منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 عادل ورحاب قصة حب من ملفات التاريخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
harry potter

avatar

عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: عادل ورحاب قصة حب من ملفات التاريخ   السبت 12 يوليو 2008 - 5:59

السلام عليكم ورحمة الله وبركاته
بعد موضوع لقاء مع السيد المسئول اللى بتاسف انه طول منى شوية ودة السبب اللى خلا كتير منكم ماقروهوش بس انا واثق ان اللى هيقرا هيعجب بية جدا المهم انا النهاردة جيبلكم قصة حقيقة حصلت فى يوم من الأيام قصة حب عادل ورحاب
والله يا جماعة انا قلبى بيتقطع بسبب الموضوع ده انا خلاص بموت من اللى انا فية شوفتو المصيبة شوفتو الكارثة عادل ساب رحاب تخيلو بعد الحب دة كله سابو بعض اةةةةةةةةةةةةةةة مش قادر
الاول اعرفكو على عادل :
عادل دة يبقى جارى شاب طموح جدا و دمه خفيف جدا جدا و زكى جدا جدا جدا و بسم الله ما شاء الله تقيل موت و كل البنات بتتجنن عليه و ياربىىىىىىى على العرايس اللى بتقدمله بجد بجد حاجه وهم
بس عادل محبش غير واحدة بس و هى رحاب و بيحبها موت
عادل فى اولى ابتدائى و بيحب رحاب فى كى جى تو و رحاب دى بقا تبقى بنت الجيران بردو شوف الصدف :
الواد ميدو صاحب عادل ده بردو ابن الجيران وفى اولى ابتدائى معاه و راح لعادل فى يوم و قاله ان هو و رحاب بيحبو بعض (يانهار ابيض ازاى كدة)
عادل قاله لا دا انا و رحاب اللى بنحب بعض
راح ميدو اضايق جدا جدا ورما الشنطة على الارض وقالو لا رحاب بتحبنى انا وكانت هتبقى عركة لولا تصرف عادل الحكيم (بقولكم شاب رزين يا جدعان)
عادل قاله تعالى يا ميدو و راحو نادو على رحاب
عادل قالها رحاب انتى بتحبى ميدو؟ (شوفتو الثقة بالنفس هيا دى العيال المخلصة)
قالتله لا يا ياعادل انا بحبك انت قالها و انا كمان بحبك اوى اوى يا رحاب
عادل قال لميدو شوفت يا ياميدو رحاب بتحبنى انا
ميدو قاله اه يا عادل خلاص انا اسف وسابهم ومشى وهو يجر ازيال الخيبة هائم على وجهه وبيغنى جئتو ولا اعلم من اين
وعادل و رحاب بقالهم كام شهر مرتبطين و الكل عارف اهل عادل و اهل رحاب و حاجه فل جدا
لكن القدر ماسبهمش فى حالهم وعين الحسود صابتهم
رحاب جت لعادل اول امبارح و قالتله عادل انا مبحبكش انا بحب اشرف ابن خالى (خيانة مش ممكن ازاى)
عادل ادمر انهار جالة صدمة عاطفية ازاى يحصل كدة ازاى تعمل فية كدة وانحرف ومشى فى طريق الشيطان والادمان وفلوسة كلها راحت على البقالين وكل مايشوف حد يقوله عمو هو ليه كل البنات خاينه و لازم تحب اتنين ليييييييييييييييييية
وقاعد دلوقتى ياعينى بيفتكر فى الشيبسى اللى جابه لرحاب و الايس كريم اللى عزمها عليه
وانه خسر ميدو اللى كان بيقعد جنبه فى نفس الديسك فى الفصل و اللى كان صحبه و جاره
و ايام ما كان بياكل سندوتشات ميدو فى الفسحه
و يااااااااااااااااااااااااااااما يا زوزو اتمرجحنا سوا انا و ورحاب و ميدو (زوزو مين )
و اعد يفتكر ايام كلام الحب اللى كانت بتقولهوله و انه بتحبه اكتر من الشيكولاته جالاكسى اللى بتموت فيها
ايةةةةةةةةةةةةةة دونيا
و اعد يعيط و منهارانهيار فظيع اكبرمن انهيار بتنا فى زلزال 92 و على لسانه ان كل البنات غدارة و كل البنات كدابه و ان رحاب طعنتنى فى قلبى طعنتنىىىىىى طعنه جامده اوى
و عادل قرر قرار انه موش هيلعب مع رحاب تانى و لا هيكلم اشرف ابن خالها و انه مش هيحب حد تانى و لا حتى مى اللى جاتله الاسبوع اللى فات و باسته فى خده و قالتله انا بحبك يا عادل و لا هيعبر هند اللى ساكنه فى الدور اللى فوق و بتنزل تقوله تعالى نلعب سوا
ودى كانت نهاية قصة الحب الكبيرة انا حبيت احكيهلكم علشان يشهد التاريخ على قصة الحب الخالدة وادينى بفوت على كل المدن واحكى حكاية عادل ورحاب انتى فين يارحاااااب انتى فين يارحاااااااااااااااب

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart

avatar

عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: عادل ورحاب قصة حب من ملفات التاريخ   السبت 12 يوليو 2008 - 6:39


المفروض عادل كان أول ما حبها يروح يطلب إيديها من أبوها ما يتأخرش لحد أما تبص لغيرة
يستاهل اللي جراله هو عايز كلام الناس يكتر على البنت ولا إيه ده شرف البنت زي الولاعة قصدي زي عود الكبريت مايولعش إلا مرة واحدة بس

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عادل ورحاب قصة حب من ملفات التاريخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: