منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةمكتبة الصورالتسجيلدخولشات المنتدى

شاطر | 
 

 خطوات مزاولة المهنة وعمل الدبلومات للتحاليل الطبية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
matar



عدد الرسائل : 343
العمر : 29
اسم الكلية : علوم المنصورة
تاريخ التسجيل : 01/06/2008

مُساهمةموضوع: خطوات مزاولة المهنة وعمل الدبلومات للتحاليل الطبية   الخميس 26 يونيو 2008 - 19:00



اهم شئ هو الحصول علي ترخيص مزاولة المهنة من وزارة الصحة سواء اخذت دبلوم - ماجستير-دكتوراة
اهم شئ قبل عمل اي خطوة لازم نعرف اهم حاجة
هل الدبلومة معترف بها في وزارة الصحة ام لا
قبل الدراسة والنجاح والحصول علي الشهادة بعد كدة اروح لوزارة الصحة ترفض اعطاء الترخيص
اذن من البداية
الدبلومات المعترف بها وتعطي ترخيص من وزارة الصحة هي كما يلي
1- دبلومة كلية علوم الاسكندرية وهي الاولي في مصر ومعترف بها من زمان وجميع الحاصلين عليها يحصلوا علي الترخيص (ترخيص مزاولة مهنة التحاليل الطبية من وزارة الصحة)
2-دبلومة كلية علوم المنصورة او علوم دمياط
3-دبلومة كلية علوم المنوفية
4-دبلومة الزقازيق والاسماعلية مش عارف بس باين عليهم ياخذوا الترخيص
--------------------------------------------------------------------------------------------------------
احذر هؤلاء : المنصورة (معقدين أوي ) - عين شمس (ناشفة؟)
* تحاشى هؤلاء : مشتهر لاناللي بيدخل ما بيطلعش إلا فيما ندر - شبين (مهرها غالي 2500 ) - طنطا( !بيقولوا صعبة ومش عاطفية
* ارشح لك دول : الزقازيق و الإسماعيلية (باشا !!) - اسكندرية (شغالة ومانجه) – شبين (مووووووووووز / بس غالية) - بنها ( وأنت واقف!!!)
-------------------------------------------------------------------------------------------------------
اذن الافضلية باترتيب
1- المنوفية 2-الاسكندرية 3- المنصورة او دمياط 4-عين شمس




خطوات مزاولة المهنة وعمل الدبلومات للتحاليل الطبية

--------------------------------------------------------------------------------



سأتولى بإذن الله شرح خطوات مزاولة المهنة وعمل الدبلومات .. إلخ لانه قد أثير لغط كبير حول الموضوع وأثمرت الأقاويل عن تخرصات عشوائية وتكهنات لا طائل منها..


بس لازم أقول حاجة مهمة جدا جدا وأسأل سؤال مهم :


س / هل من حقي أن أفتح معمل ؟ وأكتب عليه اسمي ؟ وابقى دكتور تحاليل؟



هذا يقودنا إلى سؤال سؤال هام جدا : يعني قانونا هل المعمل ده من حقي ؟


* القانون المصري لسنة 54 لم يفرق في ممارسة مهنة التحاليل الطبية بين الكيميائي والصيدلي والطبيب .. إلخ بل هذا الحق يتساوى فيه جميع الخريجيين طالما قد استوفوا شهادات التخصص المطلوبة، واعتبره القانون المصري حق مكتسب ومشروع للجميع واعتبر مهنة التحاليل الطبية مهنة منفصلة عن باقي التخصصات الطبية الأخرى.


* هذا القانون معمول به في كثير من الدول العربية مثل تونس – سوريا وجميع دول العالم الأول مثل : أمريكا – كندا – فرنسا – ألمانيا – بريطانيا .. إلخ

* إن أقدر وأكفأ من يتعامل مع أجهزة التحليل الكيميائي كالأسبكتروفوتوميتر أو الفصل الكروموتوجرافي أو التحضير الكيميائي للعينات الكيميائية أو الإلمام بالتقنيات الكيميائية في التحليل الكيميائي أو العضوي مثل التحليل التربيديمتري أو الكلاريمتري أو الجرافيميتري هم الكيميائيون والبيطريون والصيادلة بحكم طبيعة الدراسة .

* المسألة تتلخص في تحليل عينة فقط فالجميع من أطباء أوغيرهم - رسميا - غير مطالبين : لا بتشخيص سريري – ولا بربط النتائج – ولا بكتابة علاج - أو تفسير نتيجة !!!

حتى سحب بعض العينات قد يخرج عن نطاق تخصصك!! مثل عينات الدم للمولودين حديثا (تعرض على أخصائي الأطفال) – عينات فحص الأورام ( أخصائي الباثولوجي) – عينات البذل النخاعي (التخدير أو الحميات)


* للأسف يروج بعض الأطباء في أحقيتهم وإلغاء أحقية الباقيين في ممارسة المهنة ويضعون العراقيل ويحاربون بشتى السبل من أجل ضع قصور على الباقيين في ممارسة المهنة، ويضغطون على وزير الصحة من أجل رفض إعطاء الترخيص والتحايل على القانون (الصريح)، ولي عنق الحقائق ، واتباع مبدأ "بروكر استيز" الذي كان يقطع أرجل ضيوفه لتناسب طول السرير الذي سينامون عليه !!! ويتفنون في وضع العراقيل لمنعنا من ممارسة المهنة مثل إجبارنا على رفع القضية وخلافه ؟؟؟ وكتابة عبارات في الصحف بغرض الإثارة : " تضافروا لقصر المهنة على الأطباء" أو من يكتب : " فوضى التحاليل الطبية"


سؤال فرعي / ما هي آخر صيحة في وضع القصور للمزاولة؟

(1) التصريح يكون بالماسترية لا بالدبلوم
(2) العمل في المستشفى مدة 3 سنوات
(3) ضرورة كتابة التخصص الحقيقي : صيدلي / بيطري / كيميائي .. إلخ على لافتة المعمل و على التقرير، كما تكتب بجواره : "الكيمياء الحيوية الصيدلية" أو "الميكروبيولجيا البيطرية".. إلخ
(4) إجبارك على ممارسة التحاليل التي قد تخصصت فيها ، وهذه قصة طويييييييييييييلة جدا




لكن هذه القصور غير معمول بها الآن ولله الحمد ، بل يريدون تنفيذها !!



* لقد خسرت نقابة الأطباء القضية المرفوعة ضدنا لمزاولة المهنة وأمام مجلس الشعب قوبل طلبهم بالرفض عام 94 بعد أن أستماتوا في تقديمه ومازالوا، هنا أعيد الحق لأصحابه ، لكن هناك من يعبثون بشد ذيل القط النائم من آن لآخر ، والذين يريدون الحصول على شعرة من شنب الغول الأسود وهو غافي !!


* الخلاصة .. التحاليل الطبية لا تعتمد على التشخيص السريري .. أنك - في المعمل - تتعامل مع عينة لا مع مريض ، وأنك الأكفأ والأجدر مقارنة بما هو مطلوب ، أنت تشخص فقط تشخيصا طبيا معمليا لا سريريا ولا تعتمد على الحالة الإكلينيكية في التحليل ، لكنها تؤخذ في الإعتبار ، وأكرر تؤخذ في الإعتبار.


إن ممارسة التحاليل الطبية حقك ..



حقك ..


حقك !!


* في دول العالم الأول يتساوى الصيادلة مع الكيميائيين مع الأطباء مع البيطريين في الحصول على المناصب ، ومعروف أن رئيس الإتحاد الدولي للتحاليل الطبية صيدلي ويتناوب على رئاسة المنصب بيطريين وأطباء وكيميائيين وصيادلة.كما يتولى إدارة بعض معامل البرج المصرية أوالعربية بجانب الأطباء .. صيادلة وكيميائيين أيضا.

* وجدير بالذكر - ومعلومة لمن لا يعلم - أن من أبرز مؤسسي بعض أقسام التحاليل الباثولوجيا الإكلينيكية بكليات الطب العريقة هم أساتذه صيادلة وبيطريين وكيميائيين في علوم الميكروبيولجي والبيوكمستري !!!

حاشية : أنا لا أتحامل على الأطباء .. حاشا !!! فكثير منهم الزميل والقريب والصديق والأخ والأب (والله)، وأنا مؤمن بدورهم الفعال في المجتمع تمام الإيمان ، ومتيقن من عظم وتفعيل دور الطبيب في النهوض بمستوى الطب وأنه ملقى على عاتقه يمكن أكثر من 90% من مجمل الخدمات الطبية التي تقدم للمجتمع والأبحاث والوعي الصحي .. إلخ ، وده لو كان موضوع تعبير كنت كتبت 6 ورقات فلوسكاب وش وضهر !!! وإن كنت قد جرحت مشاعر أو آذيت أي من أخوتي الأطباء فأنا على اتم أستعداد أن أقدم له اعتذاراً فقط لمجرد أن يبدي سبباً ، وحقيقي .. حينما يتعلق الأمر بحق شرعي ورسمي وقانوني فمن كل المشروعية أن أدفع عنه وأطالب به ... ارجو من الجميع مشاركتي الرأي وإبداء ملاحظتهم بالتواصل الإلكتروني معي ..




ركزوا معايا يا جماعة .. وفنجلوا عنيكوا و طرطقوا ودانكوا

عشان أنت كصيدلي تفتح معمل بإسمك لازم تعمل الخطوات الآتية:


(1) أن تحصل على أحد أو جميع شهادات الدبلوم في الآتي :



+ دبلوم الميكروبيولجي العامة أو التطبيقية أو الإكلينيكية أو الماسترية (ماجستير) في نفس التخصص برضه أو على :


+ دبلوم البكتيريولوجيا العامة أو الإكلينيكية أو على:


+ دبلوم الكيمياء الحيوية التحليلية أو الإكلينيكية أو الماسترية فيها


(2) ح تاخد من النقابة درجة : أخصائي تحاليل طبية

ثم تأخذ التصريح من وزارة الصحة ويستغرق أشهر حسب دورك و العدد .. إلخ بس ح يكتبولك في التصريح عبار ": مع عدم التشخيص الطبي المعملي" يعني المعمل ح تبقى أنت مديره لكن مش صاحبه ؟؟؟ هههههههه

، ولن يسمح لك بوضع لافتة عليه ؟؟؟؟ ههههههههه
ولن يسمح لك بكتابة اسمك على التقرير ؟؟؟؟ هههههههه
ولن يسمح لك بأن تمضي على نتائج التحليل ؟؟؟؟ ههههههههه
إذن فبهذا التصريح ح تبقى كوكتيل ومزيج فريد من دكتور التحاليل وفني المعمل !!

(3) ح ترفع قضية وتقعد حوالي سنة ب 1000 ألف جنية بس عند محامي مشهور (تفاصيل الموضوع عندي .. ولما الوضوع يطق ف دماغ أي عضو يبقى يكلمني)
وح تكسبها .. ح تكسبها .. ومضمونة 100% (لأن ده حقك كصيدلي) .. المهم بعد لما تكسبها ح تبقى دكتور تحاليل فعلا .. وهنايسقط الفرق (عمليا) بينك وبين الطبيب الأخصائي !!

++ ملاحظة لا معنى لها ولابد منها !! : الفرق الرسمي (واخد بالك من الرسمي دي؟) بينك وبين الطبيب أنك لو خدت الدبلومتين الميكرو + البيو ح يبقى في سحب العينات فقط .. يعني لازم ح تجيب ورقة من دكتور طبيب أنه المسئول عن السحب في المعمل بتاعك ، وأنت اللي ح تسحب العينات برضه.. يعني عمليا مفيش فرق !!! وإحقاقا للحق .. ان هذا هو الفرق الرسمي الوحيد بين الطبيب وغيره في ممارسة المهنة

+ أسئلة ع السريع باختصار (مجاب عنها ) :
س 1 : إيه لزوم القضية طالما إن الموضوع من حقي وكده كده ح أكسبها ؟؟؟؟؟؟؟؟؟؟؟؟
ج 1 / إحنا في مصر !

س 2 : لأ بجد .. عاوز أعرف إيه لزومها؟

ج 2 / عشان يخوفك ويوهمك إن دي حاجة مش بتاعتك فتقوم جاي مطنش وتقول لنفسك في سذاجة: طالما أنه مش مسموح لي تبقى مش بتاعتي؟؟؟؟؟ في حين أنه حقك ودي لعبة "الحق يغتصب" .. نقطة تانية هي نوع من أنواع كوابح السيارات والفرامل عشان متكترش المعامل زي الأجزاخانات ! ويبقى بين كل معمل ومعمل مختبر !!

س3: إيه أفضل وأسرع شهادة لفتح المعمل (يعني م الآخر .. عاوز أنجز )؟؟؟؟؟
ج 3 / دبلوم ميكروبيولجي أو بيوكمستري وأنا بفضل الأخير ومدته سنه بس لكني أنصحك بال 2 .

س 4 : الليلة دي ح تكلف كام؟
ج 4 / الدبلوما تمنها تبع المكان (متوسط كله 2000 + 1000 القضية)

س 5 : طيب أخدها من أي جامعة أو من أي كلية ؟
س 5 : صراحة .. اشهر ناس شغالين في الحكاية دي كليات العلوم ..
عندك في صيدلة : المنصورة - الزقازيق - الإسماعيلية - عين شمس (بيخرجوا أعداد قليلة
عندك في علوم : اسكندرية (أشهر دبلومة تحاليل في الجمهورية وبتخرج كل سنة 700 أخصائي) - شبين الكوم ( بدأت تشتهر برضه بتخرج حوالي 700 ) - الإسماعيلية ( بتخرج حوالي 1000 أخصائي

عندك بيطري : مشتهر / اللي جنب بنها ( تنافس الأسكندرية وبتخرج حوالي 1000 أخصائي على ما اسمع ) - المنصورة (مبتعديش ال 50 في أي كلية) بس (علوم بكتيريا ممكن تعدي ال 80)

والموضوع ده فيه تفاصيييل تانية كتيرة وممكن أجاوب بالتفصييييييييييييييل الممل للي عايز

س 6 : طيب إيه أرخصهم وأسهلهم؟ ويديلي الشهادة ع السربع ؟؟
ج 6 / * احذر هؤلاء : المنصورة (معقدين أوي ) - عين شمس (ناشفة؟)
* تحاشى هؤلاء : مشتهر لاناللي بيدخل ما بيطلعش إلا فيما ندر - شبين (مهرها غالي 2500 ) - طنطا( !بيقولوا صعبة ومش عاطفية
* ارشح لك دول : الزقازيق و الإسماعيلية (باشا !!) - اسكندرية (شغالة ومانجه) – شبين (مووووووووووز / بس غالية) - بنها ( وأنت واقف!!!)

س 7 : طيب لو أنا (بالي طويل) وعاوز أبقى كفاءة في التحاليل وافتح جنب معمل البرج؟ !!!!
ج 7 / دبلوم ميكرو + ماستر أو دكتوراه في البيو ( أو العكس لكني أفضل كده)

س 8 : طب و الليلة دي ح تستهلكني في كام سنة؟؟؟؟
ج 8 / لو أنت بيدعولك في البيت كويس ح تقعد من 8 -9 سنين

س 9 Sad للمحترفين فقط) : طيب لو أنا عاوز آخد جايزة نوبل في التحاليل أو كأس العالم ؟!!!!!!!!
ج 9 / دبلوم ميكرو + دبلوم بيو + دكتوراه في المناعة
ملاحظة : اعرف دكتور معاه كل دول .. واعرف دكتور تاني معاه دكتوراه الفلسفة في الميكرو + دكتوراه البيوكمستري وكاتب على المعمل :" معمل الدكاتره فلان الفلاني " وع التقرير كاتب :" الدكتور الدكتور" - فعلا بتاعة شهادات !!

س 10: ممكن أعرف إيه حكاية المناعة دي بقى؟؟
ج 10 / معهد البحوث الطبية / اسكندرية بيدي ماسترية للصيادلة في المناعة لكن بيطلب تقدير وبياخد بالعدد (بيطلبوا 2 من صيدلة بس ) يعني الموضوع ممكن يفرقع منك – وبيطلب برضه 2 أطباء – و6 كيميائيين .. تحيز؟
أو عندك معهد بحوث الهندسة الورائية / السادات وده بياخد كله .. ورخيييييص 400 في السنة ومفيش تمهيدي ماجستير .. يعني رسالة على طول + كورسات / سنتين وده بيدي دبلوم أو ماسترية أو دكتوراه أو دكتوراه الفلسفة في المناعة الجزيئية

س 11 / مين تاني ممكن يفتح معمل ؟
الزراعيين – الكيميائيين – الصيادلة - البيطريين – الأطباء
وجميعهم لابد لممارسة المهنة من الحصول على دبلوم أو الماسترية أو الدكتوراه في التحاليل
وجميعهم يأخذ درجة : " أخصائي تحليل طبية"


منقول


عدل سابقا من قبل mattar في السبت 12 يوليو 2008 - 9:11 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جنـــــــــــــــــــــه



عدد الرسائل : 839
العمر : 26
المزاج : تماااام
اسم الكلية : احسن كليه ف الدنيا.. كليه علوم
تاريخ التسجيل : 11/06/2008

مُساهمةموضوع: رد: خطوات مزاولة المهنة وعمل الدبلومات للتحاليل الطبية   الجمعة 27 يونيو 2008 - 0:18

السلام عليكم

موضوع اكثر من رااااائع
انا عن نفسى استفدت جدا جدا لانى كان نفسى اعرف معلومات كتير عن الموضوع ده
ناس كتير كان بتكلمنى عن دبلومه الاسكندريه ؟؟؟ وبكلامك شكلها كده هتبقى الاسكندريه...

ياريت لوفيه معلومات اكتر او مواضيع زى دى ياريت تفيدنا

شكرررررررررررا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
harry potter



عدد الرسائل : 2306
العمر : 29
المزاج : magic
اسم الكلية : العلوم
تاريخ التسجيل : 18/04/2008

مُساهمةموضوع: رد: خطوات مزاولة المهنة وعمل الدبلومات للتحاليل الطبية   الجمعة 27 يونيو 2008 - 15:30

اشطه يا مطر خلاص الموضوع فى الجون
هيفدنا جامد وخلاص انتا بالفلوس والمجهود وانا ابقى مشرف عليك
والنصف بالنصف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahmed helmy



عدد الرسائل : 433
تاريخ التسجيل : 25/03/2008

مُساهمةموضوع: رد: خطوات مزاولة المهنة وعمل الدبلومات للتحاليل الطبية   الجمعة 27 يونيو 2008 - 16:25

ربنا يوفقك يا مطر ويوفقنا معاك
الف شكر علي الموضوع الجامد المفيد ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مشمشه



عدد الرسائل : 658
العمر : 29
المزاج : Sad
اسم الكلية : كليه العلوم جامعه المنصورة
تاريخ التسجيل : 30/08/2008

مُساهمةموضوع: رد: خطوات مزاولة المهنة وعمل الدبلومات للتحاليل الطبية   الإثنين 15 سبتمبر 2008 - 18:22

شكرا يا مطر على الموضوع ده
والمعلومات المهمه اوى دى
ان شاء الله هرجع تانى للموضوع ده السنه الجايه
يارب اكون خلصت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
matar



عدد الرسائل : 343
العمر : 29
اسم الكلية : علوم المنصورة
تاريخ التسجيل : 01/06/2008

مُساهمةموضوع: رد: خطوات مزاولة المهنة وعمل الدبلومات للتحاليل الطبية   الثلاثاء 16 سبتمبر 2008 - 17:32

يارب و على فكرة احنا تقريبا كلنا مقدمين في دبلومات
يعني السنة الجاية ( باذن الله ) هنفيدك مباشرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سارة



عدد الرسائل : 574
العمر : 29
المزاج : عادى
اسم الكلية : كليه العلوم جامعه المنصورة
تاريخ التسجيل : 30/08/2008

مُساهمةموضوع: رد: خطوات مزاولة المهنة وعمل الدبلومات للتحاليل الطبية   الإثنين 29 سبتمبر 2008 - 2:58

موضوع جميل اوى اوى
ويارب التوفيق للجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خطوات مزاولة المهنة وعمل الدبلومات للتحاليل الطبية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الاصدقاء (منتدى طلاب جامعة المنصورة) :: القسم العلمى :: منتدى الكتب والابحاث العلمية-
انتقل الى: