع الماشى ..وبحب اوى كره السله
وقراءه كتب خياليه.. وكتب عن حياه علماء وشخصيات عالميه ..وكتب الاكشن واكيد طبعا الدينيه

بتقضى اوقات فراغك فى ايه؟؟
فى القراءه..وطبعا قراءه القران الكريم وكتب عن الصحابه ..ع الكمبيوتر بس المهم اقعد بفايده ..مش قعاد وخلاص
ع التليفزيون .. زياره اصحابى واقاربى .. ممارسه بعض دورات الفوتوشوب والكورل درو
اخذ بعض الدورات ..لغه ..كمبيوتر ..

نصيحه اتبعها فى حياتى ؟؟
مفيش حد يحط فى دماغه فكره ويصمم عليها ويعيش علشانها ويحلم بيها الا ولازم يحققها.
سيب الامور كلها كلها على ربنا .. وصدقنى هوه الوحيد اللى هيوصلك لاحسن مشوار ..يعنى توكل على ربنا صح مع الاخذ بالاسباب
متياسش من الحياه لانك مش جاى علشان تياس انت جاى علشان تعمل حاجه ولو بسيطه وتسال عليها ف الاخره
دايما بس للاكبر منك فى التدين والاخلاق وبص دايما للناس اللى عاوزه تعمل نهضه زى كتير من البنات والشباب ومتبصش لتحت ابدااااااااااااا

اكتتر اكله بحبها ؟؟
الاكله اللى بحبها هيه المحشى .. والجلاش باللحمه المفرومه ..جوعتونى ..

رايى فى كل عضو ؟؟

هقوله المشاركه الجايه
..

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Rossy

avatar

عدد الرسائل : 211
العمر : 29
المزاج : عفاسية من الدرجة الاولي
تاريخ التسجيل : 07/07/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 28 أغسطس 2008 - 6:00

جنتي العسوووووووله .......قعدوكي علي الكرسي وبدأو الهجوم بس ولا يهمك انتي قدها بجد وبعدين انا معاكي يعني لو احتاجتي الاتصال بصديق ولا حاجه (وسيبي حساب بنكش عندي انا )

بجد يا جنه انا كان نفسي اسال بس مش بعرف بس اعرفي ان انا دايما هقرا ردودك اولا باول

احب اقولك ان بجد اول مرة أجرب الحب في الله كان معاكي انتي يا احلي جنه في حياتي كلها وعلي فكرة انا البنت الوحيده ولو كان ليا ان انا اختار اخت كنت والله بدون تردد اختارتك يا جنه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 28 أغسطس 2008 - 6:24



السلام عليكم

بالنسبه للسؤال رايى فى كل عضو فبجد والله نسيت اجهزه ..لانى مبعملش حاجه غير لما افكر فيها الاول ..
فللاسف نسيت وكتبت كل الاسئله علشان اجاوب عليها ونسيت اكتب السؤال ده..
عامه هجاوب على اللى جهزته والسؤال ده باذن الله هجاوبه المره الجايه لما اجهزه..لانه سؤال جميل وصعب

اجاوب على الاسئله اللى جهزتها ..

ماذا تعنى لك هذه الكلمات ؟؟
الوحده ..قاتله
الصمت ..انكسار
الحياه ..طريقين طريق اخضر وفيه اشواك صغنونه خالص ..وطريق كله اشواك وعلى الانسان انه يختار هيمشى فين ؟؟
القدوه.. الهدف
الطموح...مغامره ناجحه..
الثقه ..نجاح لو موصلتش لغرور
الصداقه ...كنز
الام...الحنان والدفء
الاب...القدوه
الاخ...السند
الانكسار...انهزام ف الشخصيه
الاجتماع...البركه والضحك والهزار
الفراق...لحظه الدموع..اصعب مشهد..


الامتحان الاصعب فى الحياه بالنسبه ليا ..فقدان شخص عزيز عليا اوووووووى
هل هصبر ولا ؟؟؟؟؟ بجد امتحان صعب ..

رايى فى كرسى الاعتراف..بجد بالنسبه ليا
فانا بجد مرتاحه جدا جدا فيه واحلى هدف للموضوع ده..
اننا بنتعرف على بعض وشخصيات بعض ونعرف اهدافنا وطموحاتنا ..بنقرب اوى من بعض
وبامانه ..انا اول ما كتبت الموضوع ده ..كنت واخده نيه انى اقربكو من بعض واحببكو فى بعض ..
فيارب النيه دى تكون وصلت يارب...
وشكرا ليكى يا جوهره القصر على اسئلتك الجميله ..بجد استمتعت بيها
واى خدمه ..ولو عندك اسئله تانيه ..انا فى الخدمه..
شكرا يا جوهره Wink

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 28 أغسطس 2008 - 6:50


تانى تقديمه ليا ..
بجد ربنا يكرمك يا محمد..تقديمه والله روووووووووووووعه
وكلام رائع ... ايه ده كله..
كان نفسى والله يا جنه اكون اول واحد استقبلك واعملك احتفال بس بقى بنكش ومحمود سبقونى ..
بجد كفايه عليا اللى انت عملته ده..كفايه التقديمه الجامده دى

ربنا يكرمك يارب....شكرااااااااااااااااااااااااااااااااااااااااا
يارب اكون ولو كلمه من اللى قلتها عليا..

اجاوب على اسئلتك الجميله..

اكتر ماده بحبها ؟؟
شوف زى ما انت عارف انا لسه راحه تانيه يعنى مجرد انى خدت كام ماده فى اولى بس.
فبامانه لغايه دلوقت ملقتش ماده شدتنى ..ماده بستمتع وانا بقراها ..للاسف مش ده اللى كنت متوقعه انى الاقيه ف علوم
بس الحمدلله ..فلو هتسالنى على احلى ماده خدتها فى اولى بحببها ..هقولك الحيوان ماده لذيذه
بس يبعدوا عننا التصنيف بجد بايخ اوى ...انما اتمنى انى الاقى مواد كويسه او منهج شيق وممتع فى تانيه وف السنين الجايه باذن الله...

احلى كتاب عربى قراته؟؟؟ والله كتير حلوين وكله حسب الاقسام..
يعنى ف الدين ..صحابه حول الرسول ..لاتحزن
تنميه بشريه..فن التعامل مع الاخرين ..اعرف نفسك..النجاح ف الدراسه
اكشن وخيال ..رجل المستحيل ..الغاز بوليسيه كتاب جميل..
وفيه كتير ف التاريخ والسياسه ..الخ..بس دول احسن كتب
اجنبى ... لا اكيد مقراتش كتاب كله اجنبى لانى اخد كورس انجلش الاول وبعدين اقرا
علشان اتمكن من اللغه ... بس ف الثانوى بجد قصه ..the mask of gold...لو عارفينه بجد كان قصه اجنبيه لذيذه واكشن اوى

اسرارك تحتفظين بهافى داخلك ام هناك شخص تحبين الفضفضه اليه؟؟
شوف..لو اسرار تستاهل ان حد يعرفها خلاص بقولها لحد مرتحاله..وشايفه انه هيفيدنى
لو اسرار عاديه وبسيطه متستهلش انى اقولها لحد..لا بحتفظ بيها لنفسى...

اجد راحه البال .؟؟؟؟
بجد بلاقيه مع مامتى... ومع صحبتى ..ومع بنت عمى ...

كيف تتعاملين مع من اساء اليك؟؟
لو هو شخص بيسىء لكل الناس ...ده مش بعبره خالص .لانه مفيش منه فايده
لو شخص كويس ...الاول لازم باى طريقه اعرف منه ليه اساء اليا ..وساعتها هحاول اعالج الامور معاه او معاها
بحيث انى انهى اللقاء ان محدش يزعل منى ..لانى محبش حد يزعل منى ..

هل تصارحين من اساء لك بسوء تصرفه ؟؟
لا شوف .. انا مبحبش اقول لحد مباشره انت غلطان انك عملت كده..
انا بعمل حاجه .. بنعالج الامور مع بعض ..ونتكلم مع بعض..وطبيعى فى اخر الكلام هنعرف مين اللى غلطان فينا ..
لو انا بتاسف وبعتذرله ..لو مش انا هوه بيعرف وبيحس انه اللى غلطان فيعتذر ..فهمتنى ؟؟ بس كده

احلامى المستقبليه وبمنتهى البساطه؟؟

بجد حلمى انى اصنع حياتى واعيش حياتى صح واعمل حاجه كويسه اقابل بيها ربنا واعرف ارد عليه
لما يقولى عملت ايه فى دنيتك؟؟
حلمى ..انجح فى دراستى..واخد كورسات كتير مفيده ف الكمبيوتر واللغه والتنميه البشريه
واشتغل فى شركه ادويه كويسه ومشهوره
حلمى..افتح انا واخويا صيدليه ناجحه وان شاء الله دى قريبه اوى ..
حلمى..ارتبط بانسان كويس وعارف ربنا ناجح فى حياته...نعيش الحياه صح وتكون احلى حياه ونجيب بيبهات كويسين
وفيه كتير احلااااااااااااااااااااام بس ان شاء الله تتحقق مع زوج المستقبل ..لانها مش هتتحقق غير بينا احنا الاتنين ..

دى احلامى بكل بساطه ..

بجد اسئله جنااااااااااااااااااان وتحفه اوى .. والله استمتعت بيها اوى
ربنا يكرمك .. ولو عاوز تسال تانى انا تحت امركو

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 28 أغسطس 2008 - 7:22



نجاوب على اسئله pharmacy

اكتر دوله احب اعيش فيها ..
امممممممممم... لو عربيه ... دوله الامارات ..ياسلام على دبى والاماكن الروعه اللى فيها
لو اجنبيه .... فرنسا او اسبانيا ... لذيذه برضه
بس ف الاخر هقولك مفيش ولا احسن ولا اجمل ولا اروع
من مصر بجد والله مش كلام ..انا بموووووووووووووووووووت فى مصر

نوع السياره اللى بفضلها ..
دايو نوبيرا ... لذيذه اوى ..وبعدين كفايه انها نوع عربيه بابايا

المنطقه اللى احب انى اعيش فيها فى المنصوره..
منطقه المشايه ..او منطقه الجلاء... بس المشايه احسن كفايه منظر البحر ..
سؤال لذيذ على فكره ..وجميل

الكليه اللى اتمنى انى اكون فيها ... كليه الاعلام
كان نفسى اكون اعلاميه ..

لو معايا فلوس ملهاش نهايه ايه اللى هعمله؟؟؟

اممممممممممممممم....هقولك
اقسمها اجزاء اجزاء.. بترتيب الاولويات ..
هصرف جزء واعمل بيه اكبر شركه ادويه فى العالم كله ....وف كل بلد يكون ليا شركه
واعين فيها كووووووووووووووووووول شباب وبنات علوم...واخليهم احسن ناس بجد
هصرف جزء.. انى احجج عيلتى كلها وكلنا نحج مره واحده ونكون لمه وصحبه
هصرف جزء.... اتبرع لكل الناساللى عندهم امراض ولكل المستشفيات..
اى حد غلبان فى الدنيا دى..اخليه احسن واحد ف الدنيا..اى شاب او بنت عاوز يبقى حاجه ومش عنده التمويل فانا معاه
هتكفل بالفلوس لاى حد عنده براءه اختراع..هفتح اكبر مدرسه واكبر كليه ف الدنيا واسميها مدرسه الابداعات والاختراعات
هصرف جزء .... اجيب فيلا جامده جداااااااا وف احسن مكان وع البحر ....واعزم كل الناس اللى بحبهم عندى
هصرف جزء...انى الف ف العالم كله واروح لكل الاماكن اللى بحبها .
افتح قناه دينيه شبابيه .. واخلى كووووووووووول اللى فيها شباب وبنات كويسين ونعمل احلى شغل فى القناه
وانا متاكده انها هتجذب كوووووووووووووول الناس والشباب ..

بجد هعمل حاجات كتير اوى تكون جميله ولذيذه وترضى ربنا ..
انا جاوبت على قد سؤالك ..انت قلتلى ملهاش حدود .. علشان كده احلامى ملهاش حدوووووووووووووود

وبجد بجد اسئله رووووووووووووووووووووووووعه ..وجميله اوى اوى
وكنت مستمتعه وانا بجاوب عليها ..ومستنيه منك اى اسئله تانيه
انا تحت امرك.. شكراااااااااااااااااااااااااااااااااااااااااا

cheers cheers

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 28 أغسطس 2008 - 7:27

ربنا يخليكي وشكرا عالردود
وان شاء الله في المزيد
احلي سؤال جاوبتيه بتاع دبي طبعا ( دبي دار الحي )
واوحش سؤال معلش يعني بتاع الدايو النوبيرا سوريييييييييييي

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 28 أغسطس 2008 - 7:38

ربنا يخليكي وشكرا عالردود
وان شاء الله في المزيد
احلي سؤال جاوبتيه بتاع دبي طبعا ( دبي دار الحي )
واوحش سؤال معلش يعني بتاع الدايو النوبيرا سوريييييييييييي



ههههههههههه..لا انا مش بفضل ولا بقول ان احسن نوع ..دايو نوبيرا ..لاطبعا
فيه حاجات اروع من كده بكتير اوى اوى .يعنى اللى فى صورتك الرمزيه ..جميله جداااااااااااااا.بس انا بقولك بحب دايو نوبيرا لان كفايه انها بتاعه بابايا ....ودى لوحدها كفايه .. ده تبقى احلى واجمل عربيه عندى..

شكراااااااااااااااااا ليك اوى اوى ومستنيه اسئلتك
ومستنيه اسئله .. البرنس ... واسئله احمد.. medo rocket man
وكوووووووووووووووووووول اسئلتكو ..وان شاء الله انتظروا اجاباتى على بقيه الاسئله

lol! lol!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 2:00

بجد يا جنة ربنا يكرمك على كلامك الجميل

وبجد والله من غير مجامله إجاباتك بتدل أنك شخصيه محترمه جدا .

بتمنالك بجد التوفيق وإن شاء الله هسألك كام سؤال كده كمان بإذن الله.

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 2:10

كنت عايز اعرف امتي جنه هتقوم من عالكرسي
كفايه كددددددددددددده

أنا رجلي وجعتني من الوقفه وعوز اقعد


حراااااااااااااام عليكم

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 9:42



السلام عليكم

نيجى للسؤال الصعب جدا ..

رايى فى كل عضو ..

braveheart
شخصيه محترمه جدا وعاقله اوى ومواضيعه كلها هادفه ومفيده حتى مشاركاته جميله اوى وعنده هدف
عاوز يحققه ..وعقلانى اوى واعتقد ان لو فيه حد وقع فى مشكله اول واحد هيروحله هوه محمد.. ربنا يكرمه يارب

harry potter
شخصيه محترمه ورومانسيه حبتين..بيحب اصدقاؤه جدا وواضح انهم بيحبوه اوى والا مكنش ميدو روكت مان عمله الشغل ده كله..برضه لو واحد طلب منه مساعده ..اعتقد انه اول انسان يقف جمبه..

admin
انسان عقلانى ...كل صحابه بيحبوه ..اعتقد انه بيحب يكون ليدر القريق ..يعنى قائد وكبير الناس اللى موجودين
ودى حاجه جامده اوى..بيحب اللمه ..مشاركاته كلها فى المواضيع الهادفه والجميله ..

احمد حلمى
شخص متدين اوى ومحترم جدا ..واعتقد انه شخصيه هاديه..عنده هدف عاوز يحققه..مشاركاته هادفه جدا..
وبيميل اكتر للمواضيع الدينيه ودى حاجه جميله اوى فيه.انسان عقلانى وزمايله بيحبوا ياخدوا رايه

the prince
شخصيه محترمه جدا..متدين ..لاحظت انه بيحب يشارك فى المواضيع الدينيه..ودى حاجه اسعدتنى اوى
افكاره كلها جميله وعقلانيه..انسان مؤدب وعاوز يعمل حاجه كويسه ..ربنا يوفقه

كريم..
شخص طيب جدا .. بيحب التحدى والمغامره..بيحب يهيش وسط اللمه والصحبه
بيموت فى الاهلى .. ههههههه ..صحابه بيحبوا قعدته اوى

pharmacy
شخص محترم جدا .. مواضيعه كلها جميله..اعتقد ان لما بيحط فى دماغه حاجه يعملها ..هيعملها بجد..

medo rocket man
شخص طيب اوى بيحب الهزار والضحك.. مشاركاته كلها متفائله ..اعتقد انه هيعيش كتير فى مصر ..لانه بنسبه كبيره
بيحب يضحك.. مبيحبش يحط نفسه فى مشاكل .بحييه على كده.بس اعتقد انه لو حد زعله هيكون زعله جامد اوى..

عمر عمار...
شخصيه جميله ومتدينه جدا جدا .. اراءه اراء كلها محترمه..انسان عقلانى ومؤدب
مواضيعه هادفه اوى وعنده مبادىء جميله .. بقوله ربنا يوفقك ويكرمك يارب

yanmar

شخصيه جميبه وطيبه ..انسان مؤدب .. واعتقد انه هادى..مبيشاركش الا لما يلاقى موضوع هادف وجميل
مواضيعه كلها تحييه عليها .. مواضيع هادفه وجميله

وفيه شخصيات جميله جدا يا جماعه .. ومش معنى انى مش قلتها تبقى هيه شخصيات عاديه لا بالعكس ..
فيه على فكره شخصيات حلوه اوى اوى بس انا محتكش بيها اوى فمقدرش اقول رايى ..

دول طبعا الاولاد .. البنات ف المشاركه الجايه دلوقت باذن الله

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 9:52



بنكش
بنكش دى زى العسل ودمها خفيف ومرحه ..طيوبه اوى.. وانا بحبهاواحب اشوف مشاركاتها ..
فعلا هيه دلوعه المنتدى

روزى
طبعا حبى الاول والاخير ....بحبها اوى ..مواضيعها جميله ومتحبش تزعل حد منها ..
انسانه ملتزمه واخلاق اوى ... ربنا يخليهالى يارب

جوهره القصر..
انسانه ملتزمه ومتدينه .. مواضيعها جميله اوى ..ربنا يكرمها يارب
شخصيه متحبش تزعل حد منها .. ومشاركاتها كلها جميله

نيو ارتست..
فنانه المنتدى .. رقيقه اوى ..هيبقى ليها مستبل جميل .. بتحب تدخل السرور على الناس

روزيت انجل
انسانه رقيقه وجميله ..بحب اشوفها موجوده ع المنتدى بحس بجد ان المنتدى منور ...
سندرلا ..
بحب اشوف كلامها ومشاركاتها اوى .. بتحسسنى بالابداع والجمال . وانسانه جميله .

ايناس هلال
شخصيه محترمه جدا .. ملتزمه .. عقلانيه اوى .. مواضيعها تحفه ...

بجد كل البنانيت زى العسل ومؤدبين جدا .. ربنا يكرمهم يارب

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pharmacy_150

avatar

عدد الرسائل : 1306
العمر : 24
اسم الكلية : Mansoura Faculty Of Pharmacy
تاريخ التسجيل : 21/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 9:55

طبعا بشكرك جدا يا جنه علي الوضف الجمييل ده عليا

ربنا يخليكي بجد ويكرمك

_________________
If you want to fly with FalCons .. Don't waste your time with ChiCkens
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 10:15

ما هى الحياه؟؟


الحياه مزرعه فازرع فيها حلو الكلام فان لم ينبت كله فسينبت بعضه

انت فى حديقه حيوان ووراك غوريلا هعمل ايه؟؟
لا هوه انا مش هلحق اعمل ..انا هشوفها ويغمى عليا على طول

هاخد ايه معايا وانا فى الفضاء؟؟
هاخد رايه مكتوب عليها لا اله الا الله محمد رسول الله
واحطها فى اول مكان يقابلنى فى الفضاء علشان الكل يشوفها ..

الاحمر... الاشمئزاز لو دم .. والجمال لو قلوب وورد
الاخضر.. الهدوء والراحه
الاصفر ..الانتعاش
الاسود... الحزن
الابيض ...البساطه
الازرق ...لو لبنى يبقى الجمال والطبيعه ..لو كحولى .. يبقى الكابه ..

السلام.مش هيحصل غير لما نكون مسالمين مع نفسنا ومع الناس
الحريه ..كلمه جميله بس متزدش عن حدها .
الديمقراطيه .. انت معندكش خلفيه ولا ايه؟؟ اصبحت ديمقراملوخيه دلوقت.. لا بجد معدتش موجوده مع انها كلمه رووووووووووعه
الظلم.. انتشر بانتشار سوء الظن بين الناس ..اتمنى انه يختفى
العدل... هوه مختفى حاليا .. بس ان شاء الله يظهر قريب على ايدنا ..
الحرب .. كلمه محبش اسمعها اتمنى انى ما سمعهاش فى مصر ولا اشوفها
امريكا ..دوله قريب اوى هتنتهى لان الظلم مبيفضلش كتير
مصر..بلدى الاول والاخير .. اللى متخيلش حياتى من غيرها ..بحبها اوووووووووى
فلسطين ...دوله بتفكرنى بصبر ومواجهه الصحابه ايام الرسول ضد الاعداء .. ربنا يصبرهم

العاطفه.. احساس رقيق ومشاعر نبيله ..بس بدون عقلانيه متنفعش
الرحمه... كلمه جمياه .. لو الواحد امتلك الرحمه اعتقد انه امتلك كل الدنيا ..
العقلانيه .. شىء جميل بس ميزدش عن حده لانه هيتقلب لجنون واعتقد ان المعادله الاخيره
العاطفه مع العقلانيه .. دى المعادله الصح ..مينفعش حاجه دون حاجه

دى بعض الاسئله هجاوب على الباقى ان شاء الله .. واللى عنده اى سؤال يتفضل يسال انا
تحت امره ... لان اعتقد لسه النهارده وبكره فالحقوا اسالوا .. مستنياكو ..


_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
medo # rocket man

avatar

عدد الرسائل : 249
العمر : 30
المزاج : fil tarawa
اسم الكلية : graduated - علوم المنصوره - نباتي و افتخر.
تاريخ التسجيل : 23/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 10:59


شكرا جدا جدا ع الكلام اللي قلتيه عني

وكل سنه و لنتي طيبه بمناسبه رمضان و بمناسبه الكرسي

الكرسي اللي جبنه ليكي عجبك ولا نغيره - احنا عندنا تشكيله جديده و موديلات السنادي


ربنا معاكي

هسالك لما تخلصي اجابات

ملحوظه
انا كنت فاكر ان اجاباتي اكبر اجابات طلع انك بتجاوبي السوال ف 5 و6 سطور - ربنا معاكي


وكمااااااااااااااااان لاب جديد عشان تجاوبي كويس



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 15:51



نكمل بقيه الاسئله

عندى كام صديقه ممكن اثق فيها واقولها اسرارى ؟؟
امممممممم.. حوالى 6 بثق فيهم بجد..الحمد لله

موقف حصلى وضحكت عليه ف الجامعه؟؟
والله فيه مواقف كتير ااوى اوى ..اكترها ف المواصلات ..المواصلات دى حكايه
بس الموقف اللى ضحكنى .. واحد عمل ادامنا واحنا مستنين المينى باص موقف كوميدى هايل
كان الهوا شديد جدا فالهوا وقع كرتونتين تلاته .. كان فيهم شيبسى والكلام ده..
فعادى يعنى كان من الطبيعى انه يشيلهم وخلاص وكانوا خفاف جدا ..انما هوه عمل مشهد كوميدى هايل
شال الكرتونه وكانه بيشيل حديد .. وقعد يقول يااااه دى صعبه اوى ومش قادر خلاص هموت
والاجمل ان فيه شباب مكنوش يعرفوه بس دخلوا معاه فى المشهد الكوميدى وقالوله معلش استحمل
انت قدها .. خلاص قربت تخلص ..يلا شد حيلك .. وف الاخر حطاها مع الكرتونات التانيه وقام واقع ع الارض
كووووووووووووووول البنات والشباب اللى كانوا واقفين ضحكو جامد جدا ..بجد ممثل بارع ..

الكتاب اللى بحب اقرالهم .. لو قصدك شعر ...فبحب فاروق جويده اوى

اكتر بلد احب اعيش فيها فى مصر؟؟
الاسكندريه

كام مره مقدرتيش تمسكى دموعك؟؟
شوف انا محبش ابكى ادام حد..مش واثقه فيهم ..انما ممكن فعلا ابكى ادام حد حاسه انه ممكن يطبطب عليا
ويخفف عنى.. المواقف ..
زى حال بعض الشباب والبنات اللى ف الجامعه ..حال الامه العربيه...اغنيه الضمير العربى
كل مره اتفرج عليها لازم اعيط...

اكتر حاجه بحبها ف المنتدى؟؟
انى كنت قبل المنتدى مكنتش عارفه اى حاجه فى علوم .وكنت حاسه انى تايه حبتين بالرغم من انى مصاحبه كل الدفعه ويمكن دفعات الكبر منى.... بس هنا حاسه بالاطمئنان ..حاسه بالراحه بجد..ده غير انى بكتشف ان لسه فيه ناس محترمه
وكمان بصاحب اشخاص جميله زيكو.. ربنا يخليكو ليا يارب...

الموقف اللى زعلنى بس ادانى القوه ؟؟
والله المواقف كتير بس معظمها بتبقى مشاهد شوفتها ادامى ف الجامعه مثلا ..فبزعل حبتين بس بتدينى قوه انى اعمل حاجه
كويسه .... وعلشان كده انا مشتركه فى صناع ..الحمد لله.

هدفى فى الحياه؟؟؟
اعمل حاجه كويسه اقابل بيها ربنا ..واقدر ارد عليه يوم القيامه

المواقف اللى بتخلينى سعيده؟؟
قلتها قبل كده.. بس عامه اهى تانى.
وان يكون فيه وسيله اتصال ما بينى وما بين ربنا..يعنى اعمل حاجه كويسه الاقى ربنا عملى موقف يكافئنى عليه ..والعكس الوحش ربنا يبعتلى انذار بيه
افرح اوى لما الاقى ولد او بنت بيتكلموا عن الهدف وعن ربنا ..ومش معنى كده انهم معقدين لا
.. شباب روش بس عارف ربنا صح
افرح اوى لما الاقى بابا وماما يقولولى من قلبهم احنا راضيين عنك
افرح اوى لما ادخل السرور على قلب حد ...افرح اوى لما اضحك بيبى صغنن
افرح اوى لما ازور قرايبى خاصه جدتى ....او ازور حد غالى عليا اوى
افرح اوى لما الاقى حد يقولى انتى علمتينى حاجه ..وبصراحه دى كتير بس مش بفرح
علشان انى بقيت حاجه... لا...بفرح علشان انا اثرت فى حد



وبجد اسئله جميله جداااااااااااااااااااااا وارتحت وانا بتكلم كمان..
واستمتعت بيها .. ولو عندك تانى انا تحت امرك
شكراااااااااااااااااااااااااااااااااااااااااااااا

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 16:05



السلام عليكم

ربنا يكرمك يا احمد.. ع الكلام الجميل ده ..
وشكرا على التسميه الجميله جدا...
وشكرا بجد ع الكلام الجامد اوى اوى ده.. يارب اكون اى حاجه منه..
اتمنى دايما انى اكون عند حسن ظنكو..وايه الكرسى الجامد ده بجد كرسى مريح اوى اوى
واكل جميل .. ربنا يخليك يارب..وكمان لاب توب روعه .
مفاجاه روعه جدا .. ربنا يكرمك يارب .. ومستنيه اسئلتك قريب اوى


حبيبه قلبى روزى
ربنا يخليكى ليا يارب.. ووالله بجد انا بحبك اوى
وانتى عارفه معزتك عندى اد ايه.. انا اصلا يكفينى شرفا انك تشوفى ردودى..دى
لوحده كفايه عليا ياقمر .. ربنا يكرمك يارب ويجمعنى بيكى ف الجنه يارب
واعتبرنى اخت ليكى من دلوقت .. Smile

محمد
ربنا يكرمك يارب ويجزيك الف خير على كلامك الجميل
من بعض ما عندكم والله .. ويارب دايما اكون عند حسن ظنكو.
وطبعا اسال زى ما انت عاوز انا تحت امرك.. شكراااااااااااااا


مريسى يا جماعه ليكو كلكو .. وبكده اكون رديت على كله .. اعتقد انى لسه اخر يوم ليا بكره
فكوووووووووووووووووول اللى قال انه عاوز يسالنى .. فانا تحت امره
لتلحق لمتلحقش ..
انا مستنيه اخر اسئلتكو باذن الله... وان شاء الله اجاوب عليها



lol!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed helmy

avatar

عدد الرسائل : 433
تاريخ التسجيل : 25/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 16:41

انا لحقت الموضوع في اخره ودي بقي مشكلتي مع الموضوع ده علي طول كل عضو الحقه في الاخر بعد ما الناس تكون سألت في كل حاجه وكان المفروض اعمل واجب مع صاحبت الموضوع واسألها كام سؤال حلوين
بس باقي الاعضاء عملوا احلي واجب من اول الترحيب بيها لحد الاسئله التي لا تحصي المهم انا كنت عايز اشكرك يا جنه علي الكلام الجميل اللي قولتيه عني وفعلا وجودك في المنتدي فرق جامد وخلي لللمنتدي شكل تاني ومواضيعك اعلي المواضيع في الردود والمشاهده وده نتيجه تميزها عن باقي المواضيع وده يدل علي انك شخصيه متميزه فعلا واتمني انك تحققي كل احلام وربنا يوفقك في حياتك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 17:12

ربنا يكرمك يا جنة على كلامك الجميل عني وبجد ده كتير عليا أوي وأتمنى أخدمك وأخدم أي حد في أي مشكله ربنا ما يجيب مشاكل
وصدقيني أنا مقلتش عنك غير الحقيقه بل بالعكس ده أقل من حقك بكتير

طيب هسألك بقى كام سؤال كده إن شاء الله

1-إيه المجال اللي تحبي تشتغلي فيه إن شاء الله بعد ما تخلصي وهل أنتي حاسه إن اللي أتعلمتيه في الكليه هيكون شىء أساسي في عملك المستقبلي ولا تتوقعي هيكون بعيد كل البعد عن مجال الدراسه؟ ولا مش ناويه تشتغلي خالص (بيني وبينك الإختيار التالت هو أحسن واحد وريحي دماغك)؟

2-إيه الموقف اللي حصلك وماقدرتيش تعملي فيه أي حاجه؟ وإيه الموقف اللي حصلك وقدرتي تتخذي فيه قرار حازم وقاسي؟

3-هل تفضلي عند تربية الأبناء المراقبه المستمرة ولا إعطاءهم النصائح والمبادىء وتركهم يتعلموا من الحياة بنفسهم؟

4-إيه أكتر أيه بتحبيها وأثرت فيكي بجد ؟ وتأثيرها عليكي كان إزاي؟

5-من هو قدوتك؟ وكيف أثر في شخصيتك؟

6-هل أنتي شايفه إن التكنولوجيا الحديثه أكثر ضررا أم نفعا وخاصة على الشباب؟

7-إيه أكتر موقف أسعدك وأكتر موقف زعلك؟


كفايه كده يا جنه وكل سنة وأنتي طيبه بمناسبة شهر رومضان الكريم أعاده الله علينا وعليكم بالخير واليمن والبركات

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fisherman

avatar

عدد الرسائل : 663
العمر : 30
المزاج : وانت مالك انت ياعم
اسم الكلية : كليه القرف والعذاب والنيله والهباب
تاريخ التسجيل : 29/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 17:19

ازيكو يا جماعه
انا اول مره ادخل الموضوع دا واقراه

بس عجبي

وياريت اشترك معاكوا
وابقي اقعد علي كرسي الاعتراف
دا ول مش مكان حد

ولو مكان حد
هاخده برضه
اصلي محلاوى Very Happy

_________________
اشهد الا الله الا الله
واشهد ان محمد رسول الله صلـــــ الله عليه وسلم ـــــــــــى


يا مالك قبل ان يوجد مملوك
ويا اول لا قبل اخر
ويا اخر لا بعد اول
فذاك فى ذاك
فقف ايها العقل عند منتهاك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white

avatar

عدد الرسائل : 1182
العمر : 23
المزاج : حسب المزاج
تاريخ التسجيل : 01/07/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 29 أغسطس 2008 - 20:08

أي من مواضيعك أحب إلى قلبك ؟؟

ما هي طبيعة المواضيع التي تعجبك ؟؟

في لحظات الحزن العميق ... كيف تتغلبين على حزنك ؟؟


يوم العيد اين قضيتيه ؟؟

احلى عيديه جتك ؟؟

ما هي نقطة ضعفك؟

النسيااااان نعمة ماذا تتمنى ان تنسى ؟



متى تصل مشاعرك قمة الغضب ؟؟؟

باقة ورد حمراء لمن تهديها؟؟

ومثلها بيضاء لمن تهديها؟؟

اصعب لحظة مرة عليك؟؟

ايه اكتر حاجه ممكن تغير الانسان؟
وهديك خيارات عشان صعبت عليا
قصة حب ورديه وحقيقه؟
ولا خدعتك ف صديق؟
ولا احساسك بظلم؟
ولا لما تدي باخلاص ومتلاقيش رد لاخلاصك؟


_اتكلمى عن الآتى :

القصة

الموسيقى

الرسم
_________________



لو قدر لك الحج بإذن الله ماهي أول دعواتك عند رؤية الكعبة المشرفة؟


عندما يواجهك سؤال صعب ومحرج كيف تتخلصى منه
فهل تبادرين بترك السؤال وكأنك ولا شفتية
ام تحاولى الهروب منه وتقولين اعتذر عن الاجابة ؟


ما هي أفضل القنوات الإذاعيه الإسلاميه لديك ؟

ما هى السلبيات والايجابيات فى شخصيتك ؟


ما هي اكثر الصفات التي تكرهى ان تجديها ف الانسان الذي تتعاملين معه؟.......

ما هو اكثر شيء تتمنيه حاليا وتوقنى بانك لا تستطيعى تحقيقه؟


اذا استطعت ان تعود بالوقت للخلف ....ما هي الفتره التي تتمنى لو انك تحذفها؟......والفتره التي تتمنى لو انها ظلت عمرك كله؟

_________________


كان يغنى لى فى نومى..........كان يأتى لى فى حلمى..........ذلك الصوت الذى يغنى وينطق بإسمى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   السبت 30 أغسطس 2008 - 4:02

السلام عليكم


احمد حلمى

اولا بجد بشكرك والله يا احمد ..واعتبر ان الواجب اتقدم من زمان
واعتبر كمان انك سالتنى بالضبط....وبجد بشكرك على الكلام الجميل ده
وبجد وجودكم هوه اللى بيعمل فرق جامد...وربنا يكرمك على الدعاء الجميل ده..وربنا يوفقك ويكرمك فى حياتك باذن الله
بجد شكرااااااااااااااااااااااااااااااااااااااااااااااااا

محمد
دى اقل حاجه اقولها ..لانكو بجد كلكو تستاهلوا اكتر من كده بكتير ..وعلى فكره الكلام اللى قولته عنكم ده
دى حاجه بسيطه اوى ..زى ما بيقولى انا لسه فى جعبتى المزيد..بس طبيعى مش هعرف اقول كل حاجه
وكمان الاعضاء اللى مش ذكرتهم .. فده لان مشاركاتهم مش كتيره اوى فمعرفتش اجمع اى معلومات عنهم ..وكلهم شخصيات محترمه بجد
وشكرا ليك على كلامك الجميل اوى ده

وبعدين جايين تسالونى تانى ..انا كنت متوقعه ان كده خلاص فنش ..بس حاضر من عينيه
هجاوب على اسئلتكو .. والله يسامحك يا بنكش كل دى اسئله ..انا عملتلك حاجه
مش بقولك حسابك فى كوك دور ..حااااااااااااااااااااااااااااااااااااااضر

ان شاء الله اجاوب عليهم

شكلكو مش ناويين ترحمونى ..ههههههههههههه



No
Smile
Smile


_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كرسى الاعتـــــــــــــــراف ... مين ناوى يقعد ع الكرسى ولو مره قبل مايموت
استعرض الموضوع السابق استعرض الموضوع التالي الرجوع الى أعلى الصفحة 
صفحة 9 من اصل 11انتقل الى الصفحة : الصفحة السابقة  1, 2, 3 ... 8, 9, 10, 11  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: