منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 كرسى الاعتـــــــــــــــراف ... مين ناوى يقعد ع الكرسى ولو مره قبل مايموت

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4, 5, 6 ... 9, 10, 11  الصفحة التالية
كاتب الموضوعرسالة
harry potter

avatar

عدد الرسائل : 2306
العمر : 30
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 4 أغسطس 2008 - 16:42

ضيف هذا الأسبوع لا يمكن وصفة بكلمة أو اثنتين ..



هو دعامة أساسية من دعامات هذا القصر ..



بدونه يختل توزانه ويفقد هيبته ..
هو حبيبى محمد ابراهيم مشالى
ويا زعيم منور الكرسى كانه متفصلك هههههههههههههه
نسال بقى يا باشا

1_ ما هو انطباعك عن المنتدى ؟؟؟؟
2_ايه هو اصعب شى واجهك فى الحياه ؟؟؟؟
3_ما هو اكتر شيئ يجعلك تضحك؟
4_ماذا يعني لك الصدق ؟
5_ماهو افضل كتاب اجنبي وعربي قراته؟
6_ماذا يمكنك ان تقول عن الكلمات الاتية :
الطفولة؟
المراة؟
الدبلوماسية؟
واسيبك تريح شويه وهرجعلك تانى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 4 أغسطس 2008 - 19:28

السلام عليكم
أولا هبدأ أجاوب على أسئله جنة
السؤال الأول :
ايه احلى يوم حسيت فيه براحه او ممكن نقول حسيت برضا ربنا عليك؟


أحلى يوم حسيت فيه برضا ربنا عليا لما عرفت نتيجة سنه أولى الترم الأول وكنت أنا ساعتها التالت على الدفعه وبدأ يتفتحلي بريق أمل في التعيين في الكليه ساعتها شكرت ربنا وحسيت إني ممكن أعمل حاجه .

السؤال التاني :
ايه اصعب موقف قدرت تواجهه؟؟ وموقف تانى مقدرتش تعمل فيه حاجه؟?

أنا كنت إتخذت قرار صعب وهو أني مش هاسمع أغاني تاني إلا الأغاني الدينيه والهادفه لأني فعلا كنت وصلت لمرحله إني أدمنت لإستماع الأغاني فعلا.
أصعب موقف ما قدرتش أعمل فيه حاجه لما الموبايل بتاعي كان إتسرق مني في المواصلات زي ما حكيت قبل كده.

السؤال التالت :
اكتر صفه بتكرهها فى انسان؟؟ واكتر صفه بتحبها ف شخص؟؟

أكتر صفه بكرهها في أي إنسان الغرور والتكبر.
وأكتر صفه بحبها في شخص الأمانه .

السؤال الرابع :
امتى تبقى مبسووووط اووووووووووووى؟؟؟ وامتى تحس بحزن؟؟

أنا ببقى مبسوط قوي لما بشوف بنت جميله وتلقائيه كده وعلى طبيعيتها
وبحس بحزن لما بحس بالظلم .

السؤال الرابع :
ايه اكتر ايه اثرت فيك بجد؟؟
واكتر كلمه بتاثر فيك؟؟ بالسلب والايجاب؟؟

أنا طبعا بحب القرأن كله وبحب أيات كتير بس أكتر أيه بحبها وأثرت فيا (وإذا سألك عبادي عني فإني قريب أجيب دعوة الداعي إذا دعان فليستجيبوا بي وليؤمنوا بي لعلهم يرشدون) صدق الله العظيم . الأيه دي أنا بحبها جدا وبستحضرها قدامي لما بيكون ليا أي طلب أو حاجه نفسي أحققها .
أكتركلمه بتأثر فيا بالسلب لما حد بيقولي إنت مثلا حققت تقدير في الكليه علشان والدك ووالدتك دكاترة في الكليه وعديت بالكوسه والواسطه والحاجات دي . وأكتر كلمه بتأثر فيا بالإيجاب لما حد بيكون عارفني عن قرب ويأكدلي إن أنا أستاهل التقدير . طبعا أنا مش طفل صغير كلمة توديني وكلمه تجيبني أنا عارف نفسي كويس وطالما واثق في نفسي مفيش حاجه بتأثر فيا بس للأسف أنا فيا عيب ومش عارف ده فعلا ميزه ولا عيب إن أنا حساس جدا بدرجه كبيره وما أحبش أي حد يكون واخد فكرة غلط عني.

السؤال الخامس :
مين قدوتك فى الحياه؟؟

والدي هو أكتر شخص قدوتي في حياتي

السؤال السادس :
تحب تكون قائد على فريقك ؟؟؟ ولا تحب تكون عضو عادى بس فعال؟؟

بجد والله أحب أكتر أكون عضو عادي فعال ولأني أصلا مش بحب أوي أكون قائد جايز يكون ده عدم ثقه كافي في نفسي بس دي الحقيقه بس بأمانه لما بتحط في موقف مطلوب مني أكون فيه قائد بقوم بيه على أكمل وجه .

السؤال السابع :
ايه موقفك لو لقيت حد صاحبك تصرفاته اصبحت تضايقك. وانت خلاص مش قادر حتى تبصله؟؟ تبعد عنه ازاى؟؟

الموقف ده حصلي فعلا . كل اللي بعمله إني بحاول أبعد عنه وأتجنبه على قد ما أقدر لأني مش بتاع مشاكل وفي نفس الوقت ما بحبش أزعل حد مني حتى لو كنت أنا بكرهه وكمان ببعد عنه علشان أنا مؤمن بحكمه بتقول (لا تجادل أحمقا فقد يخطىء الناس في التفريق بينكما ) ودي فعلا حقيقه بجد .

السؤال الثامن :
لو انت تحب تكون حد تانى من الشخصيات العالميه او الناس العاديه؟؟ تحب تكون مين؟؟
أتمنى أكون زي والدي في يوم من الأيام .


وشكرا على الأسئله الجميله وخلتيني أفضفض فعلا ومستني الأسئله الجاية إن شاء الله .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الإثنين 4 أغسطس 2008 - 20:41

نيجي بقى لأسئلة جوهرة القصر وفعلا الأسئله دي جامده بجد عامله زي أسئلة محمود سعد كده ههههههه.

السؤال الأول :
إيه رأيك في د- سمير بندق

دكتور سمير بندق هو فعلا متمكن من مادته العلميه وهو دكتور بجد شاطر بس للأسف ممكن يكون بيصعب على الطلبه الإمتحان زياده عن الازم شويه يعني زي ما بيقولوا كده بيفرد عضلاته علينا في الإمتحان بس هو الصراحه برضو شرحه ولا كلمه ممتاز فعلا بس عايز واحد مركز معاه قوي وكمان مده الشرح تطول شويه.

د-سحر إبراهيم

دكتورة سحر إبراهيم دي داخليا أنا بحبها بس لما باجي أذاكر منهجها بدعي عليها ههههههههه
هي بتشرح بطريقه كويسه وليها قدرة إنها توصل المعلومه كويس بس للأسف بتبخل علينا بإنها تدينا مصدر نذاكر منه وده بيسبب مشكله لينا في الأخر بس هي طول السنه تقولنا سيبوا القلم والحاجات الرخمه دي وكمان برضو إمتحانها بجد مش سهل ومفيش حد بيحل فيه زي التالي .

د-ميرفت حسني

أنا ما درستش مع الدكتورة دي حاجه علشان أقدر أحكم عليها بس أكره أدرس معاها من اللي بسمعه عنها .

د-محمد نجيب

أنا برضو ما درستش تحت إيده حاجه بس بصراحه أنا بحترمه جدا وفعلا هو ظبط قسم النبات كويس جدا وعلى فكرة أنا كنت سمعت إنه شرحه كويس جدا وهو فاهم مادته كويس وبجد أتمنى أكون كده زيه في إدارته للأمور .

السؤال التاني :
إيه أكتر دكتور بتحبه وأكتر واحد بتكرهه ؟ وبصراحه...

أنا مش هقدر أحدد دكتور واحد بحبه لأني بجد هظلم الباقي بس أنا فعلا بحب دكتور حسن الصياد ودكتور معوض المكاوي وهو كان بيدينا حاسب ألي في سنه تانيه وأنا فعلا كنت بحب مادته بجد وجبت فيها تقدير عالي ودكتورة هدى سالم وهاتي يلا ممدوح عبد المجيب فوق البيعه
أما بقى أكتر دكتور بكرهه مثلا الدكتورة أسماء ودي تخصص كيمياء حيوي لسه مخلصه دكتوراه السنه اللي فاتت لأنها قرفتنا طول السنه من شرحها اللي هو مش شرح أصلا وكمان كملتها بإمتحان غبي .

السؤال التالت :
أوصف شباب كلية العلوم بكلمه وبناتها بكلمه....

أوصف شباب كلية العلوم بأنهم فعلا رجاله وفيهم أجمل أصدقاء قابلتهم في حياتي.
وبنات علوم هما أخواتي بجد وفعلا أكتر حاجه أنا زعلان عليها بعد الكليه إني مش هشوفهم تاني لأن الشباب أكيد هنتقابل من وقت للتاني أما البنات أكيد مش هعرف أشوفهم تاني .
طبعا أنا مش عايز حد يفهمني غلط الموضوع كله إن الواحد بعد أربع سنين دراسه بيحصل بينه وبين الناس اللي إتعامل معاهم ألفه بس مش مشكله هنعمل إيه.

السؤال الرابع :
إيه رأيك في بنات 2008؟

بصراحه بقوا حاجه صعبه قوي والعمليه زادت عن حدها
طبعا أنا عارف إن في بنات كتير جدا كويسه جدا ومحترمه جدا بس بجد اللي ظاهر قدام الواحد في الشارع وفي التليفزيون حاجه بجد مؤسفه وعلى فكره الشباب مش بعيد عنهم في الحال معظمهم برضو تعبانين زيهم ههههههه .
وأصل بصراحه أنا زعلان إن البنات المعتدله دي بدأت تقل يعني مثلا إما تلاقي البنت من دول لبست لبس خارج خالص وصاحبت ولاد كتير وإما إنها تتنقب وتنقطع تماما عن الدنيا وتقفل على نفسها .
طبعا أنا مش ضد النقاب لا والله أبدا ده العلماء أختلفوا فيه إذا كان فريضه ولا سنة وأتفقوا كلهم إن هو مكرمه للبنت وبجد هو كويس بس للي تلبسه عن إقتناع كامل مش فرض عليها أو بسبب شيخ معين قالها لو مالبستيش الحجاب هتروحي النار .

السؤال الخامس :
إيه الحلم اللي لسه ما حققتوش ؟

لو كنتي سألتيني السؤال ده من شهر كده كنت قلتلك أتعين في الكليه بس بقى طالما النتيجه طلعت يبقى هاكون كذاب لو قلت كده لأنه تقريبا إتحقق بس أهم حلم قدامي دلوقتي إني ما أروحش الجيش affraid
الجيش في حد ذاته مهم بس الواحد خايف من الذل اللي هيشوفه فيه بس وأنا متأكد إن الحلم ده مش هيتحقق يبقى حلمي إني ربنا يوفقني بقى بعد كده وكمان بجد نفسي ألاقي البنت اللي تكون شريكة حياتي بس مش دلوقتي قدامي شويه لما أكون نفسي بعد سنتين كده على الأقل .

السؤال السادس :
إيه مواصفات شريكة حياتك ؟

بصي الواحد راسم لشريكة حياته صورة خياليه جايز تكون مش موجوده في الواقع بس اللي الواحد متأكد منه إنها هتكون واحده عاديه من البشر بس هتكون عندي أنا أغلى حتى من نفسي وهتملا عليا حياتي كلها وهقولك برضو على الحاجات اللي نفسي تكون في شريكة حياتي :
إنها تكون متدينه وعارفه ربنا وتكون طيبه وجميله ورومانسيه وأمينه ومن أسره طيبه وأخلاقها عاليه وكمان يكون مستواها الإجتماعي قريب من مستوايا علشان يبقى في تكافؤ بس زي ما قلتلك ممكن تكون واحده عاديه خالص هي اللي تعجبني وتكون شريكة حياتي .

وأنا سعيد بجد بالأسئله دي وفعلا أنا كنت صريح في كل كلمة كتبتها ومعلش بقى أنا هجاوب على أسئلتك يا محمود بكرة إن شاء الله علشان أنا تعبااااااااااان ونفسي أنام أوىىىىىى .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 5 أغسطس 2008 - 16:11

نبدأ بقى في أسئلة محمود باشا
وبجد ألف شكر على الكلام الجميل اللي قلته عني وبجد المنتدى هو اللي أضاف ليا كتير مش العكس
وبجد أسئلتك جميله وهرد عليها حالا بإذن الله

السؤال الأول :
ماهو انطباعك عن المنتدى ؟

المنتدى ده أجمل وأحب موقع ليا على الإنترنت وبجد قربنا من بعض وخلانا كشباب نسمع وجهة نظر بعض ونتعرف على أصحاب جديده وبجد كانت فكرة جميله يرجع الفضل فيها لربنا ثم لأحمد الشهاوي وبجد المنتدى بيحقق المطلوب منه بل وأكتر من اللي كان متوقع منه كمان بفضل الله .

السؤال التاني :
إيه هو أصعب شيء واجهك في حياتك ؟

إني أقدر أستمر أكون من الأوائل في الدفعه لأنه بجد فعلا من السهل إنك تصل للترتيب بس الأصعب منه إنك تحافظ عليه وده طبعا بفضل ربنا سبحانه وتعالى .

السؤال الثالث :
ماهو أكثر شيء يجعلك تضحك ؟

أي موقف كوميدي يحدث ويكون غير متوقع أو فيلم كوميدي يكون حلو

السؤال الرابع :
ماذا يعني لك الصدق ؟

يقول الرسول صلى الله عليه وسلم (الصدق منجاه) وأنا متأكد إن الصادق ربنا بيكرنه والكاذب ربنا بيفضحه .

السؤال الخامس :
ماهو أفضل كتاب عربي وأجنبي قرأته؟

أفضل كتاب أجنبي قرأته هو كتاب Invertibrates (لا فقاريات) بتاع الدكتور محمد فتحي عبد العال وطبعا كان كتاب مالوش حل ما كنتش فاهم منه حاجه بس أتطريت أقرأه قصدي أحفظه علشان الدكتور أجبرنا على كده
هتقولي طب إزاي هو أفضل كتاب قرأته هقولك أصل أنا ما قرأتش كتاب أجنبي غيره ههههههههههه .
وأفضل كتاب عربي قرأته غير طبعا القرأن الكريم لأنه خارج المنافسه طبعا هو كتاب إسمه عالم النكت وكان عباره عن أربع أجزاء وكانت بجد كتب تحفه ما أقدرش أنساها أبدا.

السؤال السادس :
ماذا يمكنك أن تقول عن الكلمات الأتيه :
الطفوله؟
الطفوله يعني البراءه

المرأه؟
المرأه كائن رقيق وحساس ولها عندي مقدار كبير لأني كنت أتمنى أن تكون لي أخت بنت لأن كل أخواتي صبيان زي ما أنت عارف بس الحمد لله طبعا على كل شيء.

الدبلوماسيه؟
الدبلوماسيه في حد ذاتها شىء جميل ومهم أن يكون في أي شخص ولكن بدون نفاق أو رياء أو كذب

وشكرا ليك على الأسئله الجميله ومستني الأسئله الجايه منك ومن كل الأعضاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة القصر

avatar

عدد الرسائل : 1240
العمر : 28
المزاج : wow !!
اسم الكلية : mansoura faculty of science
تاريخ التسجيل : 03/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 5 أغسطس 2008 - 18:11

اخر حاجة : كل عضو يجى على بالك فى المنتدى ادينا رأيك فيه بصراحة

_________________
اُحب حرف ( الذال ) ليس لان الحرف يعنيني كثيرا ً .. أو أنني اُحب شخصاً بهذا الإسم .. !!
ولكن لأنني اجــده بعيدا ً عن كل ( صراعات الحروف ) حيث يقطن في الركن الأيسر من ( الكيبورد ) اُحب ان اعيش مثله بعيدا ً عن مشاكل البشـر!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 5 أغسطس 2008 - 19:09

جوهرة القصر سألتني سؤال مفتوح قوي بس أنا هحاول أجاوب على قد ما أقدر وبجد الساعه دلوقتي قدامي 3 وربع الفجر يعني عقلي مفوت فأي حد مش هقول أسمه يعرف إني مش ناسيه بس ده بفعل التعب

السؤال : أخر حاجه كل عضو يجي في بالك في المنتدي ادينا رأيك فيه بصراحة

Harry Potter هو أكتر صديق بحبه وأكتشفت من المنتدى إنه شخصيه مرحه جدا و إجتماعي قوي وباله طويل لأني كل ما أخش منتداه الأقيه حط خمسين موضوع جديد في يوم واحد باسم الله ماشاء الله بس بصراحه بيكونوا كلهم حلوين .

جنة ليها هدف سامي قدامها عايزه تحققه من المتدى وأكيد ده أكتر موقع بتحس فيه براحه نفسيه وما بتردش إلا في المواضيع الهادفه اللي ليها قيمة وبجد ربنا يجعل هدفها ده في ميزان حسناتها

Admin بجد أنا مدين ليه بكتير وبهنيه فعلا على المنتدى الجميل ده

New Artist هي طبعا قريبتي وهي عارفه رأيي فيها كويس وبجد هي فنانه حقيقيه بس في زمن يحتاج أكتر للواقعيه

أحمد حلمي بجد الولد ده أنا بحترمه وبحس دايما إنه شبههي كده في أراءه وبجد بتمناله التوفيق في حياته ويكون دايما بصحه وبخير وبجد تحس أنه ابن عمك أو أخوك وهو ما بيتأخرش عن أي حد في أي طلب .

بنكش دي بقى حكايه هي سنها صغير بس عقلها كبير بجد وبتهيألي هيا بتفضل على المنتدى مثلا ست ساعات في اليوم أو أكتر وفعلا قادرة ترد على كل الأعضاء علشان كده هي أكيد إجتماعيه جدا

عبد الله مطر ده الكوم الكبير وبجد فعلا مظبط منتدى الحقائق والغرائب وأنا لما بدخل المنتدى بتاعه بنبهر بمواضيعه وأنا أعرف عبد الله عن قرب هو بجد شاب محترم

حسام ده أنا بحبه كده والله قوي مش عارف السبب بس ده اللي بيسموه الحب في الله بس وأنا بدعيله ربنا فعلا ياخد بإيده ويعوضه عن أي مشكله شافها بإذن الله ولو أحتاج أي حاجه مني أنا تحت أمره في أي وقت والله

كريم اللي هو Fisher man المنتدى من غيره كان هيبقى ناقصه كتير أحلى حاجه فيه من وقت للتاني تلاقيه حاطط صورته مثلا في موضوع ويقولك بزمتك مش أنا أحلى من تامر حسني وحاجات زي كده

إيناس هلال برضو عضوه فعاله وبتشارك دايما في المواضيع الإسلاميه والهادفه بالردود اللي بتسعد الواحد وبيكون ليها تعليقات مفيده بجد

Yanmar طبعا هو كمان شاب له مبدأ وهدف في المواضيع اللي بيقدمها وبتمنى أتعرف عليه في الحقيقه بره المنتدى

gozela طبعا اللي هو أحمد عبد السلام بجد والله هو كمان أنا بحبه وهو شخص محترم جدا وواضح إنه فعلا من بيت محترم ومن أسره طيبه وبتمناله التوفيق والصحه والعافيه دايما يا رب

عادل الأديب هو كمان راجل من رجالة علوم الجدعان واللي يقف معاك لو أحتاجته من غير أي تردد وهو شخص متواضع تحس إنه ابن عمك أو أخوك دايما

medo # roket man اللي هو أحمد عاطف فعلا هو خير مندوب عن شعبة نبات وكيمياء وبجد نور المنتدى بمواضيعه ومشاركاته المستمرة

وأخيرا صاحبة السؤال جوهرة القصر واضح إنها شخص مقبل على الحياه من خلال الصورة واللقب وكمان شاركت بأكتر من سبعين مساهمه في 3 أو 4 أيام من ساعة إشتراكها في المنتدى باسم الله ما شاء الله وهي شخصيه صريحه وواضحه جدا على ما أعتقد

وبجد أنا بقالي كده ساعه إلا تلت بفتكر في الأسماء فياريت أي حد نسيته ما يزعلش مني وبأمانه ترتيب الأسماء جه عشوائي ومالوش أي سبب عندي
وبجد أنا جاوبت بصراحه ومجاملتش حد لا والله أنا قلت عن أي شخص اللي كنت هقوله حتى لأخويا أو أي حد تاني.

مستني بقيت الأسئله بإذن الله ومش عايز حد يشكرني على اللي أنا كاتبه عنه لأن فعلا دي الحقيقه مش مجامله
خلاص أتفقنا


عدل سابقا من قبل Mohamed Ibrahim Mashaly في الأربعاء 6 أغسطس 2008 - 13:27 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter

avatar

عدد الرسائل : 2306
العمر : 30
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 6 أغسطس 2008 - 8:16

كبير من يومك يازعيم
وانتا عارف غلاوتك عندى قد ايه
وبجد انا بحبك وانتا من اعز اصدقائى بجد مش مجامله
هسالك شويه اسئله
هل تؤمن بالحب من اول نظرة؟
اذا اتت لك فرصة ان تكون احد الشخصيان الخارقة فى تاريخ السنيما من تختار؟
وايه موقف اثر فيك لحد دلوقتى؟
وكفايه عليك الاسئله دى النهارده

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
medo # rocket man

avatar

عدد الرسائل : 249
العمر : 30
المزاج : fil tarawa
اسم الكلية : graduated - علوم المنصوره - نباتي و افتخر.
تاريخ التسجيل : 23/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 6 أغسطس 2008 - 8:37

بالنيابه عن كل النباتيين



اشكر محمد ابراهيم مشالي علي الكلام الحلو اللي قاله عننا وبقولك ان ده كان متوقع من حد ذيك
و بجد بجد المنتدي كان هايبقي وحش من غيرك و حلمي و الحسيني و عبد السلام و مطر وكل الناس مش عاوز انس حد



و في النهايه و اسمعك نشيد النباتيين



الخص و الفجل حبايب ......... من زمان من زمان


و البتنجان ف الباميه دايب........ من زمان من زمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 7 أغسطس 2008 - 2:58

ألف شكر يا محمود باشا على الكلام الجميل ده وبجد ده كتير عليا

وكمان طبعا ألف شكر تانيه لأحمد عاطف وبقوله ربنا يخليك على المجامله الرقيقه دي وكمان على نشيد النباتيين الجميل .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 7 أغسطس 2008 - 3:28

نجاوب بقى على أسئلة محمود الحسيني

السؤال الأول :
هل تؤمن بالحب من أول نظره ؟

على فكرة أنتوا سألتوني كتير عن موضوع الحب والحاجات دي مش عارف ليه هو حد قالكوا إن أنا روميو ولا حاجه ههههههههه مش مشكله أسألوا براحتكوا و هجاوب على السؤال بتاعك يا حوده

الصراحه ما أعرفش يا محمود لأنها محصلتش معايا قبل كده بس ممكن أأكدلك إن ممكن يكون في إعجاب كبير من أول نظرة وممكن يتحول لحب بعد ما أكتشف إن الشخص التاني ده عنده حاجات كتير تانيه عجباني ساعتها الإعجاب على طول هيتحول لحب إنما أصلا اللي بيحب بسرعه كده من غير ما يعرف حاجه عن الطرف التاني بتكتر أخطائه في إحتيار حبيبه .

السؤال التاني :
إذا أتت لك فرصه أن تكون أحد الشخصيات الخارقه في السينما فمن تختار؟

ما تحاولش يا أخويا أنا بحبك قوي بجد بس مش لدرجة إني أقول هاري بوتر هههههههه
أنا طبعا بهزر . أنا عجبتني قوي شخصية الممثل اللي عمل الناصر صلاح الدين بجد أثر فيا جامد وحسيت أنه بالرغم من أنه ما قامش إلا بالدور الوحيد ده في حياته بس أنا حببته جدا وحسيت أنه فعلا قدم رسالته المطلوبة منه في عمله .

السؤال التالت :
إيه موقف أثر فيك لحد دلوقتي؟

من أكتر المواقف اللي أثرت فيا لحد دلوقتي إني كنت رحت لدكتور في الكليه كان بيدرسلنا في سنة أولى المهم رحت أسأله عن 3 أو 4 مسائل في الكيمياء اللي كان بيديهالنا وكنت بغبائي رايحله بورق الدروس (كنت لسه في أولى بقى مش عارف مقدار الجريمة اللي عملتها ) المهم الراجل ده هزئني وقالي إنت فاشل و ابقى قابلني لو عرفت تجاوب مسأله واحده في الإمتحان طالما بتذاكر من ورق الدروس مع أني حلفتله إني حضرت كل المحاضرات ومصدر المذاكرة الأول عندي هو المحاضره ودي فعلا كانت الحقيقه ولكن لا حياة لمن تنادي والكلام ده كان قبل الإمتحان بيوم أو أتنين المهم خرجت من عنده حزين جدا وبجد ما قدرتش أمسك نفسي وعنيا دمعت وأنا ماشي بعد ما خرجت من عنده مع أن دمعتي صعب جدا جدا أنها تخرج بس يوميها نفسي صعبت عليا بجد يوم الإمتحان بقى الحمد لله حليت ميه ميه وبعدين لما طلعت النتيجه جبت في مادته تقريبا 96 من ميه وكانت أعلى درجه في الدفعه كلها وحسيت ساعتها إن ربنا حب يعرفني حاجه إن مش أي حد يقولي حاجه أصدقها ومن يوميها بقيت بصراحه أكره أروح للدكاتره وأسألهم عن أي حاجه وما بقيتش أروح إلا بقى لو الموضوع مستعصي عليا جدا ومحدش عارف يجاوبني على أسألتي مثلا . معلش صدعتكوا بالهبل بتاعي ههههههه

وشكرا على الأسئله الجميله دي واللي عايز يسألني يلحق نفسه قبل ما أقوم من على الكرسي الجميل ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dola_20071

avatar

عدد الرسائل : 109
تاريخ التسجيل : 25/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 7 أغسطس 2008 - 8:41

congratulaions mashaly
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 7 أغسطس 2008 - 14:35


شكرا يا عادل باشا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 12 أغسطس 2008 - 5:43

السلام عليكم


اولا بجد بشكر كل الناس اللى شاركت بالاسئله ... بجد اسئله جميييله جدااااااااا
واجابات طبعا اروع واجمل من محمد..

فيه حاجات جديده اول مره اعرفها.. انا فعلا اول مره اعرف انك ابن الدكتور ابراهيم مشالى..
كان بيعطيلنا السنه اللى فاتت.. وبجد هوه دكتور جميل جدا وشرحه كان بجد حلو اوى.. مش علشان انت ابنه
لا بجد انا بحترمه جداااااااا.. وتشرفنا يافندم..

وبالنسبه لكلامك عنى .. فبجد الله يكرمك..
يارب فعلا ربنا يرزقنى انى اعمل حاجه ف المنتدى .. واحقق هدفى .. وبجد شكراااااااااااا

استنى اسئلتى بقى..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 12 أغسطس 2008 - 14:37

السلام عليكم



انا بقى اخر اسئلتى ..

من وجه نظرك ما هى الحياة ؟

انت فى حديقة الحيوان ... وفوجئت ان وراك غوريلا ماذا تفعل ؟
انت فى رحلة الى الفضاء عليك ان تختار شىء تاخذه معك؟؟ ماذا تاخذ؟؟

ماذا تمثل لك هذه الالوان ...:
_ الاحمر
_ الاخضر
_ الاصفر
_ الابيض
_ الاسود
_ الازرق


ماذا تعنى هذه الكلمات لك ....:
_ السلام
_ الحرية
_ الديموقراطية
_ الظلم
_ العدل
_ الحرب
_ امريكا
_ مصر
_ فلسطين



واخيرا ايه السؤال اللى كان نفسك حد يساله؟؟؟ وايه اجابتك؟؟

وبجد بجد كنت منور الموضوع ومنتظرين اجاباتك..

علشان افكر اشوف مين العضو الجديد... لسه مش فكرت..
ربنا يسهل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الثلاثاء 12 أغسطس 2008 - 18:36

ربنا يكرمك يا جنة وبجد أنا جاوبت على الأسئله بكل صدق فعلا
وربنا يخليكي يا جنة على الكلام الجميل اللي قولتيه عن والدي
وبجد دي شهاده أنا بعتز بيها وأنا بعتبر شهادتك دي وسام على صدري وأتمنى أكون زيه كده في يوم من الأيام هو ووالدتي طبعا.
وبجد أنا ماقلتش عنك غير الحقيقه وبجد أنتي تستحقي أكتر من كده والله.

نيجي بقى للأسئله الجميله بس لازم تعملي حسابك في كوباية شاي زياده ليا مقابل ال Over Time ده طبعا غير العشاء في كوك دوووور.


السؤال الأول:
من وجهة نظرك ماهي الحياة؟

الحياة في نظري هي ترم دراسي كبير فيها من يجدّ ويعمل ليوم الإمتحان الأكبر وفيها من يلعب وينسى إنه في إمتحان ولكن الفرق في أننا في الدراسة بنكون عارفين معاد الإمتحان وبنجهز نفسنا ليه قبلها إنما بقى الإمتحان بعد الحياة مفاجىء بعدما يأتي الموت.
اللهم أتنا في الدنيا حسنة وفي الأخرة حسنة وقنا عذاب النار يا عزيز يا غفار يارب العالمين.

السؤال الثاني:
أنت في حقيقة الحيوان ... وفوجئت أن وراك غوريلا ماذا تفعل؟

أول حاجه هبصّ للغوريلا وأنا متنّح وبعدين هجري بسرعه جدا وجايز أتكعبل من اللبخه. هههههههه

السؤال الثالث:
أنت في رحله إلى الفضاء وعليك أن تختار شيء تأخده معك؟؟ فماذا تأخذ؟؟

أخد معايا مصحف وأكون أول شخص يقرأ القرأن في الفضاء أو على سطح القمر.
أتمنى والله إن الفرصه دي تتاح ليا .

السؤال الرابع:
ماذا تمثل لك هذه الألوان...:
الأحمر لون أنثوي مبهج وفي نفس الوقت لون الدماء والألم
الأخضر
لون الزرع والحدائق
الأصفر ابن عم اللون البيج اللي أنا بحبه جدا
الأبيض لون الأمل والسعاده وسبحان الله مش عارف ليه أنا عندي فكرة إن الجنة من جوه كلها أبيض في أبيض اللهم أجعلنا من أهلها يارب العالمين
الأسود لون الظلام والخوف ولكنه في نفس الوقت يعطي الأشياء وقارا فأنا أحترم السيارة الفخمه السوداء والبدله الوقورة السوداء
الأزرق لون مريح إلى حد كبير وبحب الويندوز بتاعي يكون لونه أزرق.

السؤال الخامس:
ماذا تعني لك هذه الكلمات؟
السلام
السلام هي كلمة جميله جدا ولن نحققها بأن نتوسل لطلبها من أعدائنا ولكن سنحققها بأدينا وسلاحنا

الحريه
الحريه بصراحه يتمتع بها الولد أكثر من البنت في مجتمعنا وهي من حق كل إنسان ولكن بدون أن يتعدى على حقوق الأخرين.

الديموقراطيه
الديموقراطيه هي ما أتمنى أن نصل إليه في يوم من الأيام.

الظلم
الظلم هو أسوأ إحساس ممكن الواحد يحسه على وجه الأرض .

العدل
ربنا سبحانه وتعالى من أسماءه العدل وأعلم أن كل ظالم أو مظلوم سيأخذ كل منهم حقه على يد العدل سبحانه وتعالى إن لم يكن في الدنيا فسيكون في الأخرة.

الحرب
الحرب هي الدمار الأكيد ولكنها أحيانا تكون الخيار الأفضل

أمريكا
نستنجد بها في كل صغيرة وكبيرة وهي أكبر ظالم في هذا العالم وأعتقد أن بداية النهاية لأمريكا قد بدأت.

مصر
مصر هي أكتر مكان بحبه وبحس فيه بالأمان
هتقولولي هو أنت خرجت برا يعني علشان تقول بحس فيها بالأمان أقولك أه لأني أنا أتولدت في لندن (إنجلترا) لما كانت والدتي بتاخد الدكتوراه بتاخد الدكتوراه من هناك ورجعت وأنا عندي سنتين وكمان أحنا سافرنا السعودية طول ما أنا كنت في الإبتدائي وبجد والله مفيش في أي مكان زي الأمان والحب اللي موجود في مصر .
بعد كده كل واحد هيكلمني بإحترام بعد ما عرف أني مولود في لندن يعني أنا مستورد من الخارج مش إنتاج محلي هههههههه.

فلسطين
فلسطين دايما تصعب عليا وكل يوم بدعيلها والله بأن ربنا ينتقم من أعدائها ويحرر أرضها ولكن أنا متأكد أن الفلسطينيين نفسهم هم من يفعلون هذا بأنفسهم لأن مفيش حد فيهم بيموت إلا بخيانة من فلسطيني أخر مدسوس والله أعلم.

السؤال السادس:
وأخيرا إيه السؤال اللي كان نفسك حد يسأله؟؟ وايه إجابتك؟؟

السؤال اللي كنت أحب حد يسألهولي .. إيه أكتر 3 أمنيات تتمناها؟
والإجابه 1- في حديث مشهور بيقول قال رسول الله صلى الله عليه وسلم(إذا مات ابن أدم أنقطع عمله إلا من ثلاث صدقة جاريه أو علم ينتفع به أو ولد صالح يدعو له) وأنا الصراحه شايف إن كل الناس بتفكر وبتعمل في الصدقه الجاريه وفي ناس بتربي أولادها صح علشان يكونوا ولد صالح يدعو له . بس للأسف ما حدش بيفكر في أنه يقوم بعلم ينتفع به يأخد به أجر إلى يوم الدين حيث الصدقه سيأتي عليها يوم وتنتهي لامحاله والولد سيأتي عليه يوم ويموت أيضا لا محاله ولكن العلم كله حلقات تكمّل بعضها وأي وصول لمعلومه جديدة سيكون مبني على معلومات مسبقه وأنا أتمنى أن أكون من هؤلاء الذين سيكون لهم علم ينتفع به اللهم أمين.
2- أتمنى زوجه صالحه تكون كل حياتي وصديقى حتى مماتي اللهم أمين.
3- أتمنى يكون أخر كلامي في الدنيا لا إله إلا الله وأن أموت على عمل صالح اللهم أمين.

وبجد بجد أسألتك كلها كانت جميله وبجد خليتيني أفضفض معاكوا بس قوميني بقى من على الكرسي وادفعي فاتورة الشاي والعشا بتاع النهارده ولا شكلنا هنقضيها غسل مواعين ولا إيه؟!!
ومستنيين العضو الجديد إن شاء الله وشكرا

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 13 أغسطس 2008 - 4:38

وادى الحاجه الساقعه يلا كله يشرب
انا عزمه كل الاعضاء على العصير..






كله يشرب يلالالالالالالالا
ودى تورتتـــــــــــــــــــــــــــــــــــــــــ
ودى احلى تورته لاحلى اعضاء ...

ايه رايكوووووووووووووووووووووو؟؟ وهشوف مين العضو اللى هيشرف ويقعد على كرسى المتواضع ..
كله يستعد.... هجووووووووووووووووووووووووووووم lol! lol! lol!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


عدد الرسائل : 750
العمر : 30
المزاج : دماغ عالية
اسم الكلية : كلية العلوم
تاريخ التسجيل : 18/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 13 أغسطس 2008 - 17:26

لالالالالالالالالالالالالالالالا
دة كتير قوى يا جنه منك
دايما كدة جمايلك مغرقه المنتدى
يلاااااااا بقى رمضان كريم
وشكرا يا مشالى على الردود الجميلة دى
اكل بقى قبل ما الطرطة تخلص

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asdeka.montadalhilal.com
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الأربعاء 13 أغسطس 2008 - 17:46

ربنا يخليكي يا جنة على العصير الجميل والتورته الأجمل وعلى الموضوع الأجمل والأجمل
وشكرا ليك يا كبيرنا وبس سيبلي حته من التورته ما ينفعش كده.
ومستنيين العضو الجديد علشان هطلّع عليه اللي أتعمل فيا.

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter

avatar

عدد الرسائل : 2306
العمر : 30
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 14 أغسطس 2008 - 6:50

ايه يا جماعه اللى ياكل لواحده...................
وارحم يا عم شهاوى وسيب حاجه للناس الباقيه
والف شكر يا جنه على العصير والجاتوه
ويا ريت كل اسبوع عزومه من دى

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جوهرة القصر

avatar

عدد الرسائل : 1240
العمر : 28
المزاج : wow !!
اسم الكلية : mansoura faculty of science
تاريخ التسجيل : 03/08/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 14 أغسطس 2008 - 7:18

ماشى يا جنة أنا بحب تورتة الأيس كريم بالشيكولاته و انتى مش جبتيلى ......

_________________
اُحب حرف ( الذال ) ليس لان الحرف يعنيني كثيرا ً .. أو أنني اُحب شخصاً بهذا الإسم .. !!
ولكن لأنني اجــده بعيدا ً عن كل ( صراعات الحروف ) حيث يقطن في الركن الأيسر من ( الكيبورد ) اُحب ان اعيش مثله بعيدا ً عن مشاكل البشـر!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الخميس 14 أغسطس 2008 - 8:19



بجد بجد ربنا يخليكو ليا ياااااااااااااااارب يا احلى اعضاء
ولو عوزين كمان انا تحت امرك .. فيه لسه كتير
بس كل واحد يبص فى حاجته وفى العصير بتاعه ملوش دعوه بحاجه غيره Basketball

وفى نهايه استضافه كل عضو باذن الله هيكون فيه عزومااااات كتيييييييييييييييير

وكمان احلى تورته ايس كريم بالشيكولاته علشان خاطر جوهره القصر..

وان شاء الله العضو الجديد هيشرفنا قريب.

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 15 أغسطس 2008 - 13:46

السلام عليكم


ان شاء الله هيشرفنى ويشرفكم
العضو المتميز والمبدع .. بمواضيعه وبمشاركاته الجميله


هيشرفنا على كرسى المتواضع .. كرسى الاعتراف
هيحكلنا شويه عن نفسه .. هندردش كلنا مع بعض ..
نتعرف اكتر على شخصيته

وبدايه التعارف لازم تكون جميله
فلازم نبداها بحلويات وتورتات وعصير ..





العضو المتميز دااااااااااااائما

احمد.... medo rocket man







وان شاء الله هينورنا من اول النهارده ليوم التلات .. والتلات معانا باذن الله... اربع ايام


انا عوزه هجوووووووووووووووووووووووووووم ... كله يسال





lol! lol! lol!

_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار


عدل سابقا من قبل جنـــــــــــــــــــــه في السبت 16 أغسطس 2008 - 3:36 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه

avatar

عدد الرسائل : 839
العمر : 27
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   الجمعة 15 أغسطس 2008 - 14:21

ابتدى انا بقى


ايه اكتر يوم حسيت فيه بالسعاده؟؟؟؟

امتى بتحس بحزن؟؟ امتى بتحس بغضب؟؟

ايه اكتر الكتب اللى تستهويك فى القراءه ؟؟

ماذ تعنى ليك الكلمات الاتيه

الليل .. النهار .. الظلمه .. مصر .. فلسطين .. اسرائيل ..

ايه اكتر حاجه بتخوفك؟؟ وبتعمل ايه وقتها؟؟

ايه اصعب او اقسى لحظه عندك؟؟

امتى تضحك من قلبك اوى اوى؟؟

بتحب علوم ولا كان نفسك فى كليه تانيه؟؟؟

ايه الموقف اللى تسبب فى علقه سخنه ليك وانت صغير ؟؟ Smile Smile


ولسه كتييييييييييييييييييير اسئله بس واحده واحده





_________________
معلش يا فلسطين

انا عربى ومش هرتاح
لا مسيحى ولا مسلم ولا باشا ولا فلاح
يرضوا بدم الصغير والكبير يا خساره راح

وصهاينه ف عيشه تانيه كله فاكر ده انتصار
خليكو صغيرين بلاش تعاندوا ف الكبار
والجزمه مش هتغلى وكل ده ف وش القرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   السبت 16 أغسطس 2008 - 5:42

أهلا وسهلا بالباشا الكبير أحمد عاطف
منور الكرسي والله يا نجم

أسألك أنا بقى بس فوق كده معايا وركز علشان كل كلمه بتقولها محسوبه عليك ههههههههههه بهزر معاك طبعا ده أنا عايزك تتكلم بكل تلقائيه.

السؤال الأول:
كلية العلوم بتمثلك إيه ؟ وياترى ندمت على أنك أختارتها ولا سعيد بيها بعد ما أتخرجت؟

السؤال التاني:
مين أكتر شخص بتحبه في حياتك وحاسس إنه أثر في شخصيتك وياترى أثر فيها إزاي؟

السؤال التالت:
الماوس بتاع الكومبيوتر عندك ليزر ولا بليه؟ (سؤال إختياري)

السؤال الرابع:
إيه هي هواياتك وأنشطتك المفضله؟

السؤال الخامس:
إيه هي طموحاتك المستقبليه؟

السؤال السادس:
إيه رأيك في موضوع تحديد النسل؟ (سؤال إختياري)
من الأخر ناوي تخلف كام طفل ولا مش ناوي تتجوز أصلا؟

وشكرا ومستني الأجوبه

_________________



إن صمتي لا يعني جهلي بما يدور حولي ,,, ولكن ما يدور حولي لا يستحق كلامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


عدد الرسائل : 750
العمر : 30
المزاج : دماغ عالية
اسم الكلية : كلية العلوم
تاريخ التسجيل : 18/03/2008

مُساهمةموضوع: رد: كرسى الاعتـــــــــــــــراف ... مين ناوى يقعد ع الكرسى ولو مره قبل مايموت   السبت 16 أغسطس 2008 - 5:53

انا كنت عايز اسال بس لقيت جنه ومحمد مشالى قاموا بالواجب فانا هستنى اشوف الردود على اسئلتهم وبعدين ابقى اسال
وربنا معاك يا عاطف

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://asdeka.montadalhilal.com
 
كرسى الاعتـــــــــــــــراف ... مين ناوى يقعد ع الكرسى ولو مره قبل مايموت
استعرض الموضوع السابق استعرض الموضوع التالي الرجوع الى أعلى الصفحة 
صفحة 5 من اصل 11انتقل الى الصفحة : الصفحة السابقة  1, 2, 3, 4, 5, 6 ... 9, 10, 11  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: