منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 يا بنات نصائح ايام الخطوبة عشان متفضحوناش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
harry potter



عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: يا بنات نصائح ايام الخطوبة عشان متفضحوناش   الأربعاء 2 يوليو 2008 - 16:56

اجمل ما فى الخطوبه الخروجات الرومانسيه و خصوصا لاحلى محلات اكل فى البلد اللى مش هتشفيها بعد الجواز..المهم نصائحى ليكى عند اى عزومه مع خطيبك ...الرقه اهم حاجه]


1-الاول لازم تعرفي ان الشوكه و السكينه بيتمسكوا من ايديهم من الطرف يعنى مش من الوسط ولا من البوز زى الخنجر ولا من فوق طبعا.

2-العيش اوعى تفضحينا وتقطعيه بسنانك..ولا الرغيف نصين باءيديك وكل نص لقمه وتحشري..اوعى..العيش بيتقطع بالسكينه فى الطبق...وبعدين تاخذى لقمه لقمه..بالعافيه..قال يعنى نفسك مسدوده.....اضغطى على اعصابك جداا وبعدين لما تروحى ---ابقي حففى زى ما انتى عايزة.

3-الشوربه_ابوس رجلك_بند الشوربه ده مهم اوى_الشوربه تتشرب من غير صوت خالص _ومن غير ما تعدى تنفخى فيها_زى القهوجي اللى بينفخ فى الحجر للزبون...وطبعا عايزك تنسى تماما السلطانيه اللى بتقوميها على بقك فى البيت_وتدلقى على نفسك. .......بالمعلقه و بدون صوت_سخنه ولعه بدون صوت...متنسيش تسيبي تلت الطبق على الاقل.

4- السمك:مشكله تانيه..شوفى..بتفصلى اللحم عن الشوك..ازاى؟؟؟ تقطعى اللحم من النصبالطول..وبعدين تفردى اللحم على الجنبين...ولما تخلصي ناحيه متقلبيش السمكه..بلاش شغل الفلاحين ده

5-الجمبري: اذا كنتى عارفاه..اول ما طبق الجمبري ينزل..بصيله بقرف و احتقار شديدين...ال يعنى زهقانه من كتر اكل الجمبري الجامبو فى البيت...واتنهدى جامد وقولى...برضه؟؟_وتروحى قطعه راس الجمبرايه بالشوكه...انا فى عرضك امسي المصمصه دلوقتى.

6-الفاكهه:لو فيها بذر طلعيه من بؤك براحه و حطيه فى ايدك و هى مقفوله ...وبعدين فى طفاية السجاير اللى على الترابيزه...بلاش نظام تفتفة البذر ..انسي.

"لما تخلصي حطى ايدك على بطنك اللى عصافيرها بتصوصو من العينات اللى كلتيها...وتقوليله مش ممكن انا عمرى ما اتفجعت كده..انا ادامى اسبوع هبطل اكل فيه".
"وبعدين تستاذنى منه لدخول التواليت لاصلاح المكياج،،،وتروحى مطلعه من شنطتك فى التواليت لفة الفول و الطعميه اللى جايباها معاكى ...وبالهنا والشفا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Brave Heart



عدد الرسائل : 1111
العمر : 30
المزاج : Games & Films
تاريخ التسجيل : 08/05/2008

مُساهمةموضوع: رد: يا بنات نصائح ايام الخطوبة عشان متفضحوناش   الخميس 3 يوليو 2008 - 4:00

ههههههههههههههههه
بس النصايح دي تودي في داهية لأن الراجل هيعرف إن خطيبته مش بتتصرف على طبيبعيتها
وعلى فكرة في بنات فعلا بتعمل كده وكل حاجه بتتعرف يوم الصباحية والراجل يا عيني يتصدم
بس الموضوع جامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pinkish*white



عدد الرسائل : 1182
العمر : 22
المزاج : حسب المزاج
تاريخ التسجيل : 01/07/2008

مُساهمةموضوع: رد: يا بنات نصائح ايام الخطوبة عشان متفضحوناش   الخميس 3 يوليو 2008 - 5:47

والله مش البنات لوحدها هى اللى بتعمل كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hosam_fedodedo



عدد الرسائل : 608
العمر : 30
المزاج : aflam agnaby
تاريخ التسجيل : 25/03/2008

مُساهمةموضوع: رد: يا بنات نصائح ايام الخطوبة عشان متفضحوناش   الخميس 3 يوليو 2008 - 12:59




انا بصراحة مش بحب الاكل برة البيت




_________________


fedodedo






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://killer-hosam.hi5.com
 
يا بنات نصائح ايام الخطوبة عشان متفضحوناش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العام :: المنتدى العام-
انتقل الى: