السلام عليكم
طبعا كلنا سمعنا اللى بيتقال عن منتخبنا انهم جابوا بنات ليلل بعد مباراة ايطاليا وهما اللى اتسببوا فى سرقة اللاعيبة
طيب حد مصدق؟؟؟؟؟؟؟؟؟؟؟
وازاى طيب اللاعيبة دول يعملوا كده وهما معروف عنهم قربهم من ربنا وصلاتهم جماعه وقراءة القرآن ده حتى الصحف الايطالية اطلقت عليهم منتخب الساجدين
طبعا انا مش مصدق انهم يعملوا كده حتى انا سمعت ان الصحيفة اللى نشرت الكلام ده بتتمول من دولة معادية لمصر!!
والغريب ان بعض الاعلاميين المصريين صدقوا الكلام ده وقالوا ان ده سبب خسرتنا من امريكا
وربنا قال (ان جائكم فاسق بنبأ فتبينوا)
ودى طبعا مسائل تخص اعراض اللاعيبة
يعنى المسأله مش سهلة كده ده لازم يأتوا بشهود على الكلام ده
طبعا احنا عارفين ان الناس ف جنوب افريقيا بتعمل كده عشان تشوش على الموضوع الرئيسى اللى هو السرقة
غير كده ان اللاعيبة بلغت عن السرقة بعد مباراة ايطاليا يعنى قبل مايتقال انهم جابوا بنات
وكمان الفندق بيقولوا عليه حراسة وكده طب ازاااى!!
احنا من يوم ماوعينا ع الدنيا و احنا عارفيين ان جنوب افريقيا مش فيها امان
هما حبوا يحولوا الموضوع عشان هما هينظموا كاس العالم وخايفين من فشل بطولة القارات عشان ممكن يتسحب منهم التنظيم
ده كمان المنتخب البرازيلى اعلن انه اتسرق هما كمان جايبيين بنات ليلل
والاعلامى عمرو اديب بعد مباراة امريكا بيوصف اللاعيبة بالنجاسة!!
وهانى شاكر بيقول انه مش هيسلم على اللاعيبة عشان عندهم امراض!!!
يعنى عشان خسرنا ماتش يقطعوا ف اللاعيبة كده ويأكدوا الكلام اللى اتقال عليهم
مش دول اللى قدموا احلى اداء قدام البرازيل
وكسبوا ابطال العالم
وكمان مش دور الاعلام انه يدافع عن اللاعييبة ف المواقف دى
دول كمان بيتهموا مين ؟ ابو تريكة !!!
مالقوش غير ابوتريكة ويتهموه فى عرضة
مش اللاعيبة دى عندها اسرة واطفال يعنى حرام الكلام ده
فانتوا ايه رأيكم ف الكلام اللى اتقال ده؟؟؟
موضوع: مصدقين اللى بيتقال عن المنتخب؟ 
الإثنين 22 يونيو 2009 - 21:01
